【恐怖，懸疑】那天清晨: 第三十八話

軒：「第一個方向係哩個又一城係真既，第二方向就係哩個又一城係假既。」

軒調整一下眼鏡後繼續：「如果哩個又一城係真既，我地俾人綁架同整懷啲電話同錶，所需既係人財力權力，但唔係做唔到既。」

我：「之前又話太誇張，冇可能？而且啱啱麥當勞嗰度…」

軒立即打斷我的說話：「係可能性太低，但唔係冇可能。另一個方向係哩個又一城係假既。」

Kelly驚慌地：「咁唔通我地真係去咗Silent Hill？」





軒平靜回答：「暫時嚟睇，都唔係冇可能。不過現實啲，可能有人喺某個地方起咗個假既又一城。再捉我地嚟。話唔定我地而家其實係喺水底或者北極都唔奇。」

Suki質疑：「又邊會有人咁無聊喎。」

軒淡淡的說：「如果有人有一千幾百億，又痴痴地既話，用幾億，甚至幾十億當玩下遊戲呢？痴咗線又有財力，真係咁做都唔奇。」

我忍不住再次緊張地提出我的疑問：「咁頭先我地見到嗰隻野又點解釋？」

大家立即停下腳步，緊張的望着我和軒，好奇我們到底看到什麼。





成為大家的焦點後，軒亦不慌不忙的說：「有可能係高科技既投影技術啫。」

我激動的說：「嗰個黑影同埋嗰對紅眼一定唔係投影嚟㗎！」

終於明白我們真的是看到一些東西後，大家再次靜靜的站在空盪盪的走廊中，三女緊張的互助擁着，驚訝的望着我們。寂靜中只有我激動的呼吸聲，是軒對我見鬼的事不斷否定；還是他如此冷靜的對答激憤了我？

May嘴脣震着的說：「係咪頭先你地望住我後面嗰時啊？」

軒：「係…」





May一聽到真相，立即雙手掩頭尖叫出來。

Kelly亦皺著眉頭擔憂的說：「究竟你地見到啲咩？！」

軒：「簡單啲講，我地…好似撞鬼。又或者…」