【恐怖，懸疑】那天清晨: 第一百零四話

然後眼前一片光明。

大家一時被眼前的風光吸引着，這邊非常平靜，天空上萬里無雲，和商場內紅黑暗淡的詭異天色完全不同。

身後還是有追兵的，正當大家再次準備逃跑時，軒長長的呼出一口氣。

「暫時應該冇事喇。行慢少少啦，好攰啊。」

Suki氣喘喘地問：「你又知？」





軒雙手擺弄好眼鏡才說：「因為好明顯，隻野係想困住我地喺入面，而佢亦有一定既能力咁做，佢最後話『想走？唔俾！』表明佢唔想我地走，即係佢好有機會係出唔到嚟或者出嚟之後就再冇能力留住我地，更加講明前面既黑暗係正確既逃生之路，所以我地暫時係安全既。」

真的嗎？回望身後漸遠的鬼商場，好像剛經歷的一切也是幻覺，整個商場除了沒有人外，一切正常。那鬼偶應該已到達門口的，但這時卻是什麼也沒有，沒有黑布，也沒有鬼怪，只有一片寧靜。

好像真的安全了，於是也不好意再思拖着女神的手。去幫Joe的忙，加入搬運工人的行列。

Kelly：「咁，道膠牆係阻止我地走出商地？咁嗰塊黑暗既薄膜又有咩用？係咩嚟？」

軒：「膠牆應該係隻公仔既能力，因為係佢講完唔俾走先再出現既，明顯係佢既能力嚟，但黑色薄膜係咩呢？有咩用？」





Joe：「好喇，我地都係行快啲啦，慢慢再諗啦。」

我一邊加快腳步，一邊問：「但係，如果膠牆係『佢』整既，點解唔一遇到我地就用嚟困住我地？淨係用嚟封住道門，唔合理喎。」

軒：「但一定係佢攪鬼先，至於點解…有可能係佢既能力缺陷同限制，好似令人無力既能力都有距離限制啦，又或者『佢』只係做遙控既角色都唔定…」

「隆！隆！隆！」

身後傳來一陣巨響，像有建築物倒塌一樣，而最近我們的大型建築物正正是又一城了。





整個又一城正劇烈地震動着，像快要倒塌一樣，難道是被困在裏面的鬼怪不甘獵物逃脫而發難？

我們再次加快腳步，先逃離這商場的範圍再說！

(又一地篇完)