【恐怖，懸疑】那天清晨: 第一二一話

Suki：「如果佢真係唔想我地知道時間既話，咁測試沙漏咪好危險？」

我：「仲有9：15至9：25哩段時間都可能係重要既線索。」

軒：「測試係有風險，但應該唔危險，『佢』或者未必係『佢』，而係其他『力量』放我地喺哩度，不論有冇惡意，至少唔係攞我地命，咁我地好大機會係被禁止測試，而唔會被殺。而915到925，我覺得可能暗示哩個世界既創造用咗10分鐘。」

十分鐘世界創造！？

Suki：「冇可能，神造世界都要7日啦。『佢』有乜可能10分鐘就得丫。」





軒：「姐姐，你講既野係神話嚟囉。不過我都講得唔正確，『佢』唔係創造世界，應該話係複製世界會貼切一啲。複製係比創造簡單同容易好多既。另外哩個都係好脆弱既假設，所以唔洗咁認真住。」

我：「唉，如果『佢』有咁既能力，咁捉我地嚟做乜？」

「我知喇！」

突然，Suki一聲驚呼，把大家嚇了一跳。

May：「知咩啊？」





「神一定係覺得哩個世界太烏煙瘴氣，好似打仗啦，污染啦。所以神選擇從新開始，我地係被選中既人啊！係哩個新世界既第一批人類啊！係第一批得到救贖既人啊。」

她越說越興奮，講到最尾整個人也跳了起來手舞足蹈。

「神既世界會有怪物㗎咩？被救贖既人會一醒番就俾怪物追殺㗎咩？」

軒毫不留情，狠狠地打擊她的救贖論，但後者亦大大力反擊。

「神一定係俾考驗我地，咁有神自然就有魔鬼㗎啦，好出奇咩。咁唔係神，又有邊個有咁大能力丫。所以一定係神。你地話喇。」





Kelly微笑回答：「可能係啦。」

我：「神又好鬼又好，『佢』想救我地都好，最好都係返去現實世界，哩度太古怪喇。」

May：「如果係神既話，『佢』幾時會救我地啊？」

Joe舉起緊握的巨拳：「唔理係神定魔鬼，『佢』想害我地既，我就打到佢訓低！再見到隻公仔，我唔會再輸。」

軒：「唉…」