[真人真事][校園][純愛]《兩個我加一個妳》: 第一百一十一章
哈哈有時真係好諷刺
![](https://lihkg.com/assets/faces/fs/angel.gif)
大家唔好睇劇睇上腦
![](https://lihkg.com/assets/faces/fs/hoho.gif)
唔係每一個男仔都會衝去機場送自己鍾意嘅女仔機,
跟住喺個女仔入閘最後一刻趕到
![](https://lihkg.com/assets/faces/fs/angel.gif)
深情對望,
用擁抱甚至係一個吻代替說話
![](https://lihkg.com/assets/faces/fs/agree.gif)
我呢條戇鳩仔就係一個反例
![](https://lihkg.com/assets/faces/fs/offtopic.gif)
可能真係冥冥中有主宰,
如果唔係今日喺學校撞板多過食飯,
我諗我未必會咁鬱躁
![](https://lihkg.com/assets/faces/dogxm/haha.gif)
未必會咁鬱躁我就未必落去射籠,
唔落去射籠
![](https://lihkg.com/assets/faces/dogxm/haha.gif)
或者未必錯過佢呢個訊息
![](https://lihkg.com/assets/faces/fs/angel.gif)
可能頭先已經喺機場講晒我想講嘅野
![](https://lihkg.com/assets/faces/fs/angel.gif)
甚至有可能承諾好多野等等等等,
依家所謂嘅心聲真係已經變咗歷史
![](https://lihkg.com/assets/faces/fs/angel.gif)
好記得嗰陣心情好奇怪
![](https://lihkg.com/assets/faces/xm/oh.gif)
因為冇諗過咁快會走,
嗰陣點樣蠢點樣鈍都會明佢對我係點啦
![](https://lihkg.com/assets/faces/fs/angel.gif)
都寫晒出嚟
![](https://lihkg.com/assets/faces/fs/angel.gif)
問心嘅,
對比起拍唔拍拖,
其實我覺得後悔佢臨走之前嗰陣
![](https://lihkg.com/assets/faces/fs/angel.gif)
講真拍唔拍拖又如何,
起碼我同佢中間發生嘅事唔係假
![](https://lihkg.com/assets/faces/fs/angel.gif)
對佢嚟講我就唔知,
不過如果你問我,
嗰啲係實實在在,有血有淚嘅回憶,
縱使唔圓滿都好
![](https://lihkg.com/assets/faces/fs/hoho.gif)
起碼可以確實係有發生過
![](https://lihkg.com/assets/faces/fs/angel.gif)
反而去到最後一次都冇行過去搵佢,
成日都驚呢樣驚嗰樣,
結果一日推一日
![](https://lihkg.com/assets/faces/fs/chicken.gif)
周而復始,
邊個叫最後先至醒覺
![](https://lihkg.com/assets/faces/fs/bouncer.gif)
根本從頭到尾就大把時間
![](https://lihkg.com/assets/faces/fs/oh.gif)
只係自己唔識去珍惜
![](https://lihkg.com/assets/faces/fs/chicken.gif)
冇去爭取,
我依家咁樣講得,
即係代表由始至終我都冇怪過天
![](https://lihkg.com/assets/faces/fs/angel.gif)
亦都冇怪過所謂嘅際遇,
唔係金融風暴令到我今時今日落得咁嘅下場
![](https://lihkg.com/assets/faces/fs/angel.gif)
根本就係自己處理手法有問題
![](https://lihkg.com/assets/faces/fs/angel.gif)
就係因為咁,
我連嚎啕大哭嘅資格都冇,
又或者調返轉講,
可能真係冇緣分啦
![](https://lihkg.com/assets/faces/fs/angel.gif)
其實我好憎咁樣去解釋
![](https://lihkg.com/assets/faces/dogxm/no.gif)
因為我覺得緣分係好虛無飄渺,
自己亦都搵唔到當中有咩科學根據
![](https://lihkg.com/assets/faces/fs/angel.gif)
我唔係話冇呀我只係話自己唔識咋
![](https://lihkg.com/assets/faces/dogxm/haha.gif)
不過喺呢件事上面,
我搵唔到第二個更加貼切嘅解釋
