【恐怖，懸疑】那天清晨: 第一零五話

一個大型演講廳內，一個滿頭白髮穿着長長白袍的老者站在台上，愁容滿面的望着席上數十人，膚色蒼白的臉上掛着兩個深黑的眼圈，表示着這老人家的心情和處境非常非常的差。

咳嗽了數聲清了清喉嚨，為即將的講話作準備，也是給台下肅靜的時間。

「大家都知道發生緊咩事啦，我唔再就累贅喇。而家最緊要係，有冇人知道係咩原因引起？同埋點解決？子朗，今次主要係你嗰邊既問題，你講先。」

老者的衣領上並沒有mic，但不論是咳嗽聲還是說話的聲音，也被放大到廳內每一個角落。而那位叫作子朗的中年男士也一樣，不用mic也好，他沙啞疲憊的聲音也清晰地在場內回響着。

「Sir，我相信係俾人入侵，雖然哩個基本上係冇可能發生既事，因為『佢』同外界係完全隔絕既，而且有一系列最高級既防禦，所有制定既code同rule都有嚴密既監控，所以由外界入侵根本係冇可能既事…」





「重點！」

「係，重點…我地花咗啲時間去調查同確認源頭，最後先發覺到原來係嚟自…『7號』。」

全場一片嘩然。

「冇可能！」

「痴線！」





台上老者再次咳嗽示意大家安靜。

「Sir，原本我地都覺得不可思議，但我地team同Dr. Choi嗰team研究過，極有可能源頭真係『7號』發出既。」

全場立即望向Dr. Choi，這下可好，子朗一下了把那燙手山芋交給她，可以暫時脫離戰場。

和身穿shirt衫西褲的子朗不同，Dr.Choi是穿着和老者一樣的白袍。年老的她面對眾人的注視也不為所動，冷冷的臉上沒有一絲表情，但和在場人士一樣都有一雙熊貓眼和濃濃的倦意。

「華哥，經過對比所有指數同入侵既時間，每次發生之前，『7號』既指數都會出現異常，而當中有兩次係危及生命既級別，係得『3號』有問題，同步唔到，所以冇受影響。」





大家對於Dr.Choi 直呼老者名字不感意外，因為兩者都是滿頭華髮之輩且共事多年。但之後的說話並令所有人感到驚訝。

「華哥，我地完成咗好少部份，可能係20%左右，好多野仲仍然測試緊，但你仍然要執行計劃，令風險增加。解決咗哩件事之後，我會向議會報告，追究責任。」