十六歲但非處子身嘅女孩: 2.2 陸運會
啦啦隊表演為陸運會嘅氣氛帶上高潮，平時著校服紮馬尾嘅學生妹為咗想喺陸運會到乘機特圍而出，個個都化曬妝又set 曬頭，花招枝展，睇下有冇機會出pool 。短褲短裙就一定唔少得啦，平時長到及膝嘅校服裙冇得發揮大家嘅長腿本識，今次可以喺全校面前曬命
「跳得好勁喎，做咩呀？學人發姣呀？但係你發唔起喎」Ivan 同Kenneth 又陰陰嘴笑咁行過黎，佢地成日都係咁賤嘴，咁鐘意寸人
「就算我發姣都唔係發俾你睇啦，咁你地又𥄫到邊條女靚呀？」
「你黃社前排打則手翻果個女仔幾靚喎，佢叫咩名呀？」Kenneth 對呢個妹妹仔特別有興趣咁，可能因為人地大波啦，打則手翻果陣波濤凶湧，好大殺傷力
「佢叫Joyce，3D班㗎，佢喺看台喎，你得閒嘅話咪上去識下人囉」到我陰陰嘴笑返佢轉頭
「中六男子400米決賽第一次召集，中六男子跳高決賽第一次召集」
呢兩樣都係呀Rick 佢參加嘅項目，又會咁啱兩樣一齊召集都有
當我衝返去看台搵呀Rick 果陣，我跑跑下樓梯一踩空級，我又仆多次街
我一抬高頭就發現Cyrus喺正我面前笑住咁望住我，即係我頭先嘅柒事佢已經睇到曬，尷尬到飛起，呢一刻我真係想搵窿捐
我即刻企返起身扮冇事發生過，繼續行
Rick 佢同緊佢d fd 準備一齊去跑道集合「呀Rick 」我一路跑一路好大聲咁叫佢，差唔多有一半紅社嘅人都望住我，但因為會場裡面實在太嘈，佢聽都聽唔到，最後佢停低拎轉頭見到我
「你同時有兩個賽事一齊比喎，咁你點算呀？」
「我啱啱同咗李sir 講啦，佢話將我跳高果到擺到最後，我跑完400米之後再跳高，你陣間喺我跳高果到等我好冇？」Rick 佢幫我撥返好因為跑步而凌亂嘅頭髮
「嗯，好啦，咁你加油呀」我露出一個滿意嘅笑容，佢講嘅每一句說話同幫我撥頭髮都令我好安心
中六男子400米決賽正式開始，同時又係籃球健將嘅呀源一馬當先，直衝200米，不過後繼不徑開始慢落黎，我喺百幾米以外真係睇唔到邊個係Rick，個個身型都差唔多又係高高瘦瘦，加上跑步嘅時候面容扭曲，靚仔都變on 9 。去到最後一百米嘅直路，原來最前果個係Rick 呀，之後Rick 以為一名衝線到達終點，我開心到喺跳高場到彈起
Rick 佢氣都未回，就一步一步慢慢咁行過黎跳高場，作為一個體貼嘅女朋友，就當然要即刻為佢遞水啦
但係佢仲抖緊大氣所以乜都冇講淨係望住我笑
到Rick 佢回完氣之後，話咁快就輪到佢跳高，佢嘅比賽真係一浪接一浪
佢度步數，再行黎行去咁試跳，之後助跑大約十步之後起跳，喺起跳果一刻，Rick隻腳突然向外屈一屈，失去平衡訓低咗，腳踝個位紅曬又腫曬，拗柴。因為佢跑完400又即刻跳高隻腳攰得濟就整親
呀源同Rick其他fd 一人一隻手抬住佢腋下，送佢到醫療室，而我就緊隨其後。我只係默默咁跟喺後面唔出聲，都唔知可以俾咩反應但亦都唔想愈幫愈忙
護士搵個枕頭抬過佢隻腳，之後再幫佢用冰敷住個腳踝，Rick 佢冇出聲，只係流汗同露出一個痛苦嘅表情，護士幫用繃帶包住患處，而Rick 餘下嘅時間同比賽都冇得再玩，為確保安全，只可以留喺醫療室
「唉，今年係最後一年陸運會，本身仲諗住贏多幾場，最後一年玩盡佢，點知變咗咁」Rick 佢終於開口出聲
「你而家搞到咁只係搏到盡，但唔係玩到盡呀，傻仔」呀源同佢講
「你休息多d 啦，陸運會完咗之後，出黎影相果陣再叫你啦」令一個fd Leo 同佢講
講完之後佢地兩個就走咗，護士就行咗去令一邊攞野，間房得閒我同呀Rick 兩個人
「Anki，頭先我訓低有冇嚇親你呀？」
「冇呀」其實我係呆到反應都未俾得切，Rick就已經俾人抬走咗「你而家仲痛唔痛？」
「有你錫返我，咁咪唔痛囉」Rick 笑住咁講同時又將塊面貼到好埋
於是我就錫咗佢面一啖，「吓？一下咋？咁就冇啦？」Rick 佢問我
「冇啦，你好返行出黎之後再算啦」講完之後我就離開咗醫療室
「Anki，我地喺看台搵咗你好耐啦，要幫手清場執垃圾啦，你快d 幫手啦」Ceci過咗黎地下醫療室搵我，之後就拉住我一齊上去幫手執野
「見到咁多位同學都落力投入陸運會嘅運動，可以睇得出我地嘅學生有潛能喺多方面發展，亦可以大展所長.......」校長講緊無聊嘅訓詞
「Anki，陣間留低一齊影相呀」Reese 偷偷地走咗過黎我班隊到，細細聲喺我耳仔後面講，我點咗下頭，費時俾人發現
成個陸運會明明4點完，但個個都留低喺到影相，影到5點幾清場先肯走
今年中六d 人就要畢業考DSE，我同咗幾個中六嘅fd 影相，亦都有同籃球隊佢地影
由跑道望向醫療室，見到呀Rick 佢小心翼翼咁行出黎，Leo同呀源都放低曬所有野衝過去扶住佢。離遠望見佢到有傾有笑，呀Rick 嘅精神都好咗好多，之後佢就俾人扶咗去影相
「咁多位快d 過黎，我地影返張班相先」Ceci 發號施令，叫齊曬所有人一齊影返張班相留念，「5D」我地大叫，再切咗個5D 嘅字出黎，搵人由看台影返落黎
「Anki，我可唔可以同你影張相」有人拍拍我膊頭，我拎轉面，原來係Cyrus
咁我又冇理由咁小氣拒絕佢嘅，影張相又冇所謂嘅
「哦，好呀」
「123」Mika 幫我揸機影，佢數得勁快跟住就影咗
「我遲d send 返俾你啦」其實我早果排unblock 返Cyrus