十六歲但非處子身嘅女孩: 2.1 陸運會

每年一度嘅陸運會又黎，近呢排d 天氣都好唔正常，一時又落雨，一時又出太陽，好彩今年嘅陸運會都唔算太熱啫，都叫有少少秋風吹下

既然今年已經退休，唔再做社長嘅我，理應就可以功成身退，係看台到坐下，打下氣就算，點知今年我喺prefect team 俾人升職，做埋大佬位head prefect，睇黎今年嘅陸運會想休息都難，又冇得抖

我同智儀一樣都係head prefect，品學兼優嘅智儀係我嘅同班同學同時亦都係我嘅讀書好友，平時bio 一有唔識我就會即刻問智儀
「Anki，你今日做咗朝早，你而家休息下先啦，我lunch time 果陣再搵你，我地再一齊去巡大閘果邊，好冇？」智儀問我
「好啊，唔該曬」

上返看台行去黃社果邊，見到Rick 佢扒住喺欄杠到望住出面跑道
我靜靜雞行喺佢後面，諗住從後擁抱嚇一嚇佢，屌...... 但係點知當我一攬住呀Rick 果陣......



「喂 ！Anki，你喺到做咩呀？」又係Ivan，佢大聲咁喝我，之後又陰陰嘴笑，個樣奸到呢
我同Rick 即刻拎轉頭，嚇死我，初初仲以為係俾老師見到
「死人頭，原來係你，仲以為係訓導把聲呀」我行過去Ivan 到，拍咗落佢手臂一下
「咁你就唔好喺返學時間做埋呢d 野啦，要做嘅，就留喺房做啦」今次佢個樣又奸變咗做淫
「得啦，收皮啦你」講完呢句之後，我就行咗去令外一邊

雖然Ivan 同Cyrus 係好兄弟，但係Cyrus 冇同任何人提過我去佢屋企同我地兩個之間發生過嘅事，包括Kenneth，呀豪同Ivan，佢地四子，可能因為俾Ivan 講中，唔通Cyrus 真係仲鐘意我？不過如果係真嘅話，咁點解佢又對我咁衰，又同我講分手？

行下行下，就行到去最遠嘅紅社，Reese 走咗過黎我到


「咦 Anki，你點解唔留喺黃社果到嘅？Rick 佢唔喺到咩？」
「咁我又唔係要24小時都痴住呀Rick 㗎嘛，我都可以自己周圍走下，而家咪走過黎搵你囉」

係大家心目中，我就係個有異性冇人性嘅人，其實我唔想咁，我都好想有自己嘅時間同空間，只係有時呀Rick 都想我搵佢多d，唔想成日都係佢做主動咁，所以我都會分d 時間俾男朋友，不過就會少咗自己嘅自由

同Reese 傾傾下，就已經到咗lunch time，智儀過咗黎搵我一齊當值。我地兩個head prefect 冇得出去食lunch 只可以留喺到跟住班老師一齊叫外賣食，因為要睇下有冇人遲到返黎

「智儀，你覺唔覺得我有異性冇人性㗎？佢地個個都咁講嘅？」
「唔係呀，你早幾日生日都有同我地一齊去party room 啦，你係夜晚先陪男朋友咋嘛，平衡都好重要㗎，唔好成個世界都淨係圍繞住呀Rick，你仲有我地㗎。好似我咁，我同Eason 都唔同校，我同佢見得咁少，你有得同Rick 同一間學校其實好好㗎啦」



的確係嘅，Rick 佢對我又好，又高大靚仔，都有好多低form 妹妹仔妒忌我嘅

放飯時間過後，大部分嘅人都已經返曬黎，除咗同我地同級嘅四子之外

「而家幾點呀？你知唔知你地遲得好過份呀」我攞住隻錶同最沉實最友善嘅呀豪講
「咩野呀，咪又個半個鐘，反正都未開始」又係on 9 Kenneth 插把嘴埋黎
「你地咁做唔啱㗎，寫低你地個名、班、同你地個社」智儀遞咗支筆同紙俾佢地
「Anki，你都知我地咩班咩社㗎啦，你幫我地寫咪得囉，我地咁熟，或者唔寫都得㗎」Kenneth 走過黎同我一個人講
「唉，Anki 佢淨係同我地三個熟㗎咋，佢同某個人呢就最唔熟」Ivan又行埋過黎
「係喎， sorry 呀 Anki，又提起佢添，我知你好憎佢，但可能佢都唔想㗎呢」Kenneth 今次唔再on 99 咁講野，佢個樣好認真

「哦，係咩」我好冷淡咁hea 答佢地兩個，行開咗去令外一面

「Anki，啦啦隊果邊要開始練習啦，你搞掂曬之後就過黎看台後面搵我地啦」Mika 專程走咗黎大閘搵我，之後就跑咗去看台樓下
而我亦都跟住Mika，跑去看台樓下同大家一齊最後練習



今個陸運會我乜都冇報，淨係參加咗啦啦隊，本身就冇乜運動天份嘅我，除咗跳舞之外，我對其他野都冇興趣，只係平時每個月都會返studio 到跳下咁
第一隊出場就係我地黃社，我地換曬衫，之後就攞住啦啦球行出跑道，準備我地嘅表演
黃色衫真係特別難襯，人地藍社、紅社好睇咁多，我淨係覺得黃色好奇怪

看台上充滿住掌聲同尖叫聲，仰起頭就見到人群中嘅Rick，佢微笑住同我揮手，而我就仰住個頭倒後行，之後就俾地上嘅啦啦球kick 到仆街，跳都未跳，我已經係全校人面前出醜

音樂一起，順住節奏擺動，向左走、向右搖，跪低再起，最後再有我同Mika 一齊落一字碼完咗個大約三分鐘嘅啦啦隊表演
「黃社....... 黃社.......」全場充滿住我地黃社嘅歡呼聲同打氣聲，我最鐘意啦啦隊嘅團結同氣氛，可以幫我地社帶起士氣同力量