![](https://lihkg.com/assets/faces/fs/angel.gif)
依家可以肯定嘅,
就係從來都唔係唔好彩,
只不過係冇緣
![](https://lihkg.com/assets/faces/fs/angel.gif)
跟住醒起芊靈嗰段msn留言,
入面有提到張生日咭,
重話咩五點鐘
![](https://lihkg.com/assets/faces/xm/oh.gif)
幾經辛苦終於搵到出嚟,
搵到之後係咁喺度睇,
起碼睇咗五次,
都見唔到五點鐘呢三個字
![](https://lihkg.com/assets/faces/xm/@.gif)
究竟佢講乜呀
![](https://lihkg.com/assets/faces/xm/adore.gif)
我真係唔明,
原來一直蠢鈍愚昧嘅,
始終都係我。
太陽都係照常升起
![](https://lihkg.com/assets/faces/fs/hoho.gif)
日子都總係要過,
芊靈走咗之後,
其實我生活模式都冇乜點變
![](https://lihkg.com/assets/faces/fs/angel.gif)
咪又係毒撚一條
![](https://lihkg.com/assets/faces/dogxm/haha.gif)
喺搭巴士嗰陣隔離冇人囉
![](https://lihkg.com/assets/faces/fs/angel.gif)
食飯嘅時候唔會再有女仔喺隔離
![](https://lihkg.com/assets/faces/fs/angel.gif)
有時上堂發緊夢嗰陣,
會諗起以前啲野咁囉
有冇唔習慣
![](https://lihkg.com/assets/faces/xm/wonder.gif)
冇就呃你啦持續咗幾年
![](https://lihkg.com/assets/faces/dogxm/haha.gif)
當然Cyrus都知呢件事係點
![](https://lihkg.com/assets/faces/xm/angel.gif)
佢冇講啲乜,
不過feel到佢驚我唔開心,
盡量少提芊靈呢個人
![](https://lihkg.com/assets/faces/fs/angel.gif)
嗰陣喺學校,
其實好想行過去問Michelle
![](https://lihkg.com/assets/faces/fs/bye.gif)
究竟芊靈佢依家點
![](https://lihkg.com/assets/faces/fs/hoho.gif)
不過再細心諗,
如果我真係咁樣做嘅話,
Michelle之後九成九都會同佢講返啦
![](https://lihkg.com/assets/faces/fs/angel.gif)
而佢喺封信都講埋點解佢之前要避開我,
依家真係避到去一個我見唔到嘅地方,
無謂再特登打探佢嘅消息
![](https://lihkg.com/assets/faces/fs/angel.gif)
都係嗰句,
當時我嘅心態係成全,
佢講咗咁多野我當然會識做,
事實上依家我唔可能好似以前咁樣,
成日為佢做野
![](https://lihkg.com/assets/faces/fs/angel.gif)
咁難得仍然有任務喺身,
我應該好似以前咁樣,
遵從佢意思去做亦唔係根據自己意願
![](https://lihkg.com/assets/faces/fs/angel.gif)
所以嗰陣我從來都冇問過Michelle,
芊靈佢嘅近況係點,
當然啦有時夜闌人靜,
特別係用緊電腦嘅時候,
當然會偷望佢facebook同埋msn啦
![](https://lihkg.com/assets/faces/fs/angel.gif)
佢都係冇再上線,
唔知係封鎖咗我定係用咗新ac啦
![](https://lihkg.com/assets/faces/dogxm/haha.gif)
總之當時情況就係咁,
佢要搵我嘅話自己會搵我架啦
![](https://lihkg.com/assets/faces/fs/angel.gif)
其實我真係我好想問佢,
即使係最簡單最低能嘅一句,
「近況如何?」
我都好想對住佢講
![](https://lihkg.com/assets/faces/fs/angel.gif)
就算佢覆我「好。」
就咁一個字我都真係心滿意足,
唔會再強求
![](https://lihkg.com/assets/faces/fs/angel.gif)
不過最後都係冇做,
我唯有自我安慰,
說服自己咁樣係大家嘅默契
![](https://lihkg.com/assets/faces/fs/angel.gif)
唔應該去破壞
![](https://lihkg.com/assets/faces/fs/hoho.gif)
最好嘅做法,
就係唔再打擾大家。
而既然分開了 問好亦不必要