[真人真事][校園][純愛]《兩個我加一個妳》: 第九十七章

時至十月中下旬開始秋涼

唔係講笑真係好撚舒服

無論返學定係放狗甚至係食飯都好

都真係爽過夏天好多

之前我講過啦



晏晝食飯嗰陣我同芊靈多數都係喺學校嗰個園林休憩處度食

上年增設咗之後一直維持到依家

除非有時真係約咗人又或者落大雨，

如果唔係都唔會變

甚至依家放學見天氣咁舒服



都唔係成日搭巴士

慢慢行返屋企都算順路，

特別有時佢話想飲野，

而我同佢都係一個良好市民

從來都唔會違反巴士飲食條例



咁就話一路行一路飲啦

費事一啖氣飲晒

咁樣十月尾有一日放學，

芊靈無啦啦同我講咗啲野

芊靈:「今個禮拜五得唔得閒 」

我:「做咩呀

嗰日放早喎梗係返屋企打飛機 」

芊靈:「變態無聊



真係要將你個腦淨化先得 」

我:「唔係呀我講緊嗰隻game呀

你諗咗去邊 」

芊靈:「點知你講咩呀

咁樣得唔得閒呀 」

我:「你想做咩先 」

芊靈:「我有海洋公園萬聖節飛



一齊去玩嚕 」

我:「你搵michelle佢地啦 」

芊靈:「你都傻嘅梗係一早問咗啦

點知佢地個個都話驚鬼

有啲就要陪男朋友

咁你知啦我咁識做

點會做電燈膽呢 」

我:「咁你搵老豆老母啦 」



芊靈:「邊度得閒喎 」

我:「屌你啦我真係好驚鬼

乖啦靚女唔好咁啦 」

芊靈:「嚟啦嚟啦一次咁多啦

我幾時求過你啫係咪先 」

我:「下

你成日求我架喎 」



芊靈:「咁唔爭在應承多一次啦

我有多一張飛呀 」

我:「真係識人好過識字

乜撚野著數你都有 」

芊靈:「去一次咁多丫

我都驚呀就係想搵人陪 」

我:「屌唔好咁啦 」

芊靈:「真係一次咋

唔該你丫你咁靚仔又咁好人 」

我:「今次真係冇得傾 」

芊靈:「一次咁多真係一次 」

我:「唉好喇好喇

去呀去呀去死佢 」

芊靈:「好野 」

我:「講明先呀到時我嚇到大叫你唔好話我嘈呀 」

芊靈:「得啦你估淨係你驚咩 」

其實我嗰日原本就約咗Cyrus

不過見佢咁想去就破例一次啦

好彩Cyrus真係好撚明白事理

肯放人話我同佢可以下個禮拜再出，

真係夠老友冇得頂

星期五我地係放十點半

放咗學食啲野返屋企換衫之後，

我地就決定搭巴士去金鐘

以前去海洋公園唔係依家搭地鐵咁方便

我記得先要去到金鐘，

跟住搭一架6字頭嘅巴士就可以喺正門落車

邊度好似依家咁樣搭地鐵就搞掂

跟住我地決定搭巴士去金鐘

首先樓下有巴士啦

唔使周圍搵先

同埋睇開呢個故仔都知啦，

我同佢真係成日都搭巴士

咁耐以嚟搭地鐵嘅數目一隻手都數得晒

可能大家都係好撚懶

搭巴士貪佢有得坐

貴就係貴幾蚊不過由佢啦屌

唔係話有唔有錢問題，

而係都唔差嗰幾蚊啦

所以一路以嚟我同佢都冇喺交通工具上面有爭執

大家有晒共識

講咗一輪之後，

我同佢終於上到巴士

向金鐘出發

上到去冇幾耐，

佢無啦啦挨咗落嚟我手臂嗰度

跟住一望過去

見到佢喺度聞我件衫

我:「你係咪變態架

無啦啦聞乜撚 」

芊靈:「其實我想講好耐

由啱啱識你嗰陣都想同你講一樣野 」

我:「講咩 」

芊靈:「每次同你出街

你啲衫都有一陣柔順劑味，

呢陣味好好聞 」

我:「係咪我啲男人味 」

芊靈:「摺埋啦好嘛 」

我:「肯定係近得呀bi多

變咗隻狗

痴線無啦啦喺度聞 」

跟住佢無啦啦箍住我條頸

芊靈:「依家唔係事必要你講

但係你唔講我會箍得更加實 」

我:「咁又唔錯呀死喺你懷抱入面 」

芊靈:「咁呀，

再實啲囉 」

我:「喂停手停手停手

你都未講要講乜 」

芊靈:「又係喎

你用邊隻柔順劑 」

我:「你又唔好彩我真係唔知 」

芊靈:「搞錯呀咁都唔知 」

我:「呢啲野平時老母做開

又唔係我自己洗衫

點會知先得 」

芊靈:「睇死你喺屋企都係懶到出汁嗰隻 」

我:「傻嘅老母要做唔通唔俾佢做 」

芊靈:「auntie真係慘

個仔都幫唔到手嘅 」

我:「你又唔好話喎

有次我做孝子幫佢拎野嗰陣，

我記得佢有喺百佳度買柔順劑

咩顏色咩牌子我就唔知

返到去問佢囉 」

芊靈:「一定要問呀 」

我:「點解 」

芊靈:「都話呢陣味好好聞

等我叫媽咪轉用呢隻先 」

我:「真定假呀 」

芊靈:「呃你有寶

都係唔好，

禮拜一你直情帶埋個樽返嚟

咁咪唔會買錯囉哈哈 」

跟住佢就係咁捉住我件衫手臂嗰個位聞

可能嗰陣未玩冇乜出汗，

加上搭緊巴士又有冷氣呢

由佢喇唔鬼理佢