[新手][愛情][排球]那天我成為女之後 我的人生不再一樣: 18.休閒星期日
返到去之後我都放好曬岩先買既衫之後，我就去沖返個涼等食飯。咁一如以往，做左女仔之後都沖得好耐。
沖完出黎我就望下電話，都不外乎我得唔得閒，出唔出街咁。我都冇興趣理佢地住，然後我就攤左係床上面諗緊Ada講既野，我真係開始愈黎愈似一個女？
無耐就有叩門聲……
「呀女，食得飯喇，出黎食飯喇。」呀媽叫
「係…依加出黎。」我講
之後出左去同屋企人食飯，都冇咩特別，都係一家人係度食飯同睇下電視咁。
食完我都返返入房，我就拎左部手機出黎睇，我睇返我地果group，原來佢地想聽日去打下波。老實講我變左做女仔之後都好似冇咩點打過波咁，都係時候去練練喇。咁我應承左佢地之後，我就唔知點解心血來潮想自拍，然後拎起電話，做左幾個動作，影左幾張，然後我揀左張做左whatsapp icon。
無耐電話又震個唔停，咁我就唔睇電話喇，都係Ｄ狗公「關心」下我既姐。跟住我見冇咩做，就坐左係電腦前面，上下網咁。上上下網，我就諗返起以前仲係男時用黎打丁既網，咁我就入返果個網……果然，所有野都係冇變，連個網都係冇變。跟住我入左去之後，我就是但開左一條出黎睇。
一開始睇我都覺得冇咩野，但睇睇下，見到個男開始摸下個女對波，我望佢咁樣摸佢，我就吞一吞口水，將自己隻左手放係自己左邊心口果團肉度，慢慢搓一搓……唔算太舒服，可能仲未消脹啦，之後跟手就熄返個網訓教算。
去到張床，我就大字形咁一下攤左落去，好快就訓著。
……
……
……
「呀…呀…呀…好爽呀！」一個騎左係個男身上既女係度叫，仲賣力咁扭動佢既腰
「噢…噢……你好正呀！」比人騎緊既果個男講
「呀…呀…呀。好粗呀Patrick！」個女講
Patrick？！然後我打算再行埋Ｄ既時候，突然好光好光，我望唔到前面。
呀！
「夏…夏…夏……又發埋Ｄ咁既夢。」我拍拍自己心口講
然後就落床去沖返個涼先，唔知點解做左女仔之後就好習慣沖涼，唔係話以前唔沖，係依家好享受沖涼依樣野，唔知係唔係個個女仔都係咁呢？加上黎緊Ｍ，所以都係乾淨Ｄ好。
沖完出去食小小野，Hea Hea下就好快夠鐘出門口去打波。我地約左係學校附近既一個小小球場度猜下波咁。去到我地女排既人都已經到左，係唯獨是Eva唔係度，但老實講我又冇咩感覺，算啦。咁我就say返個hi之後都埋位，開始打下。
咁係打波既過程，大家都係係度傾下計咁，講下自己果班既野咁，話邊個同邊個點咁，我聽聽下先知，原來Carson想追Carrie，而Ben係想追Ada，但我記得佢又想追我，依Ｄ仔真係不了，原來因為依度有呀潔，所以本身齋想追Ada既狗公Ben仲想追我，而且傳聞佢都係漁翁，真係不了。但點解會講起，係因為佢地都係男排既人囉。
佢地話Carson似乎想追Carrie好耐，但就一直都冇表白，就話咁樣唔通要個女仔門口咩，叫佢醒目Ｄ。但有時我又諗，你叫人醒Ｄ，但你又有冇比signal人？咁我就不得而知喇。
但諗起Carson依個人，老實講我都幾肯定佢係想追Carrie，因為以前打波時都會聽到下佢地講呀邊個同邊個既事咁，而Ｄ人都會問下Carson點架，但佢又驚死咁，遲遲唔比手，Ｄ人都話佢咁樣冇左唔好喊。
