[穿越] 執房嗰時搵返部Sony Ericsson推蓋手機: 97.

「喂，係咪返屋企？」

下課鐘聲響起，我在收拾課本的時候，卓行走到我的座位前，理所當然的問我。

「係啊，唔係有邊到去啊？」

「陪我去book場啦咁，順便去食嘢。」

「都得嘅。但又食嘢？有無咁餓啊你？」





我不禁失笑，卓行抓抓頭，一時間答不出話來。我拿起數本課本走到locker前，費盡力氣才能把所有書放進去。然後，卓行不知在何時站在我的背後。

「咁亂好心你就執吓佢啦，無晒位。」

「放得晒咪得囉，好快又亂過㗎咋。」

「真係無眼睇你，行得未啊？」

「得喇，行囉。」





結伴下課的日子，對卓行而言大概是種日常，我卻覺得極其珍貴，這些記憶像是偷回來的。中一的時候，因為我的腿受傷了他才陪着我回家，而現在已經不需要原因，這些年的變化我不得而知，此刻的親近卻是真實的。

「其實你做咩咁心急要book weekend打波？」

「坐言起行嘛。」

「真係？無其他原因？」

「仲有咩原因？」





「唔知呢，星期六係咩日子？」

「1月21囉。」

「喔...」

然後我們默沉不語，走了一段路，來到體育館附近。

「驚我唔記得你生日啊？」

他低沉的聲線劃破寧靜，我驚喜的看着他。

「咁你做咩扮唔記得？」

我裝作生氣，他輕輕一笑，手臂自然地搭在我的肩上。我下意識地四處張望，生怕有路人看到，始終穿着校服，這樣的行為好像過於親暱。





「我都無話唔記得。」

「咁你又話無原因？」

「我要約你洗咩兜咁大個圈咩？」

「咁有自信？邊個話我一定應約㗎？」

「咁我約你你出唔出嚟吖？」

「咁我一早應承咗你打波，無辦法啦。」

「我係話我約你夜晚食飯，你得唔得？」





他突然停住腳步，把我也拉停了。我看着他，道路上只有我倆在凝視對方，原來他的眼睫毛好長，眼睛比我還要漂亮，有那麼一秒，腦海中幻想着他會向我靠近——

「1月21號晚，得唔得？」

他再次詢問，看到他的瞳孔在輕微顫動，心跳聲逐漸變大而紊亂，分不出是屬於他的還是自己的。我別過臉，踏前一步，才緩緩說出答覆。

「得嘅...」

「帶你去個好地方。」

他繼續走，走得好快，我小跑一段才追上了他。

「咩地方？行咁快做咩啊你？」

「到時你咪知囉。」





他依舊沒有回過頭來，我卻能看到他變得通紅的雙耳，在深藍色圍巾的襯托下特別明顯。

原來他也會害羞的。