【恐怖，懸疑】那天清晨: 第三十七話

軒繼續說：「邊行邊講啦。」

事已至此，我唯有硬着頭皮起行了，我特別在鬼影的位置繞道而行。但看不到，不知道自己有否碰到它呢。

軒：「你覺得突然熄晒燈，會唔會同『佢』有關，定係咁啱熄燈所以先見到『佢』？」

我：「我唔知啊，我陣係知好向左走向右走恐怖咋。」

軒：「係好恐怖，不過話唔定『佢』唔係想嚇我地，只係我地自己嚇自己啫，『佢』可能對我地係冇害㗎呢。」





細味着軒的說話，然後我說出內心更害怕的事：「但我覺得佢好似望住我咁。」

軒笑了一笑：「我都覺得佢好似望住我咁。你有冇諗過其實就好似蒙羅麗沙的微笑既道理一樣，其實只係好似啫，『佢』其實唔係望緊我地㗎。」

頂！如果『佢』不是在看着我們，這情況就更加恐怖詭異，一想到目無焦點的鬼魂就更令人不寒而慄。

我：「頂，你想嚇我咩。」

軒：「我唔係嚇你啊。不過簡單啲諗，『佢』其實唔會出現係我地面前，唔洗咁驚啦。」





我：「就係咁先驚，點解你咁都唔驚㗎，你咩人嚟㗎。」

軒：「學生囉。唔好嚇自己啦，其實從來最恐怖既都唔係啲鬼怪，而係人心。好多野都係啲人自己亂諗先越諗越恐怖啫。」

我不想再如此討論下去，軒這pk只會令我更驚，於是我反問他：「Kelly話我地好似去咗Silent Hill既異世界咁，熄燈會唔會就係變咗裏世界？」

軒：「都可能真係停電啫，又亂估。其實我試過由兩個方向去諗，但係都有超多可能性同矛盾，根本都係估唔到。」

我非常好奇：「係？點樣兩個方向同無限可能呢？咁講嚟聽下。」





一邊說一邊走，我和軒已經追上了大家，在整個商場中，只有我們的聲音在回盪着，而三位女仕在聽到我們的討論聲後亦安靜了和慢下了腳步，想聽聽軒的推論與想法。

軒：「哩兩個方向就係…」