魔港: 第一章 變動（一）

「靈塵（注1）回收。」
鯉魚門夜空中星光化成一點又一點的藍光，慢慢化作一隻藍蝴蝶，飛入一個雕上了一隻飛鷹的木盒中。
「以上就是梁探長臨死前所經歷的事。」追魂師向會議廳內的人匯報。

全場肅靜，在場嘅人士都不作一聲⋯⋯
「大家有咩睇法？」會議廳嘅主席座傳來聲音，打破了會議廳內的寧靜。一名貌似二十幾歲的青年從主席座行到會議廳嘅中心，等待大家嘅發言。

佢係魔法部第十五屆會議主席——劉元堅，因為主修魔法元素（注2）的融合及魔法元素同魔力的轉換，所以有「元素魔術師」嘅外號。傳聞佢已經有120歲，但因為利用魔法元素，加上禁忌（注3）的煉金術，所以可保持年輕。亦都係因為咁，佢亦成為魔法史上最年長嘅魔法議會主席。

「生靈（注4）殺人？仲要殺魔法師！？真唔真呀⋯⋯」




在座其中一名議員開始發問。
「事情的確奇怪，以往「靈類」傷人或殺人的事都唔係未發生過。但係生靈唔唔一般的靈體，不但只有自我意識及思考能力，更不會故亂攻擊人類及其他生物，由魔法史開始記載以來，只有6單魔法師被生靈所殺的案件，而且每次係因為修練者過分走火入魔，導致天道顯派生靈負責防止魔法生態平衡破壞，所以先下殺手。一直以來，根本就冇任何記錄證明生靈會主動傷害人類⋯⋯究竟今次阿正的死係唔係真係同生靈有關，定係有人想假扮生靈犯罪⋯⋯」
發言嘅人叫曾國勇，佢一邊整理手上嘅資料，一邊將靈塵回憶嘅片段節錄成為筆記。

魔法生物及環境事務處（魔環署）的處長——曾國勇，人稱「圖鑒」嘅佢熟悉所有魔法生物嘅習性、結構、起源等等，基本上所有人問佢有關魔法生物及牠們的產地，佢都可以倒背如流。

「魔環處長講得冇錯，生靈的確好少會主動攻擊人，但係今次有可能係例外，近日魔法界都傳來好多嘅異聞，可能一切都有關係⋯⋯」
一把聲音從一個空嘅座位上憑空出現，其後突然一個閃光，一位女士憑空出現在座位上。原來係魔法消息傳播媒體界（魔媒界）的代表發言。

「梅！我講咗幾多次唔好用呢種方式現身，你整到我隻眼好唔舒服！」




坐喺魔媒界代表旁邊嘅係魔法秩序總監會會長——蕭志聰。

「Sorry lor, 一時之間唔記得咗嘛。」梅扮傻般道歉。「係喎！剛才片段中嘅生靈講到有關前魔法探⋯呀唔係，係前前任的大魔法探長——羅被殺一事，莫非兩件事有關連？會唔會片段當中嘅生靈就係殺手！？又究竟⋯⋯」
梅喋喋不休咁不斷發問。

「夠喇！你問埋D問題咁而家都冇人答到你，總之我哋會調查清楚，為以往死咗嘅探員討回公道！而我哋都會派更多嘅人去搜集證據同資料，如果有任何新發現，會交俾醫管局嘅同事作鑒證，並會向大家稟報。」
魔秩會會長回答

「呢件事的確擁有更多嘅資料及證據先可以追查落去，咁接住落嚟嘅日子就要魔秩會嘅幫忙喇。今次係香港發生嘅生靈殺人事件已經驚動全球，多國嘅魔法部都話會幫手調查，並會留意當地生靈的行動，並且同我地一齊分享資料同分析。咁喺資料同通訊嘅方面就交比你啦，梅。」
主席翻動桌上的議程表，繼續發言。




「生靈殺人事件就暫時討論得呢一到，接住落嚟進入程序二：繼任。由於魔法外交及探查組嘅代表因公殉職，所以要挑選下一名接班人。由於魔法外交及探查組係隸屬於魔秩會，相信在場對於調查中最熟悉嘅人就係魔秩會會長，現在有請你講出人選。」

「主席，梁探長其實一早選好咗新魔法外交及探查組的探長及代表人選，佢就係…」