「短篇」「小小傻瓜,大大幸福」: 寶物
無論係媽媽定係個女既復原速度都非常快,唔洗兩日醫生就已經話母子都可以出院。
接左佢地兩個返屋企之後,我既工作就正式開始啦。
作為一個老公,一個爸爸既工作,亦即係可以話一個奴隸既工作。
唔…用「奴隸」呢個字岩唔岩呢,有邊個人做奴隸係會覺得開心架呢?
我要做既野其實就好簡單,就係全部野。
屋企上下所有事務,除左幫佢同BB沖涼,同埋餵奶(我邊有可能餵到)之外,不論大小都係由我負責。
嘛,雖然係多左好多野做,但係我係呢兩星期居然一D攰既感覺都無。
真係奇怪,明明我地平時做多小小野都會覺得攰,成個人散哂,但今次真係完全無呢d感覺。
我又真係唔明點解睇電視D新手爸爸會覺得湊BB係惡夢,唔係吖真係好開心喎。
起碼我半夜聽到Nicole喊我係會自動自覺落床去睇佢發生咩事,而唔係一身怨氣去。
「愛意」原來真係咁重要。
![](https://lihkg.com/assets/faces/normal/good.gif)
唔知Nicole要幾耐先識叫爸爸媽媽呢,真係令人期待。
啊啊,又係時候去睇下佢啦,唔知個衰豬係醒左定又訓緊呢?
![](https://lihkg.com/assets/faces/normal/tongue.gif)
我走去書房,而家既BB房睇我同Cherry既Nicole豬。
點知一行到門口望入去就見到Cherry餵緊奶,尷尬到我即刻想走人,但一轉身就比佢發現,仲叫停左我。
![](https://lihkg.com/assets/faces/normal/banghead.gif)
Cherry:「做乜要避呀傻仔lulu,有乜好怕喎。
![](https://lihkg.com/assets/faces/normal/angel.gif)
俾佢咁講法仲邊有得走…唯有面對啦。
![](https://lihkg.com/assets/faces/normal/sosad.gif)
我掛住一副尷尬既表情,再一次轉身望入房,呢個時候佢仲餵緊奶,仲發現原來美星都係度。
我:「哈哈…阻唔阻住你地呀…無呀我諗住入黎睇下Nicole係咪醒左咋嘛~無野啦我返出廳先啦…」
美星:「你白痴呀有乜好尷尬呀,餵人奶咋嘛,更何況你地係兩公婆,仲有得小朋友即刻代表你地…
![](https://lihkg.com/assets/faces/normal/hehe.gif)
我:「喂喂喂喂喂!!
![](https://lihkg.com/assets/faces/normal/kill.gif)
我嘗試係佢令到氣氛變得更奇怪之前喝止佢,而佢條仆街就只係「嘻嘻」左兩聲同伸一伸脷就算,真不負責任。
但我無諗過咁既舉動會引發出另一個問題,一個好大既問題。
我嚇親Nicole,佢喊到九彩,奶都唔再飲。
Cherry:「喂呀!你嚇親個女啦!
![](https://lihkg.com/assets/faces/normal/angry.gif)
自知罪孽深重既我唔理三十廿一走埋去,打算氹返個女,點知佢都仲係哇哇大哭,喊到我心好酸。
![](https://lihkg.com/assets/faces/normal/cry.gif)
呀做左人爸爸之後真係要連脾氣態度語氣都要改下先得,呢樣先係最麻煩…
![](https://lihkg.com/assets/faces/normal/dead.gif)
之後Cherry氹左佢成三四個字Nicole先慢慢平靜返,仲係佢溫柔之極既媽媽既懷內訓著左。
而我呢個罪大惡極既爸爸呢,就只係可以企係一邊反省。
![](https://lihkg.com/assets/faces/normal/frown.gif)
到Cherry放返好Nicole落床之後,佢先再同我講返野。
Cherry:「點呀傻佬~~做乜咁意志消沉呀~
![](https://lihkg.com/assets/faces/normal/kiss.gif)
咦…?我以為佢仲嬲緊添?
