[新手][愛情][排球]那天我成為女之後 我的人生不再一樣: 45.排斥
Eva慢慢行過黎，冇話好熱情咁大大聲咁叫我
「喂，黎喇呀潔？Antonia你又同呀潔一齊既？」Eva問
「係呀，唉，佢地都好似唔係好想理我咁。」我講
「無計啦，爆出單咁既野。」Eva講
「其實我有諗過，點解只係一瞬間，佢地就會咁憎我？」我問
「一瞬間憎你？」Eva問
「姐係我……」我未講完
「快D做熱身啦仲傾？」Miss講
「知道。」我地一齊講
咁之後我同Antonia就去左拉拉筋熱下身先，而Eva佢就繼續練波，我同Antonia熱完身之後，我本身想行埋Bianca果邊同佢地一齊打，但Ada一個怒睥，最後Bianca都驚左咁，冇同到我地一齊打，咁我知道Bianca同Ada佢地都唔想同我打既話，其他人更加冇咩可能同我打，最後我都係同Antonia係場邊互猜算。
咁我地猜完波，練完開波殺波之後，我地就去左準備開Game，咁Miss都係用返舊有既首發陣容上陣，而對面就當然係用後備兵先啦。
由我地果邊開波先，Antonia一開，打到過對面，雖然話對而係後備兵，但其實實力都唔算係好差，或者直接過就係足夠應付本區女子學界頭四既。
咁個波打到過去，佢地當然成功接起，咁一set一殺，個波過左黎我地場，後場既球員成功救起之後，個波飛向我依面，咁因為我同Setter本換位換得切，所以今球局住由我set，咁我set起比大槌打，但大槌正正就係Ada，因為Antonia開左波，咁佢自自然然就留左係後場，而同樣係大槌既Ada就會上左黎，雖然我個波set得算係咁，但始終因為我係做開殺波果個而唔係set果個，所以都未話set到最靚。
「卜」一聲，Ada撻cue。然後Ada 「呀」一聲，落地時禁住隻手，大家都衝左上去睇下佢有冇事，見到Ada既手紅左，應該冇鎖實手指所以好似撞親咁，唔知有冇人有試過，個情況又未去到督魚蛋咁，但就果下痛一痛，過一陣就冇野。
之後其他人就開始講
「一日最衰都係set波果個啦。」隊員A
「係囉係囉，唔識set學人set。」隊員B
「係囉，阻住個Setter埋位。」隊員C
「人地最叻都係阻住其他人架嘛，你學唔黎架喇。」
「你地嘈夠未呀？可唔可以唔好咁小學雞呀？」Antonia大聲鬧佢地
「車，收皮啦你公廁雯，你同公廁潔一樣，公廁同公廁先咁Friend既姐。」隊員A
「你好喇喎八婆，你話我還話我，你做咩話埋Antonia呀！道！歉！」我好嬲咁講
「你話我八婆？你邊位呀？你公廁黎架咋，恃住自己樣靚身材正就成日周圍姣仔你估我地唔知咩？扮曬純情咁但人地個個問你拎電話你又比，唔係公廁係咩，收開幾錢呀？」隊員A
「夠啦你地，嘈完未？我唔知你地有咩恩怨，依度係球場唔係街市，你地要嘈既唔該你地過主，唔好阻住其他有心練波既同學，有咩要嘈既一係出去嘈，一係打完先好嘈，依個時間唔該你地專心練好你地既波。」Miss講
然後大家都係靜左咁返返埋去自己個位度，但今日因為我既事，大家都好唔夾，最後今日提早完，而係Briefing時，Miss都叮囑我地唔好帶私人恩怨上場，因為咁輸左係好唔抵，講完之後叫我地好好反省之後就放左我地走。
走既時候，因為我唔想同Ada同車，所以我就慢慢行，係附近行左個圈，然後我拎電話出黎，打開Whatsapp，我同Michael講
我：果日我可以呀，我盡量準時黎啦。
好快Michael都有回覆
Michael：好呀，多謝你黎呀，咁我地果日見啦。
我：好呀，到時見
然後我就望住遠方，係度諗，我依加同做男既時候，究竟邊樣好Ｄ呢？唉…..我都知冇答案架喇，之後再拎起電話，unlock screen之後一望，Michael係度輸入中，唔知佢輸入咩呢，望左佢在線上又再輸入中，睇黎佢有野想講但又唔敢講咁，唉，有咩就講啦。
我：有野想同我講？
過多陣Michael終於有回覆
Michael：不如依排我陪你食飯？
我：你認真架？
Michael：係！
我：其實你唔洗花咁多心思係我身上，我真係唔係咩好人。
Michael：唔緊要，好人唔好人，都可以認識下架嘛，或者就由我將你變返做好人
我：你咩意思先……（我見到佢咁講真係有Ｄ心動，但同時我又同佢唔熟，而且我對我自己既取向，都有待確認）
Michael：字面上既意思！
我：咁就等我睇下你做唔做到啦
Michael：你意思係….?
我：姐係同你食飯囉
Michael：咁約定你喇
我：聽日返學見啦
然後我lock screen，我再望各遠方，當日Carson努力咁追Carrie，我望到我覺得佢地好開心，唔知我又會唔會成為第二個Carrie呢？雖然我都唔肯定我取向，但問心果句，我其實依加…..真係會望男仔，會有幻想…可能仲礙於自己覺得自己本身係男，所以…..想還想，但都比心理問題有阻礙。