到底喪屍可怕，還是人性恐怖: 第十章 雪上加霜

聽到峰哥所說的內容，我頓時感到萬念俱灰，沒想到還沒去尋找，就已經把我的希望打破，跪在地上，我完全不知道接下來的路要去哪了。

「你又唔洗咁灰心…聽講當時果邊環頭係分批疏散市民途中先爆發，但係都有帶走到一部分嘅人，可能…你想搵嘅人喺入面呢？」

峰哥見狀便知大概，給我解釋了一下。聽完後，雖然知道那麽危險的情況下要成為那萬中無一的幸運兒是多麽困難，但至少有了一絲希望。「多謝你…我想去搵佢，有辦法嗎？」我抬起頭問。

峰哥皺著眉頭：「無可能，喺依家呢個情況下自己一個亂行等同自殺，我亦唔會容許班手足跟你去送死。你唔係我下屬，我冇權命令你跟住我，但記住，如果你係想見到你嘅親人，首要條件係你要保得住自己條命！」

默然的點了點頭，我清楚知道他所說的都是事實，也無法作出任何反駁。就在此時，不遠處出現了兩個身影，白雪警剔的把手槍穩在水平線，榮叔卻按住了她的手，說：「富仔同阿文嚟…小心走火謀殺親夫。」白雪臉紅回答：「榮叔呀！都講咗我同阿文無嘢囉！」





在對話途中兩人已經接近了我們，只見比較高的那個走到峰哥面前：「阿頭，無發現。」接著轉頭看向白雪：「阿雪你無嘢吖嘛？」看來這個人就是榮叔所說的阿文吧？果不其然，白雪回答：「我無事吖，阿文你都okay嘛？」他點點頭，寵溺的表情若有若無的浮現著。

另一個人看了我一眼也開聲說：「呢個係阿頭帶返嚟嘅？」峰哥搖搖頭：「阿雪帶返嚟嘅，算係一個聰明人，準備得幾好。富仔你做咩套制服亂哂？」富仔低頭看一下，連忙邊整理衣衫邊說：「啱啱同文哥搜屋果陣有啲意外，差啲瀨嘢。」

峰哥正想追問詳情，忽然肩膊上的對講機傳出聲音：

「各位同僚，我係警務處處長林sir…時間無多我長話短說，政府總部喺一個鐘前失守，所有官員不知所蹤…而警察總部亦因為喺十分鐘前一場襲擊，大部份同事包括我在內都已經受感染…我宣佈香港正式進入紅色戒備，希望各位同僚可以協力撐過呢場災難…最後，祝福香港。再見……」

「砰！」





槍聲從對講機另一端傳出，所有人鐵青了臉，陷入一片沉默中，香港在這一天真正的淪陷了。「我哋…應該點做？」峰哥看著所有人問。