十六歲但非處子身嘅女孩: 11.1 如何

「咩話？」Cyrus 由房裡面大叫，佢一路著返件t-shirt 一路呼叫
就喺千均一髮間，我地兩個瞬速由床上彈起，由原本互相依偎溫馨變得非常狼狽，Cyrus 雙手鬆開，離開我玉白嘅身軀，爬到床上攞返條褲
「細佬，你喺房到做咩呀？」佢老母嘅腳步聲愈走愈近，就快行到黎我地嘅間房前面
「等陣，我喺廁所」Cyrus 好似唱山歌咁，好大聲回應佢老母

我好緊張，成個人碌咗去床邊，坐喺床邊嘅角落到抱膝包住自己，將裸露嘅身體裹起
腳步聲去到門前就停低，原本聽到有人摸住房門嘅把手準備扭開推門，不過好彩有Cyrus 一句倒截住，險過剃頭
Cyrus 急急腳著好綿褲同佢件鬆身t-shirt , 然後走門門行出客廳應付佢呀媽

「你著返件衫先」臨離開房之前，佢回頭返黎我身邊，蹲低同我講，再拋件格仔恤衫俾我，「你等我一陣」


我嚇到唔知俾咩反應好，繼續保持抱膝嘅姿勢

我披上恤衫外套，然後小心翼翼咁行近門口，想偷聽下佢地之間嘅對話，究說Cyrus 可唔可以講到大話呃佢老母
不過我乜都聽唔到，佢地兩個講野都好細聲，而房同廳之間有一段小距離，跟本就聽唔到任何消息

我可以點算？今次真係出禍，自己去偷食都已經罪大惡極，仲要而家偷食又俾人發現，我真係失敗中嘅失敗，我以後可以點樣面對Cyrus 同Rick ？
不知廉恥，點解我可以自甘墮落到呢個地步？不過目前最大問題係，我要點樣離開Cyrus 屋企？
而家佢呀媽都返到黎，我可以點走？

我爬到床尾同地下執返我地大戰後嘅衣物，我拉開窗廉府望一下，然後又縮返個頭返黎，呢到係23 樓，絕對冇可能爬出去


行去房裡面嘅套廁，如果我留喺到一夜，到聽朝先走有冇可能呢？但係唔得，我唔可以成晚都唔返屋企
我放輕腳步，慢慢行返去床喺上面，等Cyrus 返黎

我成人都好焦慮又好緊張，腦海裡面一片混亂，正當我喺到胡思亂想嗰陣，又有腳步聲行近，我即刻床喺床邊嘅盲位
如果係佢老母入黎，就希望佢時運高，睇唔到我
門一開，原來係Cyrus

「Anki，你快d 襯而家走啦」Cyrus 幫我攞起個袋然後塞入我雙手
「頭先發生咩事？你呀媽有冇問長問短？」我不停追問，與此同時Cyrus 就推我出房門
「我遲d 再同你解釋，總之你而家走咗先，我呀媽啱啱入咗房瞓教」我地走到出廳，我求其聶隻腳落對鞋到之後就急急腳咁走人



我離開Cyrus 屋企，搭𨋢落到地下，見到樓下看間以一個好奇怪嘅眼神望住我
我即刻照一照門嘅倒影，見到自己鞋又未著好，衣衫不整，個頭又亂曬，一睇就知係捉姦在床然後閃人
望一望出面嘅天色，已經黃昏，金黃色嘅晚霞映入我眼廉
我望到嘅並唔係美好黃昏，我望到嘅係黃昏背後深層次嘅黑暗

返到屋企，睇返今日全日都冇睇過嘅WhatsApp，見到Rick wts 咗我好多野

「我今日考完數學，我覺得係考咁多科裡面考得最好」
「今年出嘅野同past paper 都差唔多，好彩我平時自修嗰陣都做唔少咋」
「你做緊咩呀？做咩咁耐都唔覆我嘅？」
「你係咪忙緊？咁你得閒再話我知」

全部都已經係三個鐘之前send 黎，我直到黃昏先回覆Rick 
今日發生嘅事令到我成晚都瞓唔著，輾轉反則，由十一點攤到兩點都仲未瞓得著


我同Cyrus 咁樣嘅關係持繼落去都唔會有咩好結果，無論對Rick 又，對Cyrus又好對我有好，總之對我地三個都唔好
睇黎我都係時候要做個了斷，就算唔捨得都係咁話，全部都係我惹起嘅錯