十六歲但非處子身嘅女孩: 6.1 天旋地轉
放完聖誕假之後又要返學考試，每一日放lunch 我都會同Rick 一齊食，我地今日去咗M 記喇喇聲食個包之後就去自修室溫書
我地行到最入搵到個位，放低書包同其他書之後我就出去買野食先，便順幫呀Rick 點埋，而我就放低咗電話喺枱面唔記得攞就行開咗
其實我都好信得過呀Rick，佢一向都大男人主義，好鐘意我聽曬佢話亦都好鐘意幫我做決定，但係最衰嘅一點係佢好鐘意check 我電話，基本上每次出街只要我部電話喺佢視線範圍出現，佢就會好自然攞我部電話黎睇，當我唔俾佢睇，佢就會反問我「乜你有野唔俾我知咩？」
我雙手捧住托盤一步一步小心翼翼咁行返去，我從後見到Rick 喺到睇緊我同Cyrus 之前嘅wts ，再加埋我同佢之前嘅對話同喺陸運會後出黎見面𠴱陣嘅對話
不過佢睇完之後粒聲唔出，放低我部電話就算，而佢唔知到我睇到曬佢偷睇我同Cyrus wts 嘅事
「食野啦，快d 食完我地就去自修室啦，費時陣間好多人」我放低托盤滿面笑容扮所有事都唔知情
Rick 佢個樣好沉重好正經，冇好似平時咁笑面盈人「嗯」佢只係普通嗯一聲，點咗下頭
去到自修室我地嘅位都會一齊坐，然之後各有各溫，加上Rick 今年3 月就要開始考DSE 所要佢要更加勤力溫書，亦都會愈來愈少時間陪我
我一路對住d 數一路喺到諗，Rick 佢睇完我同Cyrus d 野之後會唔會亂諗野，會唔會懷疑我？不過我都有唔啱，我其實都刻意隱瞞，我仲未分清楚我係咪當Rick 係水泡
我部電話震咗下，因為我較咗靜音，原來係Cyrus wts 我「你咁講算係咩意思？」
我完全唔知佢講乜，應該係頭先呀Rick 用我部電話唔知send 咗咩俾佢，我開返黎睇
「Cyrus，自從你搵我解釋完我地之前分手嘅事其實我一d 感覺都冇，我唔知你冇啦啦約我出黎傾呢樣野有咩企圖，我而家過得好好，Rick 亦都對我好好我同佢一齊好開心，我地之前嘅事就由佢，講真，我跟本就冇將我地之前嘅事擺喺心到，我一早已經唔記得曬，你唔需要提起我地舊時嘅野，雖然我地見完面之後都仲有留幾分面子俾對方，我都仲有同你傾一兩句咁，不過去到今日我諗清楚，我真係好愛Rick ，你以後都唔好再搵我，我地係咁先」
「呢段野唔係Anki 你寫，你發生咩事？點解會咁？」Cyrus 再追問我
「我遲d 再覆你，而家唔係好方便」呀Rick 佢就坐喺我隔離，我都係等到今晚再覆，費時陣間佢又攞我部電話黎睇
點解呀Rick 要咁做？我都已經好聽佢話冇再搵Cyrus，只係佢搵我啫，我都係應佢一兩句，我都係唔想我地日後見面會面左左所以先覆，只係仲有對一樣野未分清楚，而我有時都唔知我係咪對Cyrus 仲有留戀，點解我仲會諗起我同佢之前嘅事？
我腦裡面淨係諗呢件事，跟本就專心唔到溫書計數，我偷望一下我隔離嘅Rick，佢埋頭苦幹，不停喺到做MC
溫到夜晚7 點幾，我地溫完書，Rick 佢送我返屋企，途中我地大家都好沉默，一句說話都冇講過
佢有佢喺到諗我同Cyrus 之前講過d 咩，加上懷疑我係咪仲有野隱瞞佢
而我有我喺到諗Rick 寫呢段說話嘅目的，佢做要咩要質疑我？唔通佢唔信我？唔通我真係當Rick 係水泡？
其實係我一直都要求大家要坦誠相對，我成日要求佢要同我坦白，有咩心事都可以同我講，同我傾，但係佢而家嘅心事佢都唔會同我講
而由頭到尾最自私嗰個都係我，我要求人地要同我講真話，但令一方面自己嘅所有事都有所隱瞞，我冇同過Rick 講，因為我驚講咗Rick 就會同我分手，我會冇咗個疼錫我嘅人
我訓喺床上望住天花版，我想要一個愛我嘅人，定係一個我愛我嘅人？我係因為想要人保護我、疼錫我所以先同Rick 一齊？
「你係咪當呀Rick 係水泡？」真係好煩擾，搞到我成個世界都天旋天轉
「sorry Cyrus，今日嗰段野唔係我寫，係呀Rick 攞咗我新電話寫」我夜晚先wts Cyrus 同佢解釋
「我都估到唔會係你寫，你而家點樣？發生咩事？」
「今日我同Rick 食野嗰陣佢攞咗我部電話睇我同你之前嘅對話，佢睇完之後乜反應都冇，只係成個人靜曬，你點知段野唔係我寫㗎？」
「你平時講野唔會咁刻薄，成日講野一舊舊講好多廢話都入唔到正題，冇理由寫野咁清晰咁有條理，我咁清楚你，你絕對唔會係咁，更何況我知道你唔會捨得對我咁狠心」
所有野都俾佢講中曬，冇錯係，我真係唔捨得對Cyrus 咁狠心，就算佢之前真係成日忽略我又少陪我，不過我都唔忍心咁對佢，我想保護佢，唔想Rick 俾說話佢聽
「咁你同Rick 而家冇事啦嘛？」Cyrus 繼續問落去
「我都唔知，不過佢好似嬲嬲地，我唔知點面對佢」以Rick 佢嘅性格黎講，冇論我點解釋佢都唔會聽
「咁好啦，我都唔再煩你，費時又因為我搞到你同Rick 之間出現問題」佢send 完呢句之後就落咗線
「我有樣野諗通咗，我覺得我好似真係當呀Rick 係水泡，你當晚講完之後我諗咗好耐好耐，我覺得你講得啱，我係衰，我係當呀Rick 係水泡」我打完呢句，不過到最後我都冇send，delete 曬成句，我唔想講完呢句之後又令到我同Cyrus 之間嘅關係更加苟纏不清
Cyrus 佢唔再煩我，都係唔想破壞我同Rick 嘅感情，但係我知道其實Cyrus 佢咁做都好傷心，不過冇辦法，我就係一個衰人，攬住個水泡又鐘意前任
有一點我都好清楚知道，如果我同Rick 分手同返Cyrus 一齊，雖然佢有反省過自己之前真係唔識照顧女朋友，唔識氹女仔，但係我知道就算我同返佢一齊，我都係日日過得好冇安全感，又會過返之前有男朋友等於冇男朋友嘅日子
如果我繼續同Rick 一齊，我會有個對我好好，好寵我嘅男朋友，不過我唔可以對佢坦誠，而我個心又會成日掛住第二個人
我應該點揀？