《日頭嘅我係個學生，夜晚嘅我就係個降魔師》: 《降魔師篇》第四章 Ep.10
「喂，Anson?你去左邊呀？」我大叫。
「Anson…唔見左嘅？」阿峰開始由不安變成擔心。
「咁啦，我地依加搵番Anson之後就一齊走啦，好唔好。」我好凝重咁同阿峰講。
「嗯，好啦。」阿峰都明白依加情況嚴重。
我細細力推開道門出去望一望：「阿峰，行啦，呢度無鬼呀。」
「係咪真係無野架...」阿峰跟係我身後面戰戰兢兢咁行出黎。
「行啦，生人唔生膽。」我一手就捉住阿峰同我一齊行。
「喂，前面好似有D聲wor。」阿峰係我耳仔邊細細聲講。
「係，我都聽到，我地過去睇下啦。」我地慢慢咁向著發出聲音嘅方向行過去。
「D聲係呢間房入面傳出黎架，等我睇下入面有D咩先。」我伸個頭係門口度偷望。
「如果有鬼咁點算好呀？」阿峰淆曬底咁問我。
「屌，就算有鬼你都睇唔到架啦，怕乜春呀？」我同阿峰講。
「你睇下入面先啦，我好驚呀！」阿峰推我入去睇，但佢大力得滯推到我仆左入門口入面。
「仆街！」我唔覺得叫左出聲。
房入面嘅兩隻鬼亦都發現左我地兩個。
「走啊！」我捉住阿峰一齊跑走。
「點呀，Anson係唔係入面呀？」阿峰一邊跑一邊問。
「我見唔到呀，我淨係見到兩隻鬼咋！」我同阿峰兩個搏命咁跑。
「咁Anson點呀？我地唔可以掉低佢架！」阿峰講。
「等我打低果兩隻鬼啦。」我停低無再跑，轉身面對兩隻鬼嘅追擊。
「佢...佢地係邊呀？我乜都見唔到呀！」阿峰四圍咁望。
「佢地係我前面呀。你留係度唔好陏，我好快搞掂！」講完之後我就咬開自己咬手，用血係手上面畫左句符文，咁樣即係就算劍同符唔係我身邊都可以對抗邪靈。
眼前兩個邪靈嘅打扮完全唔似係呢個時代嘅人，而係民初時代嘅服裝，我諗佢地一定已經死左好多年。佢地對眼係黑色嘅，身上亦都有對烈嘅邪氣不斷散發。
我先發制人向住兩隻鬼衝過去，對住其中一隻鬼出拳攻擊。一拳好應咁打左落去，而佢亦都飛開成尺咁遠。我轉刻轉身攻擊另一隻鬼，我將隻鬼按住係牆上面，一拳又一拳咁打落去。
正當我差唔多可以了結隻鬼嘅時表示，我嘅拳頭停低左落黎，我諗：「留係咪真係要殺左佢地呢...如果我就咁離開又得唔得呢...」正當我諗緊嘅時候，另一隻鬼就係我身後面捉住我。
「屌呀！」比隻鬼捉住嘅我陏都陏唔到，只有係原地不斷爭扎。
「阿洛！發生咩事呀？你係度做緊咩呀？」阿峰完全睇唔到依加係咩情況。
「我比隻鬼捉住左呀！阿峰，你唔好理我啦，快D走呀！」我向阿峰果邊大叫。
「我...我唔可以掉低你架！」阿峰雖然驚到腳都震埋，但佢仍然好想幫我。
「 你走呀！你留低都無用架！你咁同送死無分別架！走啦！」我用盡所有氣力向阿峰咆哮。
「阿洛...我...咁...我對唔住你同Anson呀！」阿峰向著離開嘅方向一步、一步咁跑走。
「要搞就搞我啦！我都預左你地攞我命架啦！」既然我已經比鬼捉住左，我都唔耆望平安離開，我只係希望爭取更多時間比阿峰逃走。
無錯，偉豪講得啱，係我太天真，人同鬼係兩個世界嘅野...無可能和平共存...我依加真係因為我嘅天真諗法而即將無命...
「你係咪同佢一伙架？」係我合埋眼準備受死嘅時候，我聽到一把非常低沉嘅聲音。
我抬頭一望，係我面前嘅，竟然係Anson!
而Anson就係比一副白骨捉住左。
「你...你係邊個...」我問。
「我？哈，你根本唔需要知，因為你即將就會死。」白骨拎出一把刀，再將Anson掉落地上面。
「你究竟想點呀！點解你要捉我地呀？」我好大聲咁問。
「我想你兩個死呀，因為你地阻住左我嘅計劃！」白骨一邊舉刀一邊講。
屌，死撚緊啦，佢一定係要揮刀砍死我啦。我靜靜咁合埋眼，準備好受死。因為我知道，我地已經無可能走得甩。
「啊！」一聲慘叫聲傳到我嘅耳邊。
我慢慢打開眼睇，我見到Anson隻左手已經唔再係佢身上。
「阿洛...我終於都睇到啦...多謝你...」Anson用好微弱嘅聲線同我講。
「Anson!你點樣呀？我要唔會比你死架！骨頭人！放開我呀！去死啦你！」我用盡全身上下所有氣力去爭扎，只可惜都仲係唔成功。
「阿洛，識到你咁好嘅朋友，我此生都無憾啦...」Anson按住左手嘅傷口講。
Anson係呢一刻都開左眼，佢依加可以睇到另一個世界嘅非人之物，我相信呢個係Anson嘅願望，佢終於都有咁嘅機會。只可惜，係呢個情況，我地兩個都唔會有命離開呢度...
「我唔會殺你住，我要你親眼睇住我慢慢咁殺死你嘅好朋友。」白骨托起我個頭同我講。
「屌你呀！你個仆街！我殺撚死你！屌你老母！」我比頭先更加用力爭扎。
「你即管浪費氣力啦，我係你就留番啖氣好好咁望下自己個好朋友啦！」白骨講完之後又一刀砍左Anson隻腳。
「啊！我無事，阿洛你唔洗擔心我架！」Anson又一聲慘叫，Anson每叫一下，就好似有十萬支針插落我個心度咁。
係我，係我累死Anson，如果我有帶把劍出黎咪無事囉，如果我好好咁睇住佢咪無事囉，如果我唔係降魔師咁咪無事囉.....
依加我心裏面非常自責，我覺得依加搞成咁完完全全係我自己一手做成。
「我唔會放過你架！我要殺左你呀！」我個口雖然係咁講，但心裡面都知道我地凶多吉少。
「殺我？哈，係仲講得出口呀？」白骨又一刀砍埋Anson另一隻腳出黎。
Anson嘅傷口不斷咁流血，因為失血太多嘅關係，Anson已經面無血色。Anson已經無力再發出慘叫聲...
「Anson!」我對住眼前嘅景象含淚呼叫。
「我對你唔住...我係個降魔師...但連我嘅好朋友都救唔到...」
Anson已經再無任何氣力去回應。
「睇黎你個好朋友都差唔多要上路啦，就等佢死左之後做我嘅手下啦！」白骨望住已經差唔多斷魂嘅Anson講。
「死後嘅手下？你...究竟係乜野...」我都開始覺得頭暈、四肢無力。
「我？哈，我係一個操縱死人嘅死靈術士！」白骨講完之後就手起刀落，而Anson亦都身首異處....