十六歲但非處子身嘅女孩: 11.2 如何

「係呀，今日好忙，所以先咁遲覆你，咁你聽日有冇科要考？」我醒過來，喺我自己頹緊，沉思緊嘅同時，我都要關心呀Rick ,唔可以露出任何破綻 
「我聽日冇野考喎，不如我聽日返學校接你放學好冇？」佢好似好雀躍
「吓....但係....好似唔係幾好，我驚阻住你溫書」我唔肯答應Rick , 因為呢幾日放學都會偷偷地同Cyrus 一齊走
「唔緊要，反正我都想同呀sir 講下數學考成點，就咁話啦」佢send 完呢句之後就offline

 左右做人難，如果我同Cyrus 講Rick 黎接我放學，佢一定會呷醋，不過我而家作為Rick 嘅女朋友又冇可應拒絕佢
我已經厭倦講大話嘅人生，我唔想對住Rick 又講大話，對住Cyrus 又講大話
我聽日就要同Rick 攤牌，三口六面講清楚成件事

我望一望電話，食完飯沖完涼之後，原來到已經12 點


我用133 打電話俾Cyrus ，「電話暫時未能接通，請遲d 再打過」未接通就已經飛咗去留言信箱
隔多半個鐘，我再打多兩次，結果都係一樣，冇人聽

第二朝早，今日唔係一個普通嘅返學日，今日係我要做重大決定嘅一日
我照舊8 點鐘返到學校，同Mika ，Ceci 佢地一齊吹水講八婆野，與此同時，我留意住班房門口，睇下Cyrus 幾時返到
唔知Cyrus 呀媽有冇發現到我地兩個人之間嘅事？我好緊張，我好擔心

Cyrus 本身話遲d 同我解釋，我琴晚打咗幾次俾佢又唔通，而佢又少有地冇打返俾我，究竟Cyrus 發生咩事？
「Anki，你做咩又發夢呀？近排你成日都神不守舍嘅？」Mika 拍一拍我，我先回過神來
「冇事，呢幾日唔夠瞓啫」我隨便作個藉口，雙眼依然望實門口，目不轉睛



有一推門而入，我從座位上企起身，啱啱被經過嘅同學遮住咗，我仰頭一望，原來係呀豪，佢喺打鐘嘅前一分鐘啱啱好返到學校
「呀豪，你係咪又遲到呀？」Ceci 都從座位上企起身，行過去同呀豪傾兩句，身位班長嘅佢負責點名，要睇下有冇人冇返學同遲到
「今次冇啊」呀豪回答Ceci，然後走行返埋位

我立即截住佢嘅去路，行去呀豪嘅座位面前
「Cyrus呢？你今日冇同Cyrus 一齊返學嘅？」我拑住呀豪將櫈唔俾佢拉出黎坐
「今日冇啊」佢就咁好簡單，我問一句，佢點都即止咁回答我
「你平時都同佢一齊返㗎，點解今日冇嘅？」我繼續追問，個樣非常焦急
「我琴日同今朝wts 佢都唔應，今朝直程打俾佢又唔通，咁我咪自己返囉」我放開張櫈俾佢坐低，眼光呆濟



「你琴晚都搵唔到佢？」呀豪反問我，喺我地呢個朋友圈裡面，淨係得呀豪知道我同Cyrus 已經和好如初，不過仍然冇人知道我地之間不可告人嘅親密關係
「搵唔到............」講完呢句之後，我就行開，返埋自己座位

班主住Miss Chiu 到咗，佢坐喺老師枱然後瞪住Ceci 遞俾佢嘅點名簿
「Cyrus Chan，陳浩名呢？」Miss Chiu 大叫，一次過問曬全班
我地每一位同學都望住老師之後回答「冇見過」

點解會咁？Cyrus 唔會咁冇交帶，佢從來都唔會唔覆message 亦都唔會突然唔返學
除非，有大事發生，會唔會係佢老母發現咗我地d 野跟住唔俾返學？佢會唔會又要轉校？又要去外國讀書？
今次點算？我害死Cyrus，佢而家直程連學又唔返，電話又唔通

我企起身，離開班房，跑去走廊盡頭嘅廁所
我企喺洗手盤面前，扭開水龍頭，向前望住鏡裡面嘅自己，我見到嘅只有頹靡同憔悴，黑眼圈大到好似就黎跌出黎
我用手承住水，潑向自己塊面，令自己可以清省下



因為我一個人貪玩、貪心、自私而闖出嘅禍，我好辛苦，點解我會連累埋Cyrus ？我傷害咗Cyrus 同時Rick，人與人之間講求信任，但係我三翻四次咁講大話，不停瞞騙，我真係好不負責任