[真人真事][校園][純愛]《兩個我加一個妳》: 第六十章

結果聽日佢就再搵我

芊靈:「聽晚七點三喺旺角食 」

我:「咁我地幾點出嚟 」

芊靈:「你有冇野想睇 」

我:「我睇嗰啲唔啱你架 」



芊靈:「唉

大約都估到係啲乜 」

我:「不如你講你有咩想睇啦 」

芊靈:「睇下衫好冇 」

我:「一係我地早啲出囉



晏晝出去唔使塞車

班蛋散應該返緊工

條街應該唔會好多人 」

芊靈:「好呀 」

我:「呢度係咪有巴士去太子



太子落車行過去咪得 」

芊靈:「哈哈其實我好鍾意咁樣行 」

我:「話咗你同呀bi差唔多 」

芊靈:「死啦你又話我係狗

你唔覺咁樣行好爽嘅咩 」

我:「爽就未至於

不過有時間會咁做囉

之前試過紅磡行去長沙灣荔枝角嗰邊 」



當然啦對比依家連登嗰啲行路撚

我拍馬都追唔上

但咁耐以嚟自己一個嗰陣

週不時會咁樣行

特別係有時約咗Cyrus個屎忽鬼

有時喺屋企冇野做

真係寧願抽一兩個鐘



特登早啲出嚟慢慢行

當然好少會同其他人一齊行啦

因為始終對方都未必鍾意，

我自己又想一個人靜靜地

咁就費事叫人喇

芊靈:「犀利喎行咁遠 」

我:「其實唔係好遠

行落去個零兩個鐘啫 」



芊靈:「不如我地聽日試下咯 」

我:「未必就腳喎 」

芊靈:「早啲出去喺長沙灣等咪得囉

跟住行去旺角

睇一陣野就可以打邊爐

打完邊爐就去尖沙咀嗰邊睇燈

隔離就係紅磡 」



我:「到時你話辛苦唔好屌柒我呀

你自己話行咋 」

芊靈:「得啦你估個個好似你咁咩

成日無啦啦鬧人 」

我:「我記得呢你屋企同我屋企中間有架巴士嘅

架巴士可以去長沙灣嗰頭 」

芊靈:「好喎

就一於咁話啦 」

我:「拜拜 」

芊靈:「早唞啦你 」

當然第二日都有特登執正啲啦

上身著住一件牛仔褸，

配黑色長褲

再加一對VANS

嗰陣好撚多男仔都係咁樣著

好明顯我呢啲毒撚都係跟風

真心講句，

真係純粹俾面芊靈啫

呀唔知佢會點樣著呢

直覺我地今日嘅行程都係以行路為主

照計就唔會覺得好浮誇嘅

咁老實講佢點樣著我都話靚架啦

無論係氹佢又或者講真都好，

對住佢我就係咁唔客觀

講真丫，

自己愈嚟愈覺得鍾意一樣野，

其實好難完全客觀

因為你點都會有偏頗，

喂大佬你鍾意得就梗係有偏頗啦

啱唔啱先

所以以前成日屌人盲捧盲捧

依家諗返起自己其實都係

當然啦你盲捧同時走去刻意踩低人又真係低裝咗少少

但講真嗰句我唔認為每一件事都做到完全客觀

所以點解我話芊靈無論著成點都好

我都覺得佢係著得好睇，靚

就係咁解

跟住我特登早啲出去，

慢慢行去嗰個巴士站

跟住Cyrus sms我

話今晚打機，

我都話唔得

Cyrus:「屌你果然有計 」

我:「佢搵我嘅 」

Cyrus:「今晚小心啲呀 」

我:「冇嗰啲野呀鹹濕閪 」

Cyrus:「唔阻你喇咁樣 」

我:「聽晚先打機啦 」

Cyrus:「冇問題啦屌 」

跟住我喺度戇鳩鳩咁樣諗

上年呢個時候我就係同佢打緊機

因為嗰陣同芊靈都未熟

估唔到一年時間就進展得咁快

當然啦我冇諗過同佢拍拖

始終我都冇俾依家個環境沖昏頭腦，

我仍然好記得佢嗰句唔想拍拖住

當我係兵

首先我唔覺得係啦

就算當我感覺錯喇，

佢真係當我係一隻兵

我依然覺得自己係得益

只有自己先可以理直氣壯講值定係唔值，

而當我諗諗下野望緊前面嗰陣

就見到佢行緊過嚟喇。