[新手][愛情][排球]那天我成為女之後 我的人生不再一樣: 19.Carson的請求
鈴鈴鈴鈴鈴……
鬧鐘響左一陣我先肯起身，老實講有小小攰，都唔知係唔係因為黎Ｍ既關係。然後就快手沖個身刷個牙，就出返去換衫出門口。
落到樓下，我撞到Ada，同佢say個hi，一齊傾住計咁等車返學。返到去，又係上一式一樣既堂，又係邊個作家既文，英文教你一堆生字，通識就拎堆時事出黎討論，好唔容易先捱到去放Lunch。
咁我地今日女排就一齊食飯，去到坐左係張大枱之後，Antonia就話
「拿就咁既，黎緊星期三我地就約左間中學去打Friendly既，咁我地放學就等佢地黎打，有冇問題先？」
「ＯＫ」大家都咁講
「拿，我地岩岩分組賽出左線，黎緊打八強，大家都要練多Ｄ波呀，咁今日放學我打算就大家黎一齊猜下波，摸熟返個波，因為中六中七果班佢地兩學制，學校都好緊張，所以佢地都好難抽到身打，而我地中五既趁未洗補咁多課時，我地好練多Ｄ波，今年好有機會係我地小甲既last game架喇，大家要加油。」
「好！」大家一齊叫，然後成間餐廳都望住我地，目光再投向企左起身既Antonia身上
Antonia見個個望住佢，佢都面紅紅就向餐廳既人say sorry就坐返低等食。咁我一地一邊食，一邊傾計，大家都會ＦＦ拎到冠軍時係點。
無耐Ｄ野食都黎左，大家繼續邊食邊講，都係講下廢話多。
放完Lunch之後，上埋果兩堂數學堂，我本人比較中意數學堂，點解？中意既人會明架喇，所以我自己本身數學成績都比較好，所以有時ｄ男同學都會黎問下我，咁我答佢都冇咩所謂既，教到人，何樂而不為？
果兩堂數學堂話咁快就上完，終於放學。咁我有條數都唔係好識，就走左出去問下呀Sir，而Ada佢地就落去先。當問完數，呀Sir走埋時，突然課室就寧靜左，於是我就打開窗，挨住窗邊望出去，原來佢地已經係度猜緊波。
突然一下好大力既推門聲。
呯！
我徐徐咁擰轉頭望，原來係Carson。
「我想問下Carrie係邊呀？」Carson問
「做咩搵佢呀？有野同佢講？」我問
「下？！Er……冇呀。」Carson紅都面曬咁講
「咁我唔知佢係邊喇。」我調皮咁講
「呀……係有野想同佢講呀。」Carson塊面紅得仲勁
「咁。係。咩。姐？」逐個字慢慢由我個口吐出，再加一個淺笑
依個時候有小小風由窗外吹左入黎，吹到我Ｄ長髮飄飄，遮住左我少許視線，但我都仲望到Carson望到我眼都定埋，久久仍未發聲。
「咁我唔幫你架喇。」我再淺笑道
「呀……我想同….同……」Carson口窒窒咁講
「嗯？……」我眼仔碌碌咁望住Carson
「我想同Carrie佢表白呀。」Carson終於講出口
「哦…….想同Carrie 表白。」我左手做住個７字，食指督住自己下巴，眼望上方，嘟住個嘴，扮到好似有野諗緊既樣講
「係……係呀，所以我想問你Carrie係邊，我上到黎唔知左佢，我又唔知佢地去左邊。」Carson愈講好似愈緊張
「佢係下面打緊波，你過黎望下。」我做住個叫佢過黎既手勢講，然後佢就行左埋黎望落去。
「係喎，見到佢喇。」Carson講
「但我諗你都鹿該唔想係咁多人面前同Carrie表白架啦。」我問
「係……係呀。」Carson面紅紅咁講
「佢地打波打到５點半，你差唔多時間去學校後巷等下啦，我幫你啦。」我講
「好呀！多謝你呀！！」Carson聽到雙眼發光咁講
「咁你背定台詞一陣用啦，祝你成功。」我報以一個淺笑咁講
「多謝你呀，呀潔，你都值得搵個更好架，唔好再埋首傷痛入面喇。」Carson講
「嗯？……」我望住Carson
「其實我岩先望你既時候，覺得你既背影，好似收埋左個故事咁，其實有咩都可以搵人講下，唔洗收埋係心度。」Carson再講
「你顧掂左自己先啦，咁得閒理其他人。」我笑住講
「好啦咁，我去準備下先……」Carson講完轉身行出門口
然後Carson轉一轉身望住我，講
「呀潔呀……」
「嗯？……」我望住Carson
「唔知點解我覺得同你有種熟悉既感覺。」
「下？！我都唔記得同你識左幾耐。」我因為唔知呀潔識左佢幾耐，就戴頭盔咁講
「其實中一開始開始打波，無耐就留意到你，再留意到Carrie。其實你真係好靚女，岩先風吹時，真係又靚女又有氣質，好仙氣。」Carson認真咁講
「想追我呀？依加未同Carrie表白可以轉守軚喎。」我講笑咁講
「哈哈，咪玩啦，我都係中意Carrie多Ｄ。你知啦，感情既野冇得勉強既，認定左，你就會想追果個人架喇，就算其他人點靚點好，都唔夠你認定左既果個好既。」Carson講到嘴角含春咁
「丫……你究竟係讚我定抽我水呢？」我扮嬲咁講
「潔姐唔好嬲唔好嬲，我講笑架咋。」Carson比我嚇到耍手擰頭咁講
「哈哈，玩你咋。不過教精你啦，叫女仔唔好叫人做咩姐啦，叫老曬人，人地唔中意架。」我講
「係….多謝。潔姐…..呀唔係，呀潔。」Carson唔好意思咁講
「仲唔快Ｄ去準備，一陣唔得呢我都幫你唔到喇。」
「係既，依加去，多謝你。」Carson講完就走左
望住Carson走左，於是我就關返個窗，拎齊野離開班房。一邊行一邊諗：我既背影，好似收埋左個故事咁。咁當然啦，本身係男既我變成女，緊係多野諗啦，但一下就比你睇穿，以前識你咁耐，都唔覺你有咁醒喎。然後我笑一笑，就繼續行落去球場。