《香港傭兵》: [Day 24－三合成立] PART 53

耶穌伯伯帶住慈祥嘅微笑，打量住師父同阿月爸爸：「係係係～真係辛苦晒你哋喇～」

師父就冇耶穌伯伯咁好氣...

阿月爸爸就繼續講：「剛接手嘅年輕統治者好努力學習...亦都同身邊嘅幫手努力去執行惡魔嘅指示...成功將最後一個領域收服...」

執行惡魔嘅指示...成功將最後一個領域收服...

阿月爸爸繼續講：「曾經將三個領域分隔開嘅分裂之牆都已經盡毀...無限能源演算再次生效...再唔使擔心EVE能源會被耗盡～」



無限能源演算再次生效...EVE能源唔會被耗盡...

阿月爸爸冷眼打量住耶穌伯伯：「不過三個領域統一都係惡魔嘅計劃之中...其中一步～」

耶穌伯伯挖挖耳仔：「開口埋口都用惡魔嚟稱呼我...真係難聽...」

阿月爸爸冇理耶穌伯伯咁多：「惡魔嘅目標始終都係喺地獄...」

惡魔嘅目標...係地獄...



阿月爸爸繼續講：「此時已經過咗十幾年...地獄已經產生極大改變...」

耶穌伯伯接住講：「而變改...係必然...」

師父冷眼打量住耶穌伯伯：「你就係因為要令地獄有咁嘅改變...先引我去啟動審判程序...」

耶穌伯伯帶住慈祥嘅微笑點點頭：「可以咁講啦～都係跟死海文書去執行...逐步逐步執行...」

師父繼續冷眼打量住耶穌伯伯：「有必要咩？」



耶穌伯伯繼續帶住慈祥嘅微笑點點頭：「絕對有必要～」

唔單止有必要...仲要係絕對有必要...

耶穌伯伯帶住慈祥嘅微笑，打量住師父：「喺地獄體會咗咁多年...應該將死海文書推算咗唔少～」

師父冇出聲...

耶穌伯伯再帶住慈祥嘅微笑打量住...打量住阿月爸爸：「你都應該係～」

阿月爸爸點點頭：「的確...我都有好好研究過死海文書...始終前人經驗話我知...唔可以盲從惡魔行事...」

師父冷眼打量住阿月爸爸...

耶穌伯伯帶住慈祥嘅微笑擰擰頭：「佢就係唔會盲從我嘅指示行事，先要我搞咁多嘢姐～」



師父冷眼打量住耶穌伯伯：「你都好意思講出口...」

耶穌伯伯帶住慈祥嘅微笑，打量住師父：「我都係講事實姐～」

阿月爸爸冷眼打量住耶穌伯伯：「事實就係你係一個陰險嘅惡魔...」

耶穌伯伯無奈咁擰擰頭：「做咩姐...做咩姐...你哋兩個～我一五一十十五二十廿五三十咁講晒出嚟，你哋會跟住做咩？唔會吖嘛～因為你哋兩個都係同一類人...過份自我主義嘅人～」

師父冷眼打量住耶穌伯伯：「最自我主義嗰個係你囉...」

耶穌伯伯帶住慈祥嘅微笑，打量住師父：「我自我得嚟有料吖嘛～」

師父冇耶穌伯伯咁好氣...



阿月爸爸點點頭：「的確...你真係好有料...死海文書...根本上就同一堆亂碼冇分別...」

師父打量住阿月爸爸：「唔好話你...我都花咗唔少時間去研究...結果喺自己以為了解咗好多嘅時候...點知都係一知半解...俾惡魔利用...」

耶穌伯伯帶住慈祥嘅微笑擰擰頭：「我都花咗畢生嘅時間同努力...先行到而家呢步㗎～」

阿月爸爸打量住耶穌伯伯，無奈咁點點頭：「點都好...始終都要跟住你呢隻陰險嘅惡魔繼續行...」

師父冷眼打量住耶穌伯伯，接住講：「縱使我喺地獄之中體會...亦都係跟住你呢隻陰險嘅惡魔繼續行...」

耶穌伯伯帶住慈祥嘅微笑，打量住阿月爸爸同師父：「一切都只係跟住死海文書發展姐～」

師父冷冷放下一句：「跟住死海文書嘅發展...懵然不知...」

阿月爸爸接住講：「假如可以再早啲推算到...」



耶穌伯伯帶住慈祥嘅微笑，打量住師父同阿月爸爸：「你哋又會唔會跟住死海文書...好似我咁...一步一步...跟住死海文書...一步一步...」

師父同阿月爸爸冇出聲...諗一諗...默默咁諗一諗...

耶穌伯伯帶住慈祥嘅微笑，打量住師父：「你只係想審判世界...做救世者...解救受苦嘅人...」

師父只係想...審判世界...做救世者...解救受苦嘅人...

耶穌伯伯帶住慈祥嘅微笑，打量住阿月爸爸：「你就仲簡單～只係想見返我個囡～同到我個囡一齊就咩都唔理～好一個情聖～」

阿月爸爸...係一個...情聖...

耶穌伯伯帶住慈祥嘅微笑擰擰頭：「就算俾你哋兩個早過我...完整推算出死海文書...都唔會好似我咁無聊咁...跟住佢...演繹出嚟～」



就算俾師父同阿月爸爸...早過耶穌伯伯完整推算出死海文書...都唔會跟住佢...演繹出嚟...

耶穌伯伯繼續帶住慈祥嘅微笑擰擰頭：「我真係無聊嘅惡魔呢～」

耶穌伯伯...係無聊嘅惡魔...