我:「我以為你…對唔住啊。
![](https://lihkg.com/assets/faces/normal/frown.gif)
Cherry:「傻啦我又點會因為咁小事嬲你吖,只係頭先要氹返個女先唔俾佢嘈所以無理你啫~
![](https://lihkg.com/assets/faces/normal/kiss.gif)
「BB係敏感D架啦,唔好咁上心,俾咁多壓力自己。
![](https://lihkg.com/assets/faces/normal/hoho.gif)
啊…佢果然係天使呀。
![](https://lihkg.com/assets/faces/normal/cry.gif)
Cherry:「啊係呀一陣會有人黎探我地,你可唔可以陪我做D準備呀?
![](https://lihkg.com/assets/faces/normal/biggrin.gif)
有人要黎?
![](https://lihkg.com/assets/faces/normal/oh.gif)
我:「可以係可以…但係邊個要黎呀?你阿爸阿媽?」
Cherry:「唔係呀,佢地去左台灣玩邊黎到啫,前兩日咪比過你睇佢地係台北d相,咁快唔記得左嗱?」
啊啊…佢咁講一講我又醒起有件咁既事,最近太專心照顧佢兩個,其他野都唔係好記得住了。
Cherry:「唉睇你個樣都係真係唔記得左架啦,無你個傻仔收呀。
![](https://lihkg.com/assets/faces/normal/wink.gif)
我:「唔係呢,咁其實係邊個要黎啫,你都唔講埋佢既。
![](https://lihkg.com/assets/faces/normal/sosad.gif)
Cherry:「呀!
![](https://lihkg.com/assets/faces/normal/shocking.gif)
![](https://lihkg.com/assets/faces/normal/bouncy.gif)
OK,又係我衰,唔緊要又唔洗坐監既,認下衰仔氹佢開心囉。
不過係子琪啊…?點解佢會知道我地生左女既?唔會係晨哥話佢知架?
講開又講如果子琪黎的話,唔知朱雀會唔會黎呢?小學最friend既兩個朋友都想見下…
嘛,唔黎的話都無乜所謂啦,約出黎食飯咪得囉我係咪傻架。
係佢既指揮之下,我開始同佢係廚房一齊整曲奇,至於點解係曲奇?我都唔知,我都係收order做野。
但係都好似好耐無同佢一齊整野食…自從知道佢有左之後大部分時間都係我用廚房既。
感覺真係好呀咁樣兩口子一齊整野食,十足十拍緊台劇咁。
都未整好d曲奇,個心就已經被甜蜜填滿了。
唔知佢一陣會唔會餵我食岩岩出爐既曲奇呢,哇淨係諗都心跳加速臉紅耳赤呀真係。
![](https://lihkg.com/assets/faces/normal/bomb.gif)
Cherry:「喂傻仔lulu,望過黎吖。
![](https://lihkg.com/assets/faces/normal/kiss.gif)
喂喂喂,我岩岩先諗完佢就即刻做?我地未免太心有靈犀一點通啦掛?
唔正當我滿心歡喜擰過去,準備迎接我既曲奇既時候我先記起小小野。
D曲奇根本就連焗爐未入過,又邊可能可以用黎餵我!!
