《有否想過，這個世界只有你一個是真正的人類？》: (十四)客廳會議

(二十三)
強烈的陽光將我從夢裡拉出來，硬邦邦的地板使我睡得腰椎也酸了。

視線逐漸由濛瀧適應得清晰，眼前是他們七人坐在椅子上，圍著擺放於木桌上的手提電腦。

阿怡：「咦，訓醒啦？」阿均接著說：「阿強快啲過黎呀，我地係度搵緊資料呀。」

阿偉埋首靠著手提電腦，他的眼鏡反射著屏幕裡的白光，好像專注地找著什麼資料。而周圍的人也把頭靠向電腦屏幕，嘗試參與搜索當中。

的士司機說：「呢個哥仔話肯定唔止香港出事，係成個世界都乃左野呀！」





阿偉：「係，無錯。我有理由相信人類失去理智既地區唔單止係香港，而係全世界，我打過國際求救電話110，竟然都無反應，同埋我岩岩上過CNN，BBC，全部都無更新過資料。」

我走上前，坐在阿怡的身旁，參與討論。

小玲說：「岩岩分析過大家所見到既野，發覺個啲你地稱『失常人』既人有幾種情況出現左，
就係一，靜止唔郁。
二，不斷重複動作。
三，襲擊我地呢啲正常人。
成件事好有問題，如果係因為受病毒感染既話，點解會所有人既行為都咁有規律，靜止既時候就全世界一齊靜止，就無人攻擊我地。一襲擊我地就所有人一齊襲擊我地，而又無人係唔郁既？」





阿偉回答：「無錯，佢地既動作係到左某一個時間就會完全一致，並唔係單一地控制。好似我係醫院初頭所有失常人都重複住某啲動作，過左一陣就全部一齊衝過黎襲擊我，成件事可以用『機械化』黎形容。」

阿賢此刻不耐煩的說：「屌我到依家都仲唔明你地係度講乜柒喎，可唔可以講簡單啲呀？」

阿偉再回答：「亦即係話，預期話佢地係感染病毒變左喪屍，倒不如話背後有股力量係度控制緊呢一切，控制緊所有人。似乎更有說服力。」

眾人均沉默起來，對阿偉和小玲兩位天才的觀點感到驚訝，卻又不得不承認他們言之有理。

現場的氣氛寂靜了良久，突然間，我好像想起了一項重要的東西，一個重要的線索？...





的而且確，失常人的動作不是個體性，而是群體性地有規律，可是，我們的家人的動作是個體性的！

昨晚我初次發現香港人類發生巨變時，街外的人群體性相同地自殺，當我走出走廊，家家戶戶的人卻全部都動作相同地追殺我，可是，我的父母依舊是沒有郁動！

到了阿均的家，街上的人衝上來襲擊我們，她的家人也是靜止了下來。阿偉的爸爸突然不動，阿怡的媽爸也是，這跟今次的人類失常事件，有什麼關聯嗎？...

我立即向的士司機問道：「你第一次載完我地黎北角之後你咪返返屋企既，我想問你既家人咩情況呀？」

的士司機，求求你，千萬不要答我內心所想的那個答案，讓我知道這只是個巧合！

可是，要來的，總會來。

當他說出答案那一剎，我全身突然發麻，差點把我嚇得休克在地上。「佢地竟然郁都唔郁...」