魔港: 序章－記億

夜幕低垂，係萬家燈火一點又一點轉換成黑暗，示意着各家開始係寧靜嘅夜晚中休息，但在鯉魚門卻充斥住危險嘅氣息。
「呼…呼…呼…」
一個男人喺鯉魚門嘅石灘上跑，時不時望向後面，仿佛有人在追殺佢。正當佢想跑進鯉魚門村時，佢眼前的地下出現一道綠光，佢立即停低。

「頂！趕唔切……」
嗰個男人立即從腰間取出一枝木條，木條嘅頂尖出現咗一點紅色光。嗰個男人揮動木條，唸唸有詞。
「星星召！」
地下嘅綠光慢慢向天空擴散，形成咗一個半圓形嘅罩，而木條上嘅紅光喺嗰個綠色罩形成前衝上空中，成為天空中嘅一粒星。

喺嗰個男人身後，出現咗一個身影。




「喂喂喂…都到咗我屋企，做咩唔入黎坐下呀？唔會係怕咗我呀嘛，阿正？」
有嗰女人係樹後走出黎，笑咪咪咁望住叫阿正嘅男人。嗰個男人慢慢轉身，面帶笑容咁望向嗰個女人。雖然佢貌似開心，但手上所持嘅魔法棒仍然未放下。
「邊到係呀，珊？我只係記起我係魔法部仲有野要做，所以要走先……」

「係咪因為魔法師·羅被殺嘅事？」
「你！呢單嘢應該冇人知？定係你…」
「係呀！係我哋殺死佢！！反正一同你講，都冇所謂，死人唔會將秘密講出去。」
名為珊嘅女人身上嘅紋身發出綠色嘅光，佢撻一撻手指，就有一束閃電襲向阿正，好彩佢反應夠快，立即揮動魔杖，做咗個盾擋住珊嘅攻擊。
「無可能！你又唔係有巫師血統，點解可以用巫紋，莫非你…你係靈？」
「唔可話你錯，但我唔係靈咁簡單，我係生靈！」




珊今次用更多嘅魔力向阿正猛攻，阿正雖然擋到，但明顯好吃力。
「無…無可能…生靈唔會…攻…攻擊…人」
阿正已經流哂冷汗，但只見珊仍然好輕鬆咁望向阿正。
「Nothing is impossible~ 凡事總有第一次嘅時候，好快你就會去見你嘅師父，阿正……」
雖然已經夜深，但明顯見到四周圍嘅烏雲都聚集喺阿正頭上面，雲中不斷傳出雷聲及青光。
「一招收你皮！弒雷！」

珊身上嘅巫紋所發嘅光減弱，但係雲中嘅青光亦愈黎愈光。當珊大叫咒語，雲中出現咗一束束嘅電落喺阿正嘅正上方，而阿正就係咁硬食咗佢呢一招。
「搞掂，可以收工…咦！？」
正當珊以為阿正已經死咗嘅時候，原本瞓咗係地下嘅阿正企返起身。




「厲害厲害，硬食四級魔法都死唔去，你差少少可入魔史紀錄，但下一次你唔會咁好彩。」
阿正好似完全聽唔珊嘅話，只係將雙手上嘅血水抹上心口，心口隨即出現咗一個鍊成陣，陣中更發出更強嘅光。
「鍊成陣？！仲要係直接用人皮作陣圖，血供魔力！？無可能㗎！？」
原本充滿傲氣嘅珊嚇到不禁後退兩步，只見阿正微笑。
「又係你話嘅，Nothing is impossible，受死喇！」
「呀！！！」
一道強光從阿正嘅心口射出，直中珊嘅身體。
「禁忌之法－反噬！」
光柱變得更大更光，珊喺光柱照身下可始化灰，灰燼飄散係空中。光柱一直照向珊，直到佢完全化灰先開始減弱，慢慢消失……而耗盡魔力嘅阿正亦力竭不支倒地。

成個世界亦回復平靜……