《香港傭兵》: [Day 24－三合成立] PART 52
耶穌伯伯繼續講：「正如頭先所講...三原核遍布整個宇宙...而且比較鍾意喺有智慧嘅生物聚合～我哋人類呢種只限於有智慧生物都聚合到一定含量...咁即係話外星高智慧生物就聚合得更多啦～」
外星高智慧生物...
耶穌伯伯指指天上：「所謂嘅天使大軍...極有可能就係喺遼闊且寂靜嘅宇宙之中...有高智慧生物利用三原核產生嘅三合作用其中一環...製造出高智慧智能軍隊～」
高智慧智能軍隊...
耶穌伯伯繼續講：「之但係三合作用其實係極危險～份量計得準就話可以製造出天使大軍～改變世界～但冇好好咁計算嘅話...唔單止毀滅一個地區...一個國家...甚至乎毀滅整個文明～」
毀滅整個文明...
耶穌伯伯繼續講：「相信喺人類出現之前...恐龍出現之前...再遠古之時...地球上曾經出現過多過一個文明...亦至少有一個文明係被三合作用毀滅...仲要毀滅得不留痕跡～」
被三合作用毀滅得不留痕跡...
耶穌伯伯繼續講：「相對地...只要份量計算準確...所覆蓋嘅範圍唔止一個地區...甚至乎一個行星...」
計算準確...覆蓋範圍？
耶穌伯伯繼續講：「只要計算準確...個行星有幾大...大地球幾百倍...幾多倍都唔係問題～而以外星高智慧文明嚟講...唔難～」
以外星高智慧文明...
耶穌伯伯繼續講：「可以肯定...喺人類出現之前...甚至喺太陽系出現之前...就已經有外星高智慧文明完全掌握三原核嘅三合作用...覆蓋整個行星...將行星改造成可以脫離恆星...自由咁喺宇宙漫遊～探訪過地球～」
自由咁喺宇宙漫遊...探訪過地球...
耶穌伯伯繼續講：「而年輕嘅預行者並唔知道呢一點...佢唔了解喺佢手...已喚醒嘅三原核含量同濃度嘅比例係幾多...覆蓋範圍有幾多...甚至連有附帶毀滅範圍...受影響又有幾大都唔知～」
附帶毀滅範圍...受影響又有幾大...
耶穌伯伯帶住慈祥嘅微笑點點頭：「冇錯～年輕嘅預行者手中嘅三原核的確可以產生出三合作用～可惜嘅係...覆蓋嘅範圍只係得一少部份...」
可以產生三合作用...但覆蓋嘅範圍只係一少部份...
耶穌伯伯帶住慈祥嘅微笑一指...
我跟住耶穌伯伯所指嘅方向一望...望向山崖...山崖再遠...再遠...遠遠嘅...
『黑牆...』黑牆...一幅超巨型...高高...直上到天際嘅黑牆...
黑牆嘅頂上...仲有一層厚厚...黑色...深淵一樣黑嘅黑雲蓋住...
嗰度...我哋稱為禁地...
我哋嘅大本營...好接近嗰邊...但絕對禁止向嗰邊調查嘅禁地...
耶穌伯伯打量住黑牆：「喺黑牆裡面...係一個新世界～」
我哋稱為嘅禁地...係一個新世界？
耶穌伯伯繼續講：「喺三合作用之後...無限能源演算之下...以EVE內存AI控制嘅EVE Unit，開始幫助喺裡面生活嘅人～」
EVE內存AI...EVE Unit...
耶穌伯伯繼續講：「被封閉喺裡面生活...與外界隔絕嘅人...都開始嘗試建立一種生活方式...一種體制...一種...算係另一種文明...」
一種生活方式...一種體制...另一種文明...
耶穌伯伯繼續講：「起初都有好多嘢唔知...要慢慢探索...要慢慢建立...建造...」
要慢慢探索...建立...建造...
耶穌伯伯點點頭：「然後探究到與外界連接嘅方法...但盡可能唔與外界連接...避免與外界連接...」
避免與外界連接...
耶穌伯伯再點一點頭：「過咗好多年...裡面嘅生活開始穩定...開始安穩...安穩得耐...就開始有變...」
安穩得耐...開始有變...
耶穌伯伯帶住慈祥嘅微笑打量住師父：「久於安逸...自然會自尋煩惱～」
師父冷眼打量住耶穌伯伯：「有一日...三個領域之中...有兩個領域嘅統治者提出分割領域...自成一國...然後第三個領域嘅統治者係一個自以為是...目空一切嘅死老鬼亦同意分割領域...」
三個領域嘅統治者...要分割領域...自成一國...
師父繼續講：「佢哋三個決定用分裂之牆將三個領域分隔開...但就冇諗過分裂之牆將三個領域分隔開之餘...仲搞到無限能源演算失衡...失效...令三個領域同時陷入能源消耗危機...幾咁愚蠢...」
分裂之牆...令無限能源演算失衡...失效...令三個領域同時陷入能源消耗危機...
師父繼續講：「一個年輕嘅少年睇唔過眼...將自以為是嘅死老鬼一腳踢出野外...放逐佢去山上面...等佢自生自滅...」
耶穌伯伯立即冷眼打量住師父...打斷師父嘅說話：「喂...唔好講到自己成個英雄咁喎...」
師父回返個冷眼俾耶穌伯伯：「我有講到自己成個英雄咁咩？」
耶穌伯伯繼續冷眼打量住師父：「你冇咩？明明就係講到自己成個英雄擊退惡魔咁...」
師父繼續回個冷眼俾耶穌伯伯：「你明明就係惡魔啦...」
呃...而家係...咩情況？
師父無視耶穌伯伯，繼續講：「年輕嘅英雄繼續推算死海文書...」
耶穌伯伯又立即打斷：「仲話唔係講到自己係英雄？」
師父冷眼打量住耶穌伯伯：「你理得我...」
耶穌伯伯繼續冷眼打量住師父...
