【恐怖，懸疑】那天清晨: 第三十九話

軒一邊抹着眼鏡一邊慢條斯理地說：「又或者我地冇撞鬼。」

我：「唔係撞鬼唔通係幻覺咩？屌你！你諗到咩就快啲講啦。」

軒：「我係度諗會唔會哩度係一個高科技既實驗場所。如果有人可以控制我地既視覺，咁就可以令我地見到幻影，做到好似撞鬼咁。但如果真係撞鬼，咁就真係冇得估喇，又可以係Silent Hill、又可以係一個奇妙既時空、可以係鬼怪製造出嚟既空間，我地可能到死都唔知道答案。」

Joe：「頂，咁你同冇講過有咩分別！」

軒無奈：「係冇乜分別，當我冇講過。」





May驚恐的問：「咁即係點呀？我唔明呀，即係有冇鬼呀？」

Suki：「係囉，唔好嚇我地啦。」

Joe：「行啦，唔好諗咁多喇。」

軒：「唔係想嚇你地啊。不過之前係foodcourt執嗰部電話好古怪，會唔會就係哩個實驗室既產物？同埋部電話好有Apple既風格，如果係真既話，咁哩度Apple會唔會都有份？」

我：「咪玩啦，你係咪睇太多科幻片啊？」





Kelly：「係囉，不如我地繼續行啦，唔好講喇。」

軒指着商場遙遠的另一邊：「好，行喇，我地去一去前面Columbia拎卷繩先，好多時啲電影都係危急關頭先搵下有冇繩，我地都預備定先。」

我們剛剛就站在simple life外面討論着這是鬼怪的空間還是科幻的世界，餐廳外沒有排隊的人龍；櫥窗內亦沒有人忙碌地整蛋糕，只有些胡椒和鹽在餐桌上顯得格外冷清，望向前面的雞仔嘜，一件一件的童裝，一個一個的白色小孩公仔沒有五官和表情，有射燈的映照下擺出各種姿勢，無人的店鋪和公仔的光影繪出一幅陰森的圖畫。

一直以來，總覺得沒有人的商場非常恐怖，特別是服裝店擺放的公仔更加嚇人。而這層可是有很多賣童裝店鋪，就像被一對一對的小眼睛望着似的，非常不自在。在這氣氛中，沒有人再說話，大家慢慢的一步步向着前行…