【恐怖，懸疑】那天清晨: 第一二零話

Suki：「仲可能？直情係想攞我地命啦。」

Kelly微笑着：「我又唔係『佢』肚裏面條蟲，點知『佢』係咪真係想害我地。始終我地唔知道『佢』既目的係咩。係想害我地定係有其他原因。所以只可以話係『有可能』。」

我：「另外會唔會個『神秘力量』同時間係好有關聯，如果俾我地知道幾點鐘既話，會對佢不利，甚至『佢』會因為咁而死亡？所以『佢』有可能係想隱藏弱點。有冇可能係我地誤入哩個異世界，威脅到『佢』既生命，所以派啲隱形怪到鬼偶嚟殺我地？」

軒 ：「要六個冇共通點既人同時誤入哩度，個可能性低咗啲，而其他既都有可能…」

在大家說話時，他已經把「那東西」翻了又翻，完全沒有什麼特別之處。我們沒有人看得懂他在做什麼。





May：「你喺度攪緊咩？同究竟你想測試啲咩？個沙漏做得啲咩？」

軒：「就算係一條底褲都有佢既用處既。沙漏喺哩度一啲都唔簡單，我唔知道選擇放我地喺又一城既原因係咩，但要喺其他地方搵個沙漏其實係好難。」

Suki：「咁佢有咩用？又話唔到時間我地知。」

軒：「首先，你所謂既『時間』其實主要係記載時間既流逝，如果時間係一條線，咁個鐘其實係話俾你聽而家時間到達邊一點。」

Kelly：「咁沙漏係同時間流逝哩一點有關？佢可以話俾我地聽流逝咗幾多？」





軒：「Bingo。但我仲有另外既目的。我最主要係想測試下個沙漏可唔可以正常運作。結果係冇問題既，即係『佢』唔係想我地唔知道時間而去整壞電話同錶既。因為『佢』冇影響沙漏既運作。咁『佢』禁止時間有咩用？我地用沙漏一樣可以建立新既時間系統。係麻煩啲咁解。」

May：「咁即係點啊？你講人話啦。」

軒：「唉，冇腦既隊友最麻煩。即係『時間』其實唔係關鍵，而背後既真正目的同手段先係。」