到底喪屍可怕，還是人性恐怖: 第十一章 分頭行事

十分鐘過去了，還是沒有人提出任何方法。「呢一刻已經無人可以幫到我哋，唯一方法就係自保，咁我哋係咪應該返咗警署先？」峰哥應該是在場所有人最適合領頭的人，所以他責無旁貸地擔任起指揮者的角色，但也必須讓大家安心，所以並沒有自作主張，而是向我們詢問意見。

「返警署其實係個好辦法，至少入面有武器儲備，亦都易於防守。」榮叔提出自己的觀點，全部人都點頭表示同意，除了我。峰哥看我沒有作出反應，便問：「阿生有咩諗法？」

所有人的視線同時轉向了我，頓時令我壓力大增，我呑了呑口水說：「返警署的確係好，但係會唔會好易斷糧？呢啲時候最難到手嘅係武器，糧食同飲用水…警署除咗飯堂應該唔會有太多食用儲備，咁食完之後點算？」

峰哥想了一會，然後問：「咁你有咩頭緒？」「附近有間小學，爆發時期學校應該無任何人，而且視野良好，可以用嚟做據點。而路程上會經過御豪門，有一間超市喺果度，可以考慮去搜完超市拎啲必須品，然後轉守學校方便補給。當然武器一樣唔少得，所以可能要兵分兩路，如果唔係可能兩者皆失。」我把自己的想法說了出來。

峰哥等人用一種吃驚的眼神看著我，好像覺得一個普通人不應該有這種思維似的。「我由細到大個腦都鐘意諗埋啲古靈精怪嘢，例如呢啲場面…」指了指自己的腦袋，苦笑著說。





峰哥聽罷考量了一會：「我覺得阿生個提議幾好，以我哋目前嘅配備的確守唔到幾耐，大家有無異議？」見眾人都沒有意見，峰哥便安排人手，由我帶著榮叔，阿強，白雪去搜尋補給和到學校設立據點，他自己則帶著阿文及富仔開警車返回警署收集裝備之後回程集合，途中以對講機某頻道聯絡，由榮叔和峰哥負責。

在調配人手的時候，見阿文欲言又止，峰哥便說：「阿雪咁大個人識照顧自己同隊友，佢都係個警察，俾啲信心佢啦。」阿文不再說話，但臉色明顯變得不好，峰哥不以為然，而我卻覺得有種不好的預感。

之後峰哥將車上的裝備分配好，就連我也拿到了一把警用手槍和避彈衣，用他的話說：「你唔識用槍可以學，但依家呢個環境最好嘅方法唔係要人保護你，係要保護自己。」

峰哥叫阿文和富仔先行上車，然後走到我們面前說：「大家自己小心，阿雪算係你哋嘅暫代指揮，唔影響大家嘅自身安全下，盡量聽佢指示去做。我返到嚟要見到齊齊整整嘅一組人！」最後跟眾人道別，便帶同兩人開車離去。