【恐怖，懸疑】那天清晨: 第一一九話

最後不止我找不到，連Suki、Kelly和軒也找不到。

軒自言自語着：「果然係咁…」

May：「咁即係點啊？講啲唔講啲。快啲講啦。」

軒：「挑，手又唔幫，又要問問問。頭先嗰邊冇，咁哩邊都應該冇啦，double confirm啫，就係咁簡單。」

真的嗎？從往蹟來看，絕不會這樣簡單。從一開始決定去log on補給，之後被隱形怪襲擊後仍然堅持，到最後指使Joe回去拿東西，某程度說明他有些事情瞞着我們。而麥記蛋糕事件已表示他有很多想法，但不會與我們分享。





尋找相片和個人資料一定有些重要意義，是要證明些什麼？曾經有人存在的證據？

一想到log on的事，我就有點憤怒，像被瞞着去冒一些不必要的險一樣。但險也冒完了，還能說些什麼？就讓我們看看所冒的險與收穫是否相稱吧！

我：「軒，究竟你地喺log on拎咗啲咩？」

May：「係囉，拎咗啲咩啊？拎出嚟睇下啦？」

那一聲玻璃碎聲，表示那件東西應該是某櫥窗內的物件。





軒微笑着：「都好，都係時候check下喇。」

如是者，他在背囊裏『掏』出『那東西』。

May：「你唔係掛，就係拎咗啲咁既野？」

沒有玩樂與營養的東西在她眼裏果然是不值一文。迅速失去原有的熱情，換來一臉fuck face。但那樣普通的東西真的值得我們冒險嗎？

軒：「哩個異世界另外一樣奇怪既野係時間，所有錶同可以顯示時間既野都係壞既，顯示既時間停喺某一刻*，應該係9：15至9：25之間。」





Suki興奮地說：「咁『佢』可以幫我地知道而家幾點？」

軒：「緊係唔可以啦，邊有咁簡單丫…不過可以用嚟做啲測試。另外就算知道幾點又有咩用丫？Um…其實你地對而家唔知時間哩點，你地諗到啲咩？大家研究下…」

Kelly：「如果長時間都唔清楚幾點鐘，長期係咁既話會令人崩潰，迫到有精神病都唔出奇。咁如果好似你講咁，有個『神秘力量』維持哩個城市運行，咁『佢』好可能就係哩個『時間殺手』。『佢』好可能係想對我地不利。」

*七仔電腦能正常運作，顯示着09：17。（見110話）