![](https://lihkg.com/assets/faces/normal/shocking.gif)
但可惜既係一切都太遲,黎唔切收掣了。
![](https://lihkg.com/assets/faces/normal/banghead.gif)
我最後都係面向住佢,不過好彩既係佢唔係將一件生既曲奇放入我口。
佢只係調皮咁hi左一pat朱古力醬係我嘴唇,之後笑笑口咁望住我。
Cherry:「幫我試下夠唔夠甜吖~
![](https://lihkg.com/assets/faces/normal/tongue.gif)
唔…呢D咁主觀既問題呢…我諗每個人既答案都可能會唔同,所以…
我:「不如你自己都試下?」
Cherry:「嗯?你話咩…」
我無學佢咁係碗度撩起一pat朱古力醬hi落佢嘴上,我選擇左自己既方法。
就係帶住呢pat朱古力醬錫落去佢度,而且仲要係以迅雷不及掩耳既速度。
我都幾佩服自己可以係咁快既速度下錫得中,精準度滿分。
確保自己嘴上既朱古力醬成功到送達佢嘴上,簽哂收確認收貨之後我先退開,細心睇佢既反應。
我起初會以為佢會表現得好怕羞,但結果大失我所料,佢居然好平靜,仲好仔細咁品味緊我傳比佢既朱古力。
Cherry:「唔…鹹鹹地既,係咪我落錯左鹽呢?
![](https://lihkg.com/assets/faces/normal/oh.gif)
佢講完之後又撩多一pat朱古力醬直接放入自己口慢慢品嘗,完全無視我頭先既浪漫舉動。
![](https://lihkg.com/assets/faces/normal/ass.gif)
哎…有無搞錯呀…哇!!!
![](https://lihkg.com/assets/faces/normal/yipes.gif)
![](https://lihkg.com/assets/faces/normal/yipes.gif)
正當我為自己既失敗而失意之際,佢忽然同我黎個突襲,錫左埋黎,將朱古力醬傳到我口中。
![](https://lihkg.com/assets/faces/normal/shocking.gif)
明明係同一個動作,佢可以冷靜應對,而我,就被徹底打敗了。
我差D就直接跪左係地下。
![](https://lihkg.com/assets/faces/normal/banghead.gif)
Cherry:「嘻嘻,今次d朱古力甜唔甜呀?老~公~
![](https://lihkg.com/assets/faces/normal/kiss.gif)
佢擺出一副勝利者既姿態,居高臨下咁宣告自己既勝利。
![](https://lihkg.com/assets/faces/normal/kill.gif)
我:「甜…甜到糖尿添…
![](https://lihkg.com/assets/faces/normal/banghead.gif)
屌,呢d野有時真係唔夠佢鬥…
![](https://lihkg.com/assets/faces/normal/chicken.gif)
係一輪耍花槍之後,曲奇終於都焗好,我,佢同美星三個開始品嚐,唔,果然好好食。
![](https://lihkg.com/assets/faces/normal/agree.gif)
門鐘亦係呢個時候響起,未開門已經聽幾把嘈到癲既女聲。
![](https://lihkg.com/assets/faces/normal/dead.gif)
其中兩把齋聽都已經知道係邊個,一定係弱智同阿欣。
![](https://lihkg.com/assets/faces/normal/clown.gif)
打開門,果然見到佢地加子琪。
子琪:「喂好耐無見啦魯路修!巴閉啦做左人老豆~
![](https://lihkg.com/assets/faces/normal/agree.gif)
咁多年無見,呢幾條友都係無變,嘈喧巴閉。