師父又唔理耶穌伯伯咁多，繼續講：「喺推算死海文書嘅過程中...發現審判程序...」
耶穌伯伯搶住講：「審判程序係我發現嘅～你只係繼續執行姐～」
師父又冷眼打量住耶穌伯伯：「係咩...」
耶穌伯伯又繼續講：「梗係啦！仲有你只推算到一少部份咋～」
師父冇理耶穌伯伯咁多：「年輕嘅英雄為咗啟動審判程序...拯救世界...就開始跟住死海文書執行計劃...」
耶穌伯伯又搶住講：「你係盲目想懲戒世人姐～」
師父都係冇理耶穌伯伯咁多：「年輕嘅英雄唔單止要執行計劃...仲要幫前人執手尾...將分裂嘅領域統一...」
耶穌伯伯又搶住講：「咩執手尾吖？呢啲都係計劃嘅一部份！係你懵然不知咋嘛～」
師父繼續無視耶穌伯伯：「慶幸以年輕英雄嘅聰明才智...喺極危急嘅情況之下...成功將一個領域收服...」
耶穌伯伯又搶住講：「嘩...講到自己好叻咁...明明所有嘢就係我一早安排好～」
師父冷眼打量住耶穌伯伯：「而家係由我講...唔論到你咁多意見...」
耶穌伯伯冇師父咁好氣：「好好～你鍾意啦～」
師父就繼續講：「年輕嘅英雄成功將一個領域收服後...繼續著手啟動審判程序...」
今次耶穌伯伯冇出聲...
啟動番判程序...係由師父...
師父繼續講：「年輕嘅英雄相信身邊嘅同伴...相信自己嘅細妹...相信只要同心協力...就可以拯救呢個世界...」
相信身邊嘅同伴...拯救呢個世界...
師父繼續講：「一切都好順利...跟住計劃進行...」
一切都好順利...跟住計劃...進行...
師父冷眼打量住耶穌伯伯：「但當啟動審判程序之時...年輕嘅英雄先驚覺被惡魔利用...」
啟動審判程序...被惡魔利用...
師父冷眼橫視耶穌伯伯身邊所有人：「原來喺年輕嘅英雄身邊所有人...都係惡魔嘅爪牙...」
英雄嘅身邊...所有人都係惡魔嘅爪牙...
師父繼續講：「所謂嘅審判之日...並唔係要為地獄一樣嘅人間變成天堂...」
所謂嘅審判之日...並唔係為地獄變成天堂...
師父冷眼打量住耶穌伯伯：「審判之日...其實係只係將本來嘅地獄...變成另一個地獄...」
將本來嘅地獄...變成另一個地獄...
師父繼續講：「年輕嘅英雄終於知道...自己一直都被惡魔利用...只係惡魔手上其中一隻棋子...就下定決心...與身邊嘅另一伴留喺地獄之中...切身體會死海文書嘅真理...」
被惡魔利用嘅英雄...與另一伴留喺地獄之中...探索死海文書...
耶穌伯伯冷眼打量住師父：「講到我好似十惡不赦咁...」
師父回返個冷眼俾耶穌伯伯：「你唔係咩？」
耶穌伯伯立即反駁：「我都只係跟住死海文書執行姐～」
師父接住講：「講到好似好了解死海文書咁...」
耶穌伯伯再反駁：「唔係咩？從古至今，冇一個人比我更了解死海文書～」
師父又接住反問：「係真係咁了解死海文書...使乜瞞住我？」
耶穌伯伯再反問：「俾你知道死海文書嘅最終目的，你會跟住執行咩？」
師父冷冷淡淡回答：「唔會...」
耶穌伯伯點點頭：「咪就係囉～」
阿月爸爸突然開聲：「審判之日...都只係開始...」
審判之日...都只係開始...
大家都望住阿月爸爸...
阿月爸爸就繼續講：「審判之日之後...仲有好多嘢未解決...就好似話裡面仲有一個領域未收服...」
裡面仲有一個領域...
阿月爸爸繼續講：「剛接手嘅年輕統治者乜都唔識...可以話係由零開始...」
剛接手嘅統治者...由零開始...
阿月爸爸繼續：「幸好身邊有一班得力嘅幫手...」
得力嘅...幫手...
阿月爸爸再情深深咁望住阿月媽咪：「最重要係...最重要嘅人一直喺身邊...」
阿月媽咪帶住莞爾一笑：「嘩吖...好多人㗎...你唔怕羞我怕吖...」
呃...係咯係咯...好老尷㗎嘛...
阿月爸爸帶住尷尬嘅傻笑摸摸頭：「唔好意思...太有Feel喇...忍唔住就講咗出口...」
在場嘅其他人都冷眼打量住阿月爸爸...
「咳咳...」阿月爸爸咳兩聲，「而事實上...身邊所有得力嘅幫手...其實都係聽從惡魔嘅指示...」
耶穌伯伯搶住講：「喂...連你都話我係惡魔吖？！」
阿月爸爸冷眼打量住耶穌伯伯：「都唔係第一日㗎啦...由我知道你嘅真正身份...我一直都視你為惡魔㗎啦...」
耶穌伯伯無奈咁擰擰頭：「所以話親生子又好～半邊仔又好～都係信唔過～」
阿月爸爸同師父異口同聲：「係信唔過就唔會幫你做咗咁多嘢喇...」
做咗咁多嘢...
阿月爸爸同師父...都幫耶穌伯伯做咗好多嘢？