魔港: 註解1&2

靈塵

一個人死亡之後，靈魂會離開身體，過程中會殘留下一點點嘅回憶（法力較強嘅魔法師臨死前仲可以選擇殘留嘅片段），呢啲回憶會以帶有藍光嘅粉塵殘留在死者嘅身上。一般冇魔法嘅人唔會察覺，魔法師要利用魔咒：「遺留回憶靈塵現」才可以令到靈塵出現在肉眼之下並回收。靈塵一般被回收後會作為魔法法庭嘅證據，以及死者嘅遺物等用途。

魔法元素

好多人都以為魔法元素係五行嘅金、木、水、火、土，又或者係遊戲裏面嘅火、水、木、光、暗五大屬性。但其實魔法元素有好多種，原理就好似化學元素咁。魔法界對於魔法元素嘅分類主要分為實體及能量兩大類，而魔法元素表內已記錄左過萬種嘅魔法元素，難以一一盡數。
坊間咁多人誤以為魔法元素只係金、木、水、火、土、光、陰等其實係因為古代嘅魔法師一般使用魔法元素時所產生嘅作用及效果就係類似金、木、水、火、土、光、陰嘅形態。
（例子：火球術=岩石+熱力+點燃+飛行等元素）