《日頭嘅我係個學生，夜晚嘅我就係個降魔師》: 《鬼學生篇》第三章 Ep.17
死啦...我究竟做左D咩，點解我唔用個腦諗下就錫左落海澄度。依加我都唔知可以點樣面對佢，我相信海澄都一樣係咁諗。
呢一晚，我番到屋企之後不斷咁係度諗，點樣先可以同海澄變番之前咁樣。但我始終都係覺得係辦法再面對海澄，於是我成晚就不斷咁係度諗，直到日出之時，我都係無訓過。
即使到左第二日，我個腦都仍然係度為左海澄而非常困擾。亦都係因為咁，我明明要行番學校嘅，但就行左去海澄樓下。
「會唔會見到海澄呢？」我心諗，再周圍望一望。
點知海澄真係呢個時間出門口！不過其實海澄日日都係呢個時間出門口架啦...
我好清楚自己係想見到海澄而唔係真係因為咁啱而見到。
我鼓起勇氣行埋去打算同海澄打招呼，但係海澄就當睇我唔到咁樣行左去...
睇黎海澄應該係憎左我。雖然其實我都預左，但當要面對嘅時候又真係唔係幾舒服。
今日番學嘅路無左海澄係我身邊一齊行，番學嘅路亦都好似變得比平時更加長。
番到學校之後，我見到海澄就好似平時咁同朋友傾計，係度笑，而對我就好似唔識嘅咁樣。
「喂，柒頭。做咩呀，好似咁攰咁嘅？」阿峰拍我背脊。
「唉屌，點解我會咁on9架。我同你講呀，我琴晚呢....」我將琴日發生嘅事一五一十咁同阿峰講。
「算啦，呢個唔得咪下個囉。」阿峰搭住我膊頭。
「我都知，但始終都會唔開心嘅。」我另一另頭。
因為海澄嘅事，我成日都好無心機，淨係一味諗住佢。
我諗住放學會係歐陽sir果陣見到海澄，但海澄都會無去到。
「阿洛，你知唔知海澄做咩呀？佢係咪有咩事呀，今日唔黎嘅？」歐陽sir問我。
「係囉，我今日有見過佢架wor。」阿詠都問起海澄嘅野。
於是我又再一次將琴晚發生嘅事講一次...
「屌你係咪on9架？邊有人會好似你咁做架姐。」阿詠聽到之後就好大聲咁屌我。
「阿詠你又唔洗咁激動嘅...」歐陽sir見阿詠咁激動，打算叫佢冷靜少少。
係我地嘈緊嘅時候，突然間有人開門。我心入面有一剎那諗過開門果個會係海澄。
「出聲都聽到阿詠把死人聲呀，好嘈呀你。」Ivan係門口講。
「屌，有咩所謂姐。」阿詠講。
「好啦好啦，我地今日要講D好重要嘅野架。明仔聽日就會回魂，我地要準備好聽日嘅對策。」歐陽sir示意叫大家靜D。
「咁我地聽日要負責做D咩呀？」Ivan問。
「今次同上一次唔同，好大機會會係學校入面同明仔嘅怨靈開片。我地要做好保護大家嘅準備，所以要靠你啦Ivan。」歐陽sir同我地講。
「咁睇黎今次都係我掩護你架啦？」阿詠一邊對住歐陽sir講，一邊將對腳放到去枱上面。
「係呀，至於阿洛就同我一齊正面突破明仔啦，就係咁多啦。」歐陽sir講。
「咁海澄呢？唔洗佢幫手咩？」我問歐陽sir。
「我地都唔知佢會唔會唔黎架嘛，係咪？一係阿洛你試下搵下佢？」歐陽sir講。
「咁又係嘅...咁我試下搵佢啦。」但我心入面知道，海澄好可能唔會再理我。
出左學校門口之後，我就不停咁打電話比海澄，但係海澄嘅電話就一直都打唔通。海澄會唔會出左D咩事呢...
