[新手]兵都可以做將軍: 九.約會

「I want something just like this...」電話響，正當我諗邊條hihi咁早打嚟，我一攞起手機睇，心諗今次仆街啦，冇錯我係訓到遲咗，佢奪命call咗我不下20次我先醒，我戰戰兢兢咁覆翻個電話俾曉琳
「喂，宇誠你終於醒喇，你要幾耐先可以出到嚟？」
「Sorry ah，我諗我半個鐘應該可以到。」
「咁我係XXX到等你啦」
我聽到佢語氣咁正常，心諗應該冇事掛，去到既時候我知我錯了。去到個道既時候，見到曉琳翹住腳，塊面仲黑過炭，
「曉琳sorey ah，唔好嬲吖」
「好難唔嬲你wo，約你10:00你就11:30先醒，知唔知我等你既時候係幾咁無助？」佢開始眼泛淚光
「Sorry ah，我應承你冇下次吖，唔好嬲啦」
「嗯，睇下點」
然後佢就啦住我去冒險樂園，個時我諗wtf一個中四學生竟然嚟冒險樂園，不過算啦佢開心就好了，我用咗二百蚊同個度D呀姨換幣，然後同佢玩咗差唔多個幾鐘就玩哂。




「肚餓未呀？」
「……」
「唔好嬲啦，Sorry ah」睇嚟佢仲未嬲完tim
「……」
「你想點先唔嬲呀？」
「好簡單姐，每日送我翻學送我翻屋企，送到本小姐心情好既時候就唔駛你送喇」我屌，正當我仲諗佢做乜鳩既時候，
「唔好係個心到問候我，如果唔係再罰甘點㗎」
「okok，送翻學送翻屋企姐...」
講完佢心情好似好翻好多，拉住我去搵嘢食，結果去到間韓燒面前佢就停低咗
「姐姐你唔係又想食韓燒吖嘛？」




「你咁聰明既，我真係想食呀，不如入去食囉」
「eh...」
「唔食既話，後果嚴重」唔撚係下話，過咗一個禮拜多少少又食韓燒，今次佢叫到成檯都係野食，最後淨翻勁多嘢食，埋單個陣好尷尬，隔離個幾檯既客係度望住我哋浪費嘢，然後有個呀媽係度對我哋指指點點，正當我想還拖既時候，曉琳拉住我件衫
「咁我哋真係浪費D嘢食吖嘛，算啦」見曉琳咁樣講，我即刻冇哂火，連想話佢既火都冇埋，之後同佢行多陣就送佢翻屋企，然後？就冇然後。第一次同曉琳出街就發生咁多事，搞到個心都好攰，一翻到去連涼都冇沖就訓咗。

《因為我剛好遇見你 留下足跡才美麗-剛好遇見你》