若睛:「喂喂喂!BB呢!BB係邊度呀?快D開門俾我地入去睇下啦!!」
呀呀呀,好嘈呀!!嘈到我頭都痛埋。
可以的話我真係想唔開門,但有朋自遠方來,係應該招呼下既。
所以我最後都係開左門,請佢地入黎。
若睛:「做咩呀魯路修,老朋友黎探你你居然咁既面口都有既?開心D吖嘛~」
嘖…真麻煩,我又唔係餐廳侍應點解一定要笑臉迎人喎…
我:「說話講清楚d好喎師兄,老係你老啫,我地係普通朋友黎咋。」
Cherry:「哎唔好理佢啦,佢快d入黎啦我岩岩焗起左D曲奇呀!」
未等我再開聲串呢個弱智,Cherry就已經走左埋黎分開我地,仲拎住一盤曲奇。
子琪:「哇係曲奇呀!係啦咪鬼理個低能仔啦,佢由以前開始就成日西口西面對人架啦,大家都知架。」
屌,唔好講到好了解我咁啦好嘛。
之後屋內呢五個女人就開始係我屋企談天說地,仲抱埋仍然熟睡中既Nicole出黎一齊「觀賞」。
見到我呢個咁得意既女,佢地幾個當然係為之瘋狂啦,係咁同Nicole玩,又瘋狂影相咁。
特別係阿欣,佢好似真係好鐘意小朋友咁,見到佢不停撩Nicole玩,仲問Cherry好多有關生仔,BB既事,可以睇得出佢真係好想做媽媽。
嘛,希望佢同晨哥可以儘快生返個小朋友啦。
講起晨哥…
我:「喂,點解你地兩個會知道我地生左個女既?我記得我地應該無post上fb ig之類既social media架。」
「晨哥話你地知架?」
聽到我咁問,佢地三個互相望望,之後就搖搖頭否認。
子琪:「你唔知你老婆幫你地個女開左個page咩?我同若睛都係睇到先知道,之後再問阿晨佢先同我講既。」
聽到「FB Page」我馬上就將目光轉到去抱住Nicole既Cherry身上。
明明我肯定自己既眼神並無任何責怪既意思,但同我四目交投既Cherry仍然伸脷扮可愛黎謝罪。
雖然真係好可愛。
「跟住問佢有無興趣黎睇,條友又話唔得閒,叫我地同佢女朋友阿欣姐一齊黎喎,真係識駛人。」
「啊仲有呀,佢話遲d會送份禮物比BB咁話喎。」
吓又禮物…?佢當自己聖誕老人呀?日日都派禮物?
就算我地係度高談闊佢同晨哥,阿欣佢好似都係聽唔到咁,只係繼續係Cherry身邊同Nicole玩。
真係傷腦筋呢…嘛人地既事都係唔好理咁多啦,家家有本難念的經呀。
而且,我而家都應該無餘力去理人地既事,眼前就已經有兩個最大既寶物係度。
佢地既份量大到佔據哂我既視線,眼裏再容不下其他野啦。
而家想做既野真係好少,再唔係咩賺錢買玩具,而只係好好守護佢地。
可以的話,要一世照顧住佢地呢。
之後我都無做d乜,野食又唔洗我整,Nicole又唔洗我幫手換尿片,我只好坐係bar台,望住呢幾個女人,飲自己既紅茶。
但係,唔知幾時子琪走左埋黎。
子琪:「搞乜呀你,無乜精神咁既,湊BB真係咁攰咩?」
我:「攰係因為你班友係度嘈喧巴閉啫,唉真係麻煩,你地玩還玩唔好整到我個女呀,我既寶物黎架。」
子琪:「無見咁耐你真係唔同左喎,係因為人大左吖,定係因為做左人老豆呢?你以前唔會點明顯照顧人架。」
我:「啊啊,點都無所謂啦,大家生活過得好咪得囉,反而你又無乜點變喎。」
子琪:「嘛,本小姐我保養得好吖嘛~」
啊…我唔係想話你個樣無變..不過算啦。
我:「講開又講,你有無話俾朱雀知?」
子琪:「嗯,有呀,不過佢咁岩出左trip所以黎唔到啫,佢有話過如果你擺滿月或者百日宴的話佢一定會黎。」
啊…我又真係無諗過呢d野喎,呢d傳統野我真係唔太熟悉…
我:「個隻野睇黎都無變呢,成日唔係香港。」
子琪:「無變唔係幾好咩?好似以前小學咁。」
我:「可惜我已經變左lu,我而家有必須要守護既寶物,雖然係有d麻煩但我一定要保護好佢兩母子。」
子琪:「唔~~但係而家我開始覺得你仲係以前個個低能仔喎哈哈,成日話咩守護,咩力量咁。
![](https://lihkg.com/assets/faces/normal/369.gif)
無辦法啦,鬼叫佢鐘意既係呢個低能既我咩?
![](https://lihkg.com/assets/faces/normal/angel.gif)