【恐怖，懸疑】那天清晨: 第一零六話

「Dr.Choi，今次事件唔係因為系統未完善而引起既，而係已經完成既部份有問題，而且哩個project 係世界上最複雜既，冇人會預計到出咩問題，哩樣係『7號』攪出嚟既問題，咁對陳Sir，好似唔係咁公平？而且係妳地選擇『7號』既。」

「子朗，唔洗講喇，係我要提早計劃既，所有得失我已經衡量過，我明白風險係增加咗，只係時間唔等人，唔可以再拖。而哩個意外亦太過意外喇。返正題啦，解決方法？」

另一邊，坐在陰暗角落的白袍大叔舉起了手。

「陳Sir，因為一但連接就唔可以強行分開，所以我地應該由兩方面入手，子朗盡力封鎖同修補『7號』做成既問題，而Dr.Choi諗辦法就盡量令7號『安靜』啲，而我地就加強數據既分析，希望有新發現。」

子朗身邊，另一個西裝友立即回應。





「偉既提議好正路，其實我地已經由哩個開始構思，但而家去修正，好可能會衍生其他問題，所以…」

………………

演講廳裏的討論仍然繼續。

就讓我們扭曲時間並轉移空間，回到又一城開始震動的那刻吧。

………………





望着那強烈震動中的商場，真的有種想死的衝動。千辛萬苦才逃出鬼怪的魔爪，衝破商場的封鎖逃出生天，又要再次開始逃跑！

之前可能是那些鬼怪心存玩弄之意，而給我們找到機會逃脫，再次碰頭的話，它們一定不會再留手的！

大家跑了一段路後，已經看不到又一城，聽不到它劇烈的震動聲。於是漸漸變回正常的步速了，這時才有時間去留意四周的環境。

「諾，啲樹同草都似乎係真㗎喎。」

軒正以強國人最愛的姿勢「痞」在路邊，以各種殘忍手段摧毀那些無辜的花花草草，如把那些野草連根拔起；在草身中間把它剪開；折下較幼細的樹枝等等，令他身邊的土地一片荒蕪。





「…你攪咁多就係為咗證明啲植物『似乎』係真？」