[新手]兵都可以做將軍: 十.傳言

自從個次約會之後，我就照承諾每日都做佢既保鑣，跟佢翻學送佢放屋企，有時食飯都會一齊食tim，慢慢學校就開始有D傳言出嚟，而聽得最多就係
「唔係吖嘛，曉琳點會睇得佢上眼㗎，雖然個男仔個樣唔差，但係都唔會係曉琳條仔下話，應該兵嚟㗎姐」
「我個女神點會鍾意個廢柴學生會會長㗎」
「曉琳係我㗎，個垃圾會長只係兵嚟㗎姐」
以上既說話都算係咁多句裏面，算係好聽既，更加難聽既都有。慢慢連呀威個D都問我係咪食咗曉琳，我話冇佢哋又唔信，同佢哋講嘢根本就係對牛彈琴。然後有一晚有個稀客突然搵我，
「喂，宇誠知唔知我做咩打俾你？」
「大佬我點知呀，你平時都唔打電話俾我，連係學校都冇咩傾計，老老豆豆喇，打俾我做咩先？」
「你知唔知D傳言已經傳到去曉琳到先？」
「大佬呀，如果佢收到風都正常吖」
「咁你對曉琳有冇feel先？」




「eh...」
「有定冇？」
「……」
「得啦唔駛答喇，我已經知㗎啦，Bye」
「喂，多謝你吖，紙巾姐，Bye」
啱啱打嚟既係我個鄰居，陳芷晴，我哋由幼稚園就同班，直到中四都係同班，佢同曉琳都好熟，而佢一直都暗戀呀威，可惜呀威有女朋友喇，如果唔係我真係好想見到佢同呀威一齊。
去到第二朝翻學，同樣地同曉琳一齊翻學，但係今日既曉琳表情有D奇怪，
「個樣做咩咁辛苦既？」
「冇咩嘢，只係覺得有D唔舒服姐」
「係咪大姨媽嚟咗？」




「嗯，有D唔舒服...」
我行係佢面前，然後用個背脊對住佢，
「上嚟喇，我咩你翻去啦，我驚你痛痛下行路都冇力呀」
「嗯，唔該曬你呀...宇誠」
就係咁我由佢屋企樓下咩到去學校門口前既一條直路，點解唔咩到翻學？因為學校門口有老師，唔想D老師問三問四，所以就係學校附近扶佢翻去算，去到樓下既時候送佢上課室之後就九秒九跑落去canteen買熱既維他奶，諗住上到去俾佢飲，然後見到佢訓咗係度就將枝奶擺係佢張檯到，然後坐起佢隔離陪住佢，佢訓教既樣真係好特意，真係好可愛，好想將li一刻永遠都定格，慢慢咁開始多人翻，然後佢都醒咗，佢一起身望到枝奶個表情真係好jeng，第一眼望到係驚訝，然後係溫暖既笑容，之後就望過嚟做口型多謝我，個刻個心都被佢既笑容融化，過咗冇耐班主任都入咗嚟，佢一入嚟就打開咗個表，話係座位表，全部人既隔離都係異性，我望到我隔離竟然係曉琳，媽呀好開心呀，曉琳睇完之後都望咗過嚟笑一笑，我覺得我坐佢隔離係會被佢既笑容殺死，因為班主任話Lunchtime個小息先好調位，所以我一直都好期待曉琳坐係我隔離既畫面，但係...

《難道我可以扭轉宿命 重遇你一次-長相廝守》