[真人真事][校園][純愛]《兩個我加一個妳》: 第一百一十八章

入到去啲回憶真係湧埋嚟

每行一步感受就愈深，

諗返起好多畫面

特別係中六聖誕假之前嘅片段

講真嘅，



中六聖誕假之後其實我真係唔多印象

你地都知我幾好記性架啦

嗰一刻我先醒起，

原來自己嘅中學生涯，

根本就離唔開某個人



依家先知一定係遲架喇，

我亦都好貼地，

冇諗天馬行空嘅事

只係想今日唔好再一次空手而回

記得我曾經問過自己，



究竟想見返某個人定係寧願唔見

見返的話，

有可能要面對一個你已經唔認識嘅人，

始終相隔咁多年

變遷係好正常嘅事

唔見嘅話，

反而重可以停留喺美麗嘅幻想入面，

回憶唔會被敲破



嗰陣嘅我唔識答呢條問題，

不過呢一刻終於搵到答案

跟住再望下學校周圍 ，

位置上面冇乜大改動

同概念入面差唔多

最衰淨係開放地下嗰層

冇得行返上去，



行多幾步就見到個prefect室

重記得當年我同Cyrus偷偷摸摸咁入去裏面拎嗰本學生簿

目的就係為咗偷睇芊靈叫做咩名

諗返真係好撚搞笑

一樣咁簡單嘅野竟然用咗咁多時間先知

過程入面重要唔光彩，

偷偷地拎出嚟又要靜靜雞上去班房嗰度睇

睇完又要側側膊咁樣落嚟放返喺原位，



真係唔知點解唔開口問

跟住我就指住prefect室問Cyrus記唔記得呢單野

Cyrus:「梗係記得啦屌

講起上嚟你應該多謝我

我唔係prefect嘅話都唔知會有呢本簿

咁你冇咁快會知佢叫咩名

重好記得我地兩個偷偷地入去拎本簿出嚟睇 」



我:「最撚叻係你啦

多謝 」

Cyrus:「起碼你冇忘恩負義

唔錯唔錯 」

行行下就去咗操場嗰邊

真係見到好多同學返咗嚟，

成個場都係人

大家耐冇見，

見返當然係喧寒問暖

始終唔係成日有機會聚埋一齊

咁難得依家有呢個機會，

個個都好珍惜

至於我就當然係喺度周圍望啦

繼續搵緊自己個目標，

當然都係繼續食白果，

成日都話冇期望，

不過硬係喺度諗會唔會有奇蹟

到頭來又係失望，

其實我自己都好唔老實哈哈

行行下見返以前個班主任

唔係講笑離遠行過嚟，

都見到容貌有老態

歲月真係不饒人，

唔到你否認

班主任:「好耐冇見呀 」

我:「真係好耐

miss你重記唔記得我地叫咩名先

唔好扮晒野話記得喎

你話唔記得我都覺得好正常

咁多學生要教 」

班主任:「梗係記得你兩個啦

壹仔， Cyrus

唔好恰我老唔記得 」

Cyrus:「你邊度老呀

反而我地真係殘咗好多 」

班主任:「唔使口乖喇我自己都知咩事

對比你地畢業嗰陣真係老咗唔少

係喎其他同學呢得你兩個嘅 」

我:「我見到邊個邊個呀

佢地喺嗰邊囉

我地都係咁啱過嚟飲品機呢度買野飲 」

班主任:「好啦唔阻你地我搵佢地先 」

我:「飲唔飲野呀miss

我請喎 」

班主任:「好喎反正都口渴

檸檬茶多謝你 」

我:「好 」

跟住我地就去買野飲啦，

買完跟住就行返過去俾miss

俾完之後再去另一邊睇下

中間都撞到幾個同學

都係照例傾下講下笑下，

跟住再去另一邊睇

我:「估唔到嗰條女依家唔錯

明明以前係要捉去漁農處嗰啲嚟 」

Cyrus:「係囉真係女大十八變