所以我都補左句，「其實Carson佢係想，只係佢驚青姐。」然後佢地都好好奇我點解會咁講，手都停埋拉左我去一邊盤我。
「咦你又知既」
「你地咩關係呀？」
「係囉係囉」
「WOW，你收收埋埋喎。」
佢地你一句佢一句咁，我都唔知答邊個好，而Carrie佢個樣係一副開心既樣。但我都唔知點解釋好，然後我望到離遠既Ada係度奸笑左一下，我就同佢地講
「因為果時Patrick佢地講起姐。」咁都比我諗到，完美無破綻。佢地聽完之後個樣就等同做數卡住左，突然諗到，頭頂盞燈著左咁，然後再一副師父明白了既樣咁散開左。
咁打完波之後，我地冇一齊食飯，就大家都散左。因為以前中學生時代黎講，食餐晚飯其實都幾奢侈，因為一個月既零用唔多，仲要做左女之後買既野多左，所以再成日出埋去食既話，賣身都唔掂，所以夜晚果餐都比較小出去食。
落左車之後同Ada行緊返去時佢問
「其實你都幾醒呀，比個樣你就解到圍。」
「下？！你做比我睇架？」我好奇問
「咁都要你望到過黎既。」
「有冇咁勁呀師傅。」我無奈咁講
「你唔好話，你都唔知以前既呀潔佢係幾純，大話都唔識講，幾驚佢比人呃呀！」
「你咁講好似抽緊佢水咁喎，佢最後咪衰左係條粉腸身上囉。」我擰曬頭講
「唉，果條友真係仆街黎！咪又係想黎呃閪屌，Eva佢閪痕就返歸R啦。」 Ada好激動咁講
「唔好咁啦，最少你有個機會睇清楚所謂既朋友係點既人囉，岩唔岩聽先？」我講
「你又岩，我都估唔到個轉校Patrick係咁賤，話時話你知唔知呀潔有冇比佢食左？」Ada問
「嘩，咁直接既。不過以我所知係冇，因為條友係話Eva佢幾正幾識做，而我就傻下傻下，又咩都唔肯同佢做，我估佢冇曬癮又鳩痕所以一野飛左我。」我講
「咁都好Ｄ，無謂益左Ｄ仆街。不過話時話，你知唔知真正既呀潔去左邊？真係就咁同你換左？」Ada問
「其實我都唔肯定，但佢似乎想做男多Ｄ，可能因為Patrick件事掛，真係唔知，老實講，你地仲清楚過我。雖然話依加既野同以前我仲係男既時候係一樣，但呀潔同我男既時候，可以話係完完全全兩個人黎。我果時真係一個朋友都冇，而且又摺，唔係又點會連你住附近都唔知丫……」我感嘆咁講
「又唔洗咁既，依加你咪有我地囉，係唔係先。唔好再諗住喇，其實你份人真係唔差，我諗係你以前太摺唔識人姐，咪趁依加習慣下囉。」Ada安慰我講
「不過講起，我懷疑緊會唔會同中秋果個天文現象發生有關。」我講
「點解咁講？」Ada問
「因為琴日有人講起依個天文現象，時間又吻合，所以懷疑緊。所以打算大學info day想問下。」我講
「既然咁，到時同你一齊去，反正我地都中五，都係時候去睇下，諗定出路。」Ada講
講講下，我地就分開左行，各自上返去喇，返到去沖個涼食個飯，我就攤左係張床度諗下野，真正既呀潔去左邊？真係就咁同我換左身份？
然後電話一震
Desmond：Katrina，黎緊十月八開始，每間大學都開始info day，你想去邊間呀？
我：再諗，麻煩曬
然後我放低部手機，部手機又再震
Desmond：唔麻煩，最緊要幫到你。
我望一望，我就冇覆佢。因為當年係仲未有藍剔，所以睇完佢都係唔會知。跟手幫部手機叉埋電我就訓喇。