雖然我好在意海澄依加係點樣諗我，但我依加係更加在意海澄嘅事，我硬係覺得海澄嘅處境可能會有危險。
我不斷咁嘗試打電話比海澄，但始終都係無辦法聯絡到佢。我越黎越擔心海澄，於是我打電話比Ivan。
「阿洛？做咩咁夜打比我嘅？」Ivan係電話嘅另一邊講。
「我成晚都聯絡唔到海澄呀...我擔心佢會唔會有咩事呀...」我答。
「咁我幫你搵下佢啦。」Ivan都唔希望海澄會有咩事。
靠住Ivan嘅力量，好快就搵到海澄依加係邊度。果然不出我所料，海澄唔係屋企，而係山上面嘅墓地。
「阿洛，我同你一齊去啦，有咩事都有個照應呀嘛。」Ivan提議。
「好，一於咁話，半個鐘之後係山腳等。」我講完之後就收線準備行。
我一路行，一路就好唔安樂，總係覺得有D事會發生。
「喂，阿洛！」我聽到Ivan係後面叫我。
「乜你係度呀？咁我地快D行啦，我覺得有事會發生呀。」我捉住Ivan行。
於是我地就用跑一百米嘅速度全速快去墓地果邊。
我開左眼之後都係黎過呢D地方，原來墓地呢度真係有好多唔同嘅鬼。我同Ivan一路行嘅時候，都有唔少嘅鬼係度望住我地。
「阿洛，你唔係驚呀？」修羅係心入面同我講。
「不如你出黎趕走佢地啦...」我回應番修羅，但修羅就無理到我。
「喂阿洛，果邊果個係咪海澄黎架？」Ivan問我，而我亦都向住果個方向望過去。
「係呀，係海澄呀！」我同番Ivan講，而我地亦都行過去。
「等等！果邊好似仲有兩個人，佢地著住黑色袍帶住面罩，我睇唔到佢地係咩人呀。」Ivan捉住我唔比我向前衝。
「海澄好似同佢地講緊野，但我唔知佢地講咩呀。」我同Ivan講番我見到嘅情況。
「既然係咁我地睇定D先，唔好亂咁行動，如果唔係可能好大件事架。」Ivan係我耳邊講。
於是我地係一邊觀察左佢地十幾分鐘，但都仲係搞唔情個情況。究竟佢地係咩人？係咪同海澄一伙架呢？做乜要三更半夜走到黎墓地呢度？一切一切都搞唔清楚，所以我地都唔可以隨便行動。
「你真係覺得咁樣做係啱架咩？就算係咪你都唔可以咁做架，你會累死曬其他人架！」海澄突然間好大聲咁講。
「講左咁耐你都係咁，姐係無野好講啦？反地之後都會死好多人，唔爭在就你做第一個啦。」同海澄講野嘅果個黑衣人一邊講一邊行近海澄。
而海澄雖然好想反抗，佢兩隻手都好用力咁揸住D符。但面對住黑衣人，海澄驚到腳到驚埋，仲不斷咁向後行。
「你唔好埋黎呀！走呀！走呀！」海澄對住黑衣人大叫。
黑衣人行行下就已經逼到海澄埋去個墓碑果度，海澄亦都無路可退。
「你走唔甩架啦，你一係加入我地，一係依加死係度！」黑衣人對住海澄講，比海澄最後一次機會。
「我...我唔會屈服架！」
「點解你死都唔肯加入我地姐？你點會唔明我地呢班人嘅感受呀海澄！」黑衣人將海澄成個人抽起左，然後再將靈力集於手中，召喚出一把黑色嘅劍。
「去啦阿洛！」Ivan眼見情況如此，推埋我一齊衝上前救海澄，而修羅亦都準備好，將力量借比我。
另一個黑衣人好快都察覺到我地嘅突擊，於是轉身面向我地準備迎戰。
我舉起修羅嘅劍向住黑衣人一刀砍埋去：「收皮啦你！」
原先係諗住一招收佢皮，點知佢一拳就擋住左我嘅劍擊，而左手就一拳打落我心口，我就比佢嘅重拳打到飛開左。
Ivan趁著呢個時候頂上，繼續攻擊。面對黑衣人嘅拳擊，Ivan一一都用防禦盾去抵擋，靜候機會反擊，出奇制勝。
黑衣人都不甘示弱，將靈力集中係手上面，發出黑色嘅光。而我發現佢手上嘅法陣竟然同偉豪嘅一樣！
黑衣人集氣之後一拳就打爆左Ivan嘅防禦盾，再將佢打飛。
「阿洛...」比拎劍果個黑衣人脅持住嘅海澄發現左我同Ivan。
「乜你仲有心情理佢地咩？你就黎死啦wor。」黑衣人講完之後就用手上嘅黑劍刺穿左海澄嘅身軀，海澄身上淺色嘅衫亦都立即染成血紅色。
「海澄！海澄！」我一邊大叫，一邊衝埋去...
黑衣人將劍連同海澄嘅身軀插左落前面嘅墓碑上面，海澄就掛住係上面...