痴撚線啱啱見真係唔差

如果唔係以前自己見過真係唔撚信 」

我:「咪係囉

唔通減肥真係差咁遠 」

Cyrus:「係掛

真係好撚嚇人 」

跟住佢講講下就望實我後面

我:「做乜停低咗 」

Cyrus:「有人嚟搵你喎 」

我:「邊撚個 」

Cyrus:「你自己擰轉頭咪知 」

跟住我擰轉頭望，

就見到一男一女行緊過嚟

一個係Michelle，

另一個就係呀宏，

芊靈呢

暫時重未見到

呀宏:「好耐冇見喇喎壹仔，Cyrus 」

我:「真係好耐 」

Cyrus:「係囉又唔約出嚟踢波 」

呀宏:「冇呀畢咗業之後都好少踢 」

我:「等緊飲你兩個嗰餐

如果請我的話 」

Michelle:「唔知喎有人冇表示喎 」

呀宏:「咁都叫冇表示 」

我:「得喇你兩個唔使囇命

叫我地呢啲毒撚情何以堪 」

Cyrus:「咪就係真係潤我地啫 」

呀宏:「依家做咩呀

係咪發咗達成日唔見人 」

我:「屌你啦做狗咋

發達對我嚟講好遙遠 」

呀宏:「係真唔係呀成日吹水 」

我:「講堅唔係呃你 」

Cyrus:「我都係狗咋屌

你地呢 」

呀宏:「我喺小學教緊pe 」

Michelle:「我都係一個小秘書咋

即係話都係做狗 」

我:「呀宏你就fat fat啦

小學pe堂 」

呀宏:「我知你想講乜

估唔到細路女都唔放過 」

我:「我都冇講啲乜你諗乜野呀 」

Cyrus:「係囉係囉

冇見咁耐估唔到你思想混濁咗咁多 」

Michelle:「係囉 」

我:「Michelle都咁講呀 」

呀宏:「講返正題先 」

我:「頂你轉話題轉得好核突 」

呀宏:「唔係呀真係講真呀 」

我:「做咩呀 」

Michelle:「有人坐喺後面等緊你呀 」

見佢地講嗰陣個樣咁衰，

大約都估到佢講邊個

我:「邊個呀唔知邊個喎 」

呀宏:「明嘅明嘅你鍾意低調我唔會篤爆你

我地都係行過嚟報告俾你聽啫 」

Michelle:「有人一入嚟嗰陣就坐喺嗰邊

佢話喺嗰邊會等到你喎

叫我同呀宏自己行住先唔使理佢 」

我:「嗰邊即係邊度 」

跟住佢指咗園林休憩處，

即係我同芊靈以前食飯嗰個位

我:「哦 」

Michelle:「咁唔阻你喇遲下再講 」

同佢兩個道別完之後，

我:「咁我去一去嗰邊先 」

Cyrus:「得啦識做嘅

傾完whatsapp我啦

唔阻你慢慢 」

我:「你個樣都好衰 」

跟住我就向住園林休憩處嗰邊進發，

行過去嗰陣真係步步驚心，

一直喺度諗究竟第一句講乜好

尋晚諗咗成晚都係冇結論，

不過依家唔到我退縮

就好似當年撩佢講野咁樣，

求其鳩噏

希望唔好太過緊張出事啦

一過到去就見到有個女仔背住我坐咗喺度

我真係覺得當年朗豪坊嗰個係佢嚟

但係你知啦佢點會好似我咁無聊，

特登記住邊一日

點會擺喺心啫

所以我都係唔可以肯定，

究竟我當日有冇認錯人，

不過人唔可以成日都回頭望，

特別係依家確確實實坐咗喺我面前

唔應該再諗當日呢件事

反正過咗去冇得挽回，

倒不如抬起頭行過去活在當下

跟住就一步一步行過去，

終於都夢想成真，

終於冇再一次錯過，

最緊要最緊要最緊要，

係終於可以見返佢

要來的，

始終要來。