十六歲但非處子身嘅女孩: 5.3 有了你，我的世界更加甜

一個星期過後，到咗今日12月31 號除夕，當然唔少得嘅係同呀Rick 倒數跨年啦
今次呀Rick 約我去尖沙咀，唔知今次又有咩驚喜呢？

我同佢約咗喺荃灣站等，好少可佢會遲到，大多數都係Rick 早過我到
「電話暫時未能接通，請遲d 再打過」我打俾佢又唔通，唔通佢放我飛機？

「Anki，我唔可以同你一齊搭車，你自己搭出去尖沙咀先啦，到時我再俾指示你」Rick wts 我
今次又想點？明明佢約荃灣站等，而家就要我自己搭車，於是我乖乖地一路坐地鐵一路聽歌，播住聖誕節歌嘅 play list

「 Last Christmas I gave you my heart, but the very next day you gave it away 」上年嘅聖誕同除夕我都係自己一個人過，嗰陣時的確係同Cyrus 一齊，不過呢個冇心肝嘅人喺咁重要嘅節日又點會陪我，日日都吃喝玩樂，一去玩就所有message 都唔睇唔覆，諗返起我都唔知點解之前可以忍受佢一年咁耐


「 This year to save me from tears , I'll give it to someone special 」好彩今年我遇到呀Rick ，佢好遷就我、疼錫我、保護我，同佢一齊我會感受到一種被愛嘅感覺，雖然我同佢識咗唔耐一齊咗嘅時間又唔耐，但係喺呢四個月我都覺得好幸福，比起Cyrus ，Rick 係好一百倍

「你係咪當呀Rick 係水泡？」聽聽下歌，突然之間有一句亂入，痴線，我唔應該比較Rick 同Cyrus

到咗尖沙咀，我收到Rick 嘅message 「你而家行去K11 個出口，行去正門前面個花園到就會見到我㗎啦」
我順應住指示，拍卡出閘之後，穿過尖沙咀站嘅地下迷宮，喺黃、紅、綠嘅個區裡面蘯失路，行咗唔知幾多個圈，終於搵到K11 出口
上到地面平台，見到Rick 坐咗喺張長櫈到，手攞住個發翹滿閃燈嘅氣球，佢背向我，我從後靜靜雞後過去

「嘩 ！」呀Rick 突然之間企起身嚇返我轉頭，原來佢早就知我喺後面
「有冇搞錯呀，仲諗住有一次可以整蠱下你添，你扮俾我嚇親，扮驚都好呀」我拍咗兩下落Rick 嘅心口到，佢捉住我隻手然後講


「傻豬，你醒少少咪嚇到我囉」佢不停咁笑 「係呢，頭先你已經話到咗尖沙咀，做咩搞咁耐嘅？」
「我喺地鐵站裡面蘯失路，行咗幾個圈先搵到呢到咋」
「傻豬，你睇下，冇我喺你身邊帶住你，陪住你走，你真係一個正宗路痴」我俾Rick 彈咗一下額頭
「係啦，係啦，我真係冇咗你唔得啦」

喺呢個除夕嘅晚上，我拎住呢個閃閃下嘅氣球喺街上到行

之後我地搵咗間西餐，兩個人撐枱腳
「食完飯而家都係9 點幾咋喎，仲有2 個幾鐘先到2018 」我問呀Rick ，睇下佢之後仲有咩plan
「我地而家去睇燈飾，之後我買咗睇今晚午夜場」Rick 佢手攞住兩張戲飛


「套戲我想睇好耐啦，你又話冇興趣嘅？」
「咁你想睇我咪陪你睇囉」Rick 真係對我百般遷就，有時我真係覺得自己俾佢寵壞曬

我地行到尖沙咀海旁，見到有好多人Busking，又有好多人影相，更加多嘅係拎住閃燈氣球嘅人，即刻覺得呢個波好庸俗

我地見到有個外國人蒙住眼，腳下放咗個用紙皮做嘅牌，寫住「Free Hug」
喺呢個寒冷嘅除夕夜，見到佢一支弓喺尖沙咀海旁，我都想俾d 溫暖佢嘅，我行埋去，俾佢一個擁抱

「你攬佢都唔攬我？」Rick 扮呷醋
我伸手圍住佢條腰，將面貼落佢胸前，緊緊咁攬住佢，好溫暖，而Rick 就輕輕抬起我下巴，我地四眼相投，再吻一下

時間尚早，我地繼續手拖手沿住海邊行，見到前面有好多人圍住，於是我地都行過去湊熱鬧
原來係一隊busking 嘅band，有人彈結他，有人唱歌，有人坐喺到拍木廂，周邊圍住嘅人全部都係一對對情侶，佢地互相依偎
「見咁多情侶，咁我地就為大家唱最甜嘅情歌，告白氣球啦」個主唱攞起支咪講，然後在場嘅觀眾都喺到歡呼



「Anki，你最鐘意嘅周杰倫喎」Rick 拉一拉我手，但係我成個發曬呆
我鐘意周杰倫係因為Cyrus 介紹我聽，之後佢仲成日唱周杰倫洗我腦，而告白氣球.........就有好多我地之前嘅回憶
「不如我地行啦，呢到好多人，好迫」我聽到佢開始唱之後我就主動提出離開人群，我唔想聽落去諗起舊時嘅事，每次諗起我都想喊，我想離開，唔想俾呀Rick 見到我喊

「你係咪當呀Rick 係水泡？」每次一諗起或者提起Cyrus 嘅任何野，上次佢同我出黎見面嘅呢句又再有漣漪