到底喪屍可怕，還是人性恐怖: 第九章 晴天霹靂

我緊隨著白雪一直前行，途中交談了幾句，得知原來政府在爆發前一刻已通知各單位待命和進行準備工作，所以各區警方都有最低程度的理解，不至於手足無措。但由於香港人口太密集，在爆發時完全無法大範圍的拯救和搜索，所以只能顧及自己安全下逐少巡查附近的地帶，而我剛巧成為了被拯救的一員。現時由病毒爆發開始已經超過六小時，而他們都只搜索了不到四處地方。

「咁你哋其他小隊呢？有無其他環頭嘅消息？！知唔知病毒係點形成爆發？有無解決嘅方案？！」我一連串的追問自己想要知道的事情，白雪眉頭皺一下，回答我：「你嗶呢巴啦一堆嘢，答得你邊樣？我係警察，唔係神，好多嘢都唔清楚。如果你想知，一陣你問我阿頭，佢知得應該比較詳細。但係依家麻煩你專心啲留意下四周圍，唔係嘅話你連答案都搵唔到…」她看了看我手上沾了血的刀：「一兩隻你可能仲有機會…太多嘅話我都救你唔切。」

對於白雪說的話，我無言以對，只能保持沉默，繼續跟隨她而行。白雪也可能察覺到語氣有點太重了，便補了一句：「呢個情况下你已經好叻，頂住，撐到搵到希望為止。」

路程其實很短，經過剛才的對話，我們已經差不多到達酒店門口。路途上看到四處地面都有零散的屍體，看其衣著應該是晨運客們
，白雪解釋他們為求安全，每到一處都會盡量清空附近的一帶，所以搜尋生還者的難度就更大。在距離酒店大約三十米左右，我終於看到白雪的同伙們，見她腳步加快，我亦同時提速跟上。

「阿頭！搵到一個，safe。」白雪走到一人跟前說。





那人看向了我，點一點頭：「估唔到阿雪咁叻…我行完城南道成條街都搵唔到半個活生生嘅人…除咗…」他頓了頓，不再說下去，但已經猜到他後面的意思。看來只因為我的位置比較偏在一方，人流不算太多，所以才幸運的活下來。

白雪對著我介紹：「呢位係我哋阿頭，叫峰哥。戴眼鏡果個叫阿強，大年紀啲有白頭髮果個叫榮叔…」每當介紹一人，我便點頭示好。此時白雪忽然停止了介紹，看著峰哥說：「富仔同埋阿文呢？仲未返？」

峰哥看了看手錶，回答說：「我哋講咗半個鐘後集合，依家過咗二十分鐘，我諗差唔多啦。」白雪點點頭不再說話，阿強及榮叔抽著煙，一言不發。我看有機會，便走近峰哥：「峰哥，有啲嘢想問，你知唔知鑽石山依家咩情況？」

峰哥望向白雪，她動動肩膀表示不知情，然後峰哥回答：「唔樂觀，聽返黃大仙警署喺對講機講嘅消息，鑽石山廣場，龍蟠苑，鳳德一帶已經淪陷…」

「咩…咩話？！」