【恐怖，懸疑】那天清晨: 第二十三話

有女神的叮囑，我再加倍小心的向著鈴聲傳來的方向前進，一邊行一邊四處張望，尋找鈴聲來源和戒備未知的危險。

在一排排的檯櫈之間搜尋時，軒細聲的跟我說：「我諗你都知道我叫埋你一齊嚟既原因。不過，其實除咗係有照應之外，我仲有啲野想同你傾。」

令人非常之疑惑，有事情要單獨對我說？大家互不相識，是什麼事呢？

軒：「我覺得你隱藏住一啲野，而且你咁耐先醒，一定有原因既，我睇你應該都係唔知點解嚟咗哩度，你對我地應該冇害，但你隱藏住啲咩？如果可以既話，你話我知啦。」

我隱藏著什麼？我失了憶，想起電影的情節，也只有這兩件事，他是怎麼會知道？或者這是試探？也好，這是一個機會。失憶的事不可以提起，免得要受不必要的懷疑，如果是電影的情節，應該是不怕的。





我皺著眉小心的回答：「我都唔知點解我最遲醒，可能係體質問題掛，不過我諗起一套電影既情節同而家既情況有啲似。」

軒：「體質問題我都有諗過，但第一個醒既係Kelly，之後係我，然後係啊Joe，跟著Suki同May差唔多同時間醒，但大家前前後後其實差好 少時間。簡單啲諗，係體能同年齡既就應該係Joe醒先，如果話係講意志既，你又唔似差過啊May。咁醒既次序同你咁遲先醒唔通係random冇原因既？電 影既情節講我聽啦。」

於是我一邊對軒說了那部電影的情節，一邊暗地觀察軒的表情，判斷他剛剛是否在試探。

聽完後軒說：「共通點只係無人世界相似啫，一嚟我地係安穩咁坐咗係foodcourt，冇交通工具，電影裏面係坐飛機誤闖一個奇妙既時空點，但我地係冇交通工具之餘亦都冇前一刻既記憶，其實已經好唔同，應該唔關事既。」

從他的反應看來我是過關了？有消除他的懷疑嗎？