[新手]兵都可以做將軍: 十一.錯誤

玩緊卡特係度轉既時候，檯上面既電話係咁震，原來係紙巾姐打俾我，
「喂？」
「喂...宇誠...知唔知...曉琳有男朋友喇？」
「What the fuck？你講真㗎...？」
「係，佢啱啱接受咗周文豪既表白...」
「……」
「宇誠你冇嘢吖嘛？」
「我...冇咩事，如果冇嘢既話我想靜陣」同完芷晴傾完之後我咩都唔想做，直到家姐翻嚟。
「仆街仔，你係度做咩撚嘢，平時li個時候你一係打緊機，一係就同人whatsapp㗎，點解你個樣咁頹廢既？」
「家姐，我......咩都冇喇...」開始控制唔到自己，係家姐面前喊，同家姐講完成件事之後，佢就拉咗我去海濱，然後開始飲啤酒，慢慢唔知飲咗幾多罐，訓低咗，直到自己好想嘔既時候，發現家姐送咗我翻屋企，然後望一望部手機，屌發現曉琳係咁whatsapp我




「宇誠做緊咩？」
「忙緊？」
「訓咗？」
「快D應機啦，我有件開心事想同你分享呀」
「衰人快D應啦」
我只係應咗佢「Sorry呀曉琳，我諗我以後都唔會再送你翻學送你翻屋企，你就當係我違背諾言啦」
第二日翻學，見到周文豪同佢一齊翻學，唔知點解個心痛咗一痛，上到課室曉琳坐係我隔離，見到佢既笑容，個心唔知點解好似唔屬於自己咁，好那痛，佢同我講嘢既時候，我好想應佢，但係個心又好似同我講「佢已經有男朋友㗎啦，let it go啦」上晝上堂都係度頹廢hea，去到食完飯上完一堂數學堂就有連堂PE，因為PE會同隔離班上，咁啱會同周文豪個班上，係做熱身個陣周文豪特登行過嚟同我講「曉琳當你兵咋，on9仔，佢鍾意個個係我而唔係你呀，垃圾」
「哦，所以？你想證明自己好撚威？一陣PE堂踢波，你踢得贏我個班既，我對你叩頭認錯，但係你輸既，同我去廁所聞尿兜，敢唔敢賭？」
熱完身就開始踢波啦，我哋7打7踢30分鐘半場，
我個隊:我，呀威，四個足球隊加一個籃球隊




周文豪隊:佢加三個足球隊三個籃球隊
一開波，我哋打防守反擊，特登比佢哋覺得有機會入我哋波，但係其實佢哋係冇可能入到，因為我哋條防線係上年贏學界冠軍既後防，就算我哋hea踢都一定唔會失波，我哋守咗10分鐘之後就開始狂攻，最後係上半場狂攻既情況下入咗4球，4-0完半場，下半場出到嚟，我哋隊都係keep住狂攻，自己都帽子戲法埋，係臨完場前，周文豪想同我爭頂，我特登浪一浪佢，佢被成個浪咗落地，最後佢條頸同左手甩骹，佢臨上白車前我同佢講「你啱啱話邊個垃圾？邊個隊波輸到9-0？邊個垃圾要入院？等你翻嚟聞尿兜呀垃圾。拜鳩拜」
上到課室全班女仔都為我著迷，只有佢一個係例外既，
「宇誠你點解要咁做？」
「你理撚得我，你由唔係我邊個」
「我對你好失望，點解...」然後佢一枝箭跑走咗
媽呀我有講錯咩，佢係我邊個wo？我又唔係佢條仔，更何況佢只係當我係兵咋，我都未嬲佢，佢就嬲鳩我，冇嘢下話？
去到聖誕節前，我同曉琳大家都係唔出聲，坐隔離就連檯都分開埋...媽呀屌，女人真係好難捉摸。

《你要我說多難堪 我根本不想分開-安靜》