【恐怖，懸疑】那天清晨: 第二十五話

軒停下了搜索，站起來靜靜的望著我，仿佛是要把我看穿一樣，左右手分別拿著眼鏡框的兩邊調整了一下。

他沈默了一下說：「如果我既危險會令其他人有危險，唔該唔好救我，我唔係自私既人，對人對己我都係咁睇，每一個生命都係獨特既，為一個生命犧牲另一個生命係不智既行為。雖然情感上咁樣係好冷血，但現實就應該要理性啲。」

想不到軒有如此的想法，這是一個學生會有的思想嗎？

見我沒有回應，軒繼續道：「如果救一個人會令另一個人有危險，咁可能最後係兩個人都冇得救，係會全軍覆沒㗎。最好既進攻就係最好既防守都有啲道理既，如果有危險，可以睇下有冇辦法去解決個危險先。有時直接救人反而唔係最好既應對方法。」

望著他，想著他這樣冷酷理性的話，我覺得自己面前不是一個人，是一個只執行程式的機械人，不斷冷靜的分析身邊的環境和人物；或是一座冰山，對生命的看法理智得冷酷無情。





我好奇地：「你同佢地都係咁講？」

我很想知道其他人對他這極端的思想有沒有什麼見解。是認同，接受或是反感？

軒：「緊係冇啦，我見你似乎都ok，先同你講咋。大叔就唔洗講，佢好少講野，不過心地應該唔差，原本佢一早就想走㗎喇，係我地叫佢留低一齊咋，Kelly心地都應該好好，其他嗰兩個人？算吧啦。我唔係話見死不救，係睇清楚情況，唔好衝動行事。」

OK的意思是我思考力還是他覺得我是同一類人？但我不是！

我：「我都係覺得生命可貴，如果咁不幸既話，我唔會諗咁多，我會盡力救人。」





軒笑著：「原來你係一個熱血青年。」

熱血嗎？不，每個人對生命都應該是熱血的！這才是一個活生生的人，否則只是一具行屍走肉。

我：「生命係無價，唔應該咁計法。」

就在這時我看到了一張櫈上有…