【恐怖，懸疑】那天清晨: 第二十四話

一邊討論一邊搜尋，不知不覺已經搜尋了三排檯櫈，不過速度仍然非常慢，因為要小心翼翼之餘亦要仔細查看所有角落。

軒：「其實你覺得哩度係咩地方？你有冇咩諗法？」

我：「冇人既又一城掛，我都唔知啊。我覺得似一個異空間囉，一個時間靜止既異空間。」

一想到這奇怪的地方，我的心情開始下沈了，太多太多謎題，究竟如何才可以回家？這沒有答案的問題令我有一陣想哭的感覺。

軒：「唔…時間靜止既異空間，其實我地仲郁到，思考到，時間就唔會係靜止啦。」





我：「咁一係有個超級無敵既人或者組織，將我地迷魂咗，再送嚟哩度，跟著再無聊到整走晒所有人，然後整壞埋我地啲錶同電話？都真係冇可能囉！」

軒：「唉，真係太古怪喇，以利益計，又冇人會用咁多資源咁做！而家簡直係漂流商場啊。好啦，唔諗咁多喇，另外有樣野想同你講。」

還有什麼想跟我說？還是懷疑我嗎？

軒：「小心啲May同Suki。」

聽到軒這說話，我一時之間迷糊了，為什麼要小心她們？她們應該是很普通的肥妹和很美的少女吧。她們有什麼問題？Joe和Kelly呢？還有你這個四眼毒男又有沒有問題？





我不解的望著軒，等待他給我解釋，他想把她們「踢出局」？想和我結盟？他已經與Joe和Kelly結盟了嗎？

軒望著我笑了一笑說：「我意思係小心俾佢地拖累，May既體形同體能唔洗講，有咩事佢實走唔甩，而Suki佢有咩事一定會走先，你有冇留意到頭先我地行既時候啊？」

剛剛前往麥記時，Suki好像一直緊跟著Kelly，May的確是行兩步就喘氣。

軒：「頭先Suki跟到Kelly咁緊，可能想搵佢做擋箭牌咋，所以都係小心啲啦。」

不是吧，有可能是這樣嗎？





軒認真的道：「都係可能啫，小心啲好。如果冇乜事幫下佢地冇問題，但如果有生命危險既話，我會捨棄佢地。」

這是非常冷酷的說話，我相信人就算心裏這樣想也不會宣之於口。

我望著軒：「咁如果你有危險呢？」