【恐怖，懸疑】那天清晨: 第一一八話

「『佢』又第一時間企出嚟，我手都未出，就俾『佢』一野KO咗。之後我係咁搵『佢』麻煩，但一次都冇贏過，係一次都冇。點知打下打下，我地又變咗好朋友，佢既正義感同氣量令我改變咗好多。我問佢點解咁勇敢，咁好打，做咩都咁西利。佢話好簡單。」

May：「點簡單啊？」

「佢話只要你冇任何束縛，你就可以變得越來越強。每個人一出世就會俾唔同既野鎖住，父母既期望、社會既壓力、朋友既影響、自己既軟弱…型型式式好多唔同既野綁住你，將你綁喺一個範圍，限制你既自由；左右你既意志；局限你既能力。只要你解得開佢地，你就會更強。」

Suki：「吓，唔明。」

「我到而家都唔係好明。『佢』話總之唔好俾其他人或者事影響到，意志先係最重要，『強』並唔只係拳頭咁簡單。」





軒：「雖然係引述，但估唔到你竟然講得出咁玄既野。你朋友好似唔簡單啊。」

「係啊，『佢』真係好西利，不論文武都無人能及。」

Suki雙眼開光：「嘩，咁第時出到去，你要介紹我地識先得啊。」

Joe苦笑：「我都想，不過…佢唔係度喇。」

原來這比Joe更強的人已經逝去，難怪他面容比見鬼更苦。沒有人接話，因為想不到能對Joe說些什麼。可能只有短暫的寧靜才能暫解這亡友之傷。





軒：「好啦，咁你地幫我搵下哩度有冇相，咩相都好，風景，自拍，閃卡都好，另外睇睇有冇啲有個人資料既野。」

May：「睬你都傻，我冇你咁得閒。」

最後，除了珍禽May和雙手受重傷的Joe外，大家都一起瘋狂搜尋這一個小小的豪宅。

擺設，食物，藥品，清潔用具，洗澡用品等等等等，什麼也有，就是沒有任何關於個人資料的東西，相，銀包，證件，統統沒有。這是一個什麼樣的古怪世界？