【短短一個月內，屋企就死左五個人...】: 第二十一章 對打

我大驚失色，失聲高叫道：「張天...」 豈料張天師竟然二話不說，右手從口袋中快速摸出一道黃符，轉身往空氣一貼！

空氣中突然傳出噝噝聲，就好似點著炸彈藥引咁既聲！下一秒，一道人形紫氣突然從白霧中轟然爆出，另一隻乾枯紫手又從白霧中猛然伸出！張天師反應奇快，岩岩好側頭避，紫手只係係佢既側面擦過，遠處既我都見到紫手上怵目驚心既尖指甲，如果頭先張天師慢上過半秒，可能隻手已經插穿左佢既面門！ 張天師好似比人激嬲左咁，只見佢右手一用力，大喝一聲，就將隱藏係白霧中既紫色人形推左出去！紫手同時間向後扯走，消失於濃重既白霧之中，然後空地又再變返平靜，唯一既聲音就只有我同張天師激烈既心跳聲。 過左無幾耐，沉寂既白霧中忽然傳黎一陣陣細語，然後白霧竟然就神奇地散開左！ 天空瞬間變返正常既黑色，月亮依然高掛係天上，而我地的而且確身處係風山秋哥哥所葬既墳場之中，最顯眼既莫過於地下竟然多左一具屍體，但係額頭上則黏住一道黃符，睇黎剛才同張天師對打既就係呢具屍體。化殭既屍體訓係地下一動不動，睇黎應該比張天師鎮住左架啦。我心中鬆左一口氣，然而眼角卻見到有個十步開外左右既人影跌低左。 「張叔！」我連忙沖過去，想要扶起佢。但係我一扶起佢就立時倒吸左一口涼氣。 原來頭先張天師具殭屍對打時都唔係完全佔優，佢右邊面上亦有幾條淺淺既血痕，但最得人驚既唔係個幾條比紙?都?到既血痕，而係佢右邊面竟然以一個極快速度開始發脹，而且仲要呈現泛紫既中毒之色！