《日頭嘅我係個學生，夜晚嘅我就係個降魔師》: 《降魔師篇》第三章 Ep.09

「喂，Anson呀？你同阿峰得唔得閒呀？不如我地食碗糖水傾下呀？」我打電話比Anson問佢。
 
「我問下阿峰先，你等一陣先。」Anson回道。
「阿峰話ok呀，我地打緊波呀，一陣係球場等好唔好呀？」
 
「好，咁一陣見。」講完之後我就收左線準備落樓。
臨出門口嘅時候我停左係門前面諗左一陣，拎唔拎埋把劍落去好呢？不過我諗都無咩野嘅，都係唔拎啦。於是我就咁就過左去球場搵佢地。
 
「喂，Anson,阿峰！」我同向住佢地揮手。
 




「點阿柒頭，日撚日撚住溝女啦你！」阿峰一野就搣落我Lin頭度。
 
「屌，我唔無係溝女呀。」我又伸手去搣阿峰Lin頭。
 
「喂，個女仔咁正你唔係同我地講你唔溝呀嘛？」Anson係我身邊搭住我膊頭。
 
「屌，海澄係正，我都...有D想溝佢嘅...」我避開同佢兩個嘅眼神接觸。
 
「一句講曬啦，做兵！」阿峰同Anson同一時間講出黎。
 




「唔撚係呀屌你地老母。」我打佢地屎忽。
 
「個個做兵，唔通個個都做兵咩？」阿峰兜去我後 面整左一野千年殺過我嘆。
 
「屌啦星，仆街仔！」我嘗試向阿峰還擊但係唔成功。
 
「今次到我啦！傻仔！」原來呢個係聲東擊西，Anson趁住呢個空檔又一下千年殺隊落我屎眼。
 
「你地兩條撚樣呀，東一個西一個，奴隸獸呀？」我追住Anson同阿峰個屎忽。
我地就係咁On99跑下跑下就去到糖水鋪。




 
「拿，今次就你請啦阿洛，罰你呢排掛住溝女唔理我地嘅！」Anson拍拍我膊頭。
 
「得啦屌。」我講完就拎起個餐牌睇下食咩好。
 
「等我叫曬最貴果d野食先！」阿峰對住個店員係咁叫野食。
 
「哇，你老尾叫曬D正野，我又要呀！」Anson聽到阿峰落單又爭住同個店員講。
 
「咁你要咩呀，細佬。」店員見我仲未落單就問下我。
 
「我...要最平果樣啦...」我用手遮住塊面講。
其實係搵佢兩個之前，我已經決定左要同佢地講出真相：「其實呢，我....」
 
「楊枝甘露邊個架？」就係我想講出口嘅時候店員將甜品放係枱面。




 
「正呀，多謝阿洛。」阿峰急不及待就拎起餐具大啖大啖咁食。
 
見佢地兩個食得咁開心，我都係等佢地食完再同佢地講。
 
「有人請嘅果然特別好食呀。」Anson食得津津有味。
 
「你兩條仆街就食得開心啦，我食多士咋屌。」我拎住舊厚多士對住佢兩條契弟舉中指。
 
「埋單唔該，多謝阿洛！」阿峰同Anson食完就起身走人，推左我去比錢。
 
比完錢出到去，我決定要同佢地講清楚：「Anson、阿峰，其實我呢排唔係去溝女，而係去捉鬼。」
 
「吓？咪玩啦阿洛，你痴左邊條根呀？」阿峰似乎唔信我講嘅野。
 




「阿洛你係咪講真架？」Anson行埋我面前講。
 
「屌，佢一定係呃鳩你架啦。」阿峰轉身就行左去。
 
「阿洛，你答我，係咪真架？我好想睇下呀！」我諗Anson真係對鬼好有興趣。
 
「Anson,唔係個個人都睇到架...」我搭一搭佢膊頭講。
 
「咁一係你帶我地去探靈呀！我真係好有興趣...我好想睇！」Anson好激動咁講。
 
「係囉，你帶我地去睇下咪信你囉。」阿峰聽到Anson咁講就另轉頭同我講。
 
「咁...我試下啦，但你地要應承我，有咩事發生嘅話，一定要即刻走，得唔得。」我好認真咁同佢兩個講。
 
「得啦，有咩事我地一定走得快過你呀！」阿峰講。




 
可能係因為自己覺得對佢地唔住，所以就算我唔係咁願意，但最後都帶左阿峰同Anson去探靈。
 
「咁不如去學校嘅舊校舍呀？我聽講果邊有好多傳說。」Anson提議。
 
「其實Anson你係咪對靈異呢方面好有興趣架？我見上次打邊爐你好似對我撞鬼嘅事好有興趣咁。」我問Anson。
 
「其實係架...但我見你地好似都唔太有興趣...所以一直都無同你地提起過。」Anson一邊R頭一邊講。
 
「怕咩呀，想講咪講囉，大家都識左咁多年啦。」阿峰搭住我地兩個嘅膊頭。
 
「好，既然大家都有興趣嘅話咁就出發啦！唔好曬時間啦。」於是我地三兄第就向住學校嘅荒廢舊校舍出發。
 
「學校嘅舊校舍係20年前停用嘅，聽聞果陣就係因為舊校舍有太多靈異事件，所以當時嘅校長就決定搬去我地依加嘅校舍。」我識左Anson咁耐都係依加先知原來佢對呢方面係咁有研究。
 




「屌，呢D傳說黎架姐，嚇我唔到嘅。」阿峰個口雖然咁講，但身體卻很誠實，平時總係行第一嘅佢今次就行係我同Anson嘅後面。
 
「我真係估唔到Anson你對靈異係咁有興趣架wor。」我同Anson講。
 
「其實我好耐之前就已經開始有睇D類似嘅野架啦，以前就咩都會睇下，神秘吵，都市傳說之類都有，不過近排主要都係睇鬼呢方面，所以我真係好想見識下。」Anson回道。
 
「喂，到未呀？呢度陰陰濕濕咁，好唔舒服呀屌。」阿峰四周圍望，非常不安。
 
「又要驚，又要黎，平時唔係好威嘅咩？」我串阿峰。
 
「屌，個個都有野驚架啦仆街！哇！做乜撚野呀？道門自己識開嘅？」阿峰驚到仆左街。
 
「我啱啱見到有人開門wor…」我指住門口嘅方向。
 
「屌，你呃鳩我咩，夜撚媽媽點撚解會有人呀？」阿峰睇黎好驚咁樣。
 
「唔係wor，我都見唔到有人wor…..」Anson都表示佢見唔到有人。
 
「咁可能我地已經見到鬼啦...」我同佢兩個講。
 
「咁...咁阿洛你捉撚左佢啦！」阿峰好驚咁講。
 
「得啦屌！」我摸摸褲袋：「仆街！我無撚帶到符呀...」
 
「屌，咁依家點撚樣呀？不如走啦，我驚到瀨屎啦！」阿峰已經轉身想走人。
 
「但Anson好想睇wor….咁不如我地陪阿峰走先啦好無呀Anson？」我另轉面同Anson講。
 
咦......我另轉面，但見唔到Anson已經唔見左。