「阿洛...」海澄好虛弱咁講。
「海澄！你唔好死呀...你唔好死呀！我依加救你，我救你呀! Ivan過黎幫我救海澄呀！幫我呀！」我用盡全身嘅力氣吶喊，但當我望向Ivan，就只見到黑衣人一拳一拳咁打到Ivan毫無還擊之力。
「阿洛...我...我呢...」海澄就黎連講野嘅力氣都無。
「我會救會架，我唔知點呀！點做呀！我唔知呀！你唔好死呀！你死左我就...」我個腦淨係諗住唔想海澄死，但又諗唔到方法救佢。
「阿洛...我中意你...」海澄用佢最後一啖氣向我表白之後就合埋眼...永遠咁合埋眼...
「海澄！」我望向周圍，發現海澄同Ivan唔見左，而且亦都由黑夜變番做日頭。
我望到自己身上面嘅血跡，我好肯定我一定同黑衣人打過，而且用拳嘅果個黑衣人一定係偉豪。
但點解海澄同Ivan會唔見左嘅...發生左咩事...
我再望一望錶，仆街已經係12點。我第一時間諗起嘅並唔係番學遲到，而係明仔怨靈。如果Ivan無事嘅話佢一定會帶埋我走，唔會留低我係度，所以我諗Ivan應該好似海澄咁，已經比黑衣人殺左。
如果係咁，姐係話學校得番歐陽sir同埋阿詠係度，得佢兩個人應該未必可以制服到明仔嘅怨靈。已經無時間再比我慢慢諗，我要全速跑番去幫手先得。
當我跑到校園嘅外圍我都已經感受到入面傳出黎嘅邪氣係幾咁強大，即使係之前嘅死靈術士都無可比擬。
「出黎啦修羅，我地一齊打低明仔嘅怨靈啦！」我召喚修羅幫手。
但修羅好似唔理我咁，一D反應都無。
我再召喚多一次：「修羅！要開片啦！出黎啦！」
但仍然仲係無反應...
既然係咁我都無辦法，點都要跑番入學校入面睇下情況先。
一入到學校入面，我就見到好多同學都訓曬係地上面，而佢地同樣都比一股黑色嘅氣包圍住，臉無血色咁樣。
我要快D同歐陽sir同阿詠會合先得，之後再決定行動方法。
「阿洛你終於訓醒啦？」有一把好熟悉嘅聲係樓上傳過黎，我抬頭一望原來係歐陽sir。
「依加發生咩事呀？點解會咁嘅？」我問。
歐陽sir乜都無講，真係對住我冷笑左一下，然後將一把劍向住我飛埋黎。
「你做乜春呀，痴撚左線呀？」我對住歐陽sir大叫。
「你唔認得把劍啦咩？」歐陽sir指住飛到去我身後面果把劍。
我望一望把劍，我無可能會唔記得，呢一把就係殺死海澄嘅劍！
如果係咁，就可以解釋到所有事。
首先歐陽sir就諗住利用明仔嘅怨靈殺死大家，但比海澄識穿左。正當要殺死海澄嘅時候就比跟住海澄嘅我同Ivan發現，打低左我地之後就番黎殺死大家。
「點解你要咁做！你有咩目的呀！」我問歐陽sir。
「我有咩目的？哈，我要向世界復仇！」歐陽sir由輕挑嘅語氣變做充滿恨意。
「我屋企本身就係降魔師家族，一直衣食無憂過住好好嘅生活。原本我明明可以做個二世祖架！但就有班人打我家族財富嘅主意，藉降魔之名將我家族嘅人全部殺死再霸佔嘅所有屬我嘅野呀！」歐陽sir越講越激動，慢慢有一段黑色嘅氣包圍住佢個身。
「咁阿詠呢？佢係邊度！阿峰佢又係邊！」我問歐陽sir。
「我唔答你，你自己慢慢搵下啦。」歐陽sir一邊奸笑一邊講。
「你唔講我就打到你講！」我諗住再一次試下召喚修羅出黎。
「阿洛呀，你個咩修羅琴日已經比我收拾左啦，佢幫唔到你架啦，哈哈哈。」歐陽sir越笑就笑得越開心。
咩話...竟然連修羅都比佢殺埋...我已經再係能力去對抗佢...
「你要頹就繼續啦，我走先啦，你慢慢咁睇住班好同學點死啦。」歐陽sir講完之後就將明仔嘅怨靈封印係個樽入面然後就打開一對黑色嘅翼飛走左。