師父冷眼打量住耶穌伯伯：「唔好扮啦...每一步...都係你想實現...」

阿月爸爸都冷眼打量住耶穌伯伯：「由開始...到而家...我哋呢啲棋子...你移動我哋嘅每一步...除咗為咗最後...都係你希望實現...」

「哈哈哈～」耶穌伯伯大笑三聲，「你兩個真係了解我～」

師父冷眼打量住耶穌伯伯：「做咗棋子咁耐...」

阿月爸爸冷眼打量住耶穌伯伯：「仲唔知盤棋點玩咩...」

做咗棋子咁耐...仲唔知盤棋點玩？

『咁講法...死海文書嘅最終目的...又係乜嘢？』雖然...我都只係棋盤上一隻棋子...

我係知道...而且已經做咗段唔短嘅時間...

慶幸我冇變成棄卒...行到嚟呢步...

之但係...我仲係未知盤棋點玩法...

耶穌伯伯帶住慈祥嘅微笑打量住我：「死海文書嘅最終目的...既然你開到口問...就等我話俾你哋聽～首先...正如先前所講，三原核唔同含量同濃度嘅比例會對三合作用產生出唔同效果...」

三合作用...產生唔同效果...

耶穌伯伯繼續講：「而我...我就係要達至創造新嘅時空～」

創造...新嘅時空？

耶穌伯伯點點頭：「三原核之所以遍布整個宇宙...原因就係整個世界都係由三原核而成...」

整個世界...由三原核而成？

耶穌伯伯繼續講：「意思就係三原核就係世界嘅起源～」

三原核就係...世界嘅起源...

耶穌伯伯繼續講：「只要將三原核嘅含量同濃度達到某個水平同比例...新嘅世界就會創建起嚟～」

新嘅世界...創建起嚟...

耶穌伯伯帶住慈祥嘅微笑點點頭：「不過新嘅世界唔會影響到而家...甚至乎係以前...其他每一個時空～因為每個時空都係獨立一個空間...就算創建嘅一刻，都只係可能見到有個黑洞出現一剎那～綠光一閃～藍色粒子飄兩飄就消失～」

每個時空都係獨立一個空間...

耶穌伯伯繼續講：「總之就好似打咗個乞嗤咁啦～」

好似打咗個乞嗤咁...

耶穌伯伯打量住阿月爸爸：「而基本上兩個時空係唔會重疊～亦唔會連接～就算係用ADAM研究出嚟嘅技術，將空間扭曲，空間接疊，甚至利用空間裂縫存放啲嘢，兩個唔同嘅時空基本上都連接唔到～」

兩個唔同嘅時空...基本上都連接唔到...

耶穌伯伯繼續講：「所創建嘅新時空係由零開始～意思就係普遍人認為嘅宇宙大爆炸～」

宇宙大爆炸...

耶穌伯伯繼續講：「基於三原核嘅含量同濃度相同...所以歷史就會由零開始從新發展一次...」

歷史就會由零開始...從新發展一次...

耶穌伯伯繼續講：「每個時空就如一個戴有唔同顏色碎沙嘅容器...基本上每個都一樣...但當然...總有意外～」

基本上每個一樣...但總有意外...

耶穌伯伯繼續講：「就好似每搖一下...碎沙嘅排序及分佈都有機會唔同...微細微細唔同加起嚟...就會構成唔同嘅圖案...」

微細唔同加起嚟...就會構成唔同嘅圖案...

耶穌伯伯繼續講：「當然...不確定因素太多...好難準確計算～另外就算真係由空間連接...去到另一個時空...刻意做咗一啲改變...都唔會影響到其他時空～因為每個時空都係獨立嘅容器吖嘛～」

每個時空都係獨立嘅容器...

耶穌伯伯打量住我哋每一個人：「另外有一點都幾有趣～就係靈魂都係由三原核產生出嚟～所以佢哋都有機會留有前一個時空嘅記憶～」

留有前一個時空嘅記憶...

耶穌伯伯繼續講：「所以點解有啲人會覺得眼前嘅情景好熟...好似喺邊度見過...知到下一秒將會發生嘅事...普通被稱作為既視感...實際就係前一個...甚至係前幾個時空所殘留喺靈魂...甚至係原核之內嘅記憶～」

既視感...殘留喺靈魂...甚至係原核之內嘅記憶...

耶穌伯伯繼續講：「啲人甚至會發夢夢見之前嘅時空已經發生咗...但呢個時空將會發生嘅記憶...當成預言...歴史中有唔少呢啲所謂嘅預言家出現～好似話有一個叫...朱瑟里諾...」

前時空記憶...當成預言...

耶穌伯伯雙手伸入長袍袋：「而最重要嘅係...我已經提煉出含量同濃度達到創造新時空嘅三原核...」

耶穌日伯伯喺長袍袋之中...拎咗三粒...水晶出嚟？

三粒手掌咁上下大嘅綠色...藍色...黑色...水晶...

耶穌伯伯繼續講：「EVE...LILITH...ADAM...以三原核創建新時空...就係死海文書要我達到嘅最終目的～」

EVE...LILITH...ADAM...呢三粒水晶就係...

耶穌伯伯繼續講：「除咗“靈魂”呢種能量已經被各國使用之外，其實三原核亦都已經開始被使用...只係可利用嘅方向有好多～而佢哋仲未識得用喺呢方面～甚至乎持相反嘅方向...或者就只有我...呢個就係我嘅使命～」

創建新時空...就係耶穌伯伯嘅使命...

耶穌伯伯將三粒水晶遞去我、阿月同綽姿面前：「而家就只差最後一步...將你哋三個嘅靈魂...複製去三原核裡面～」

靈魂複製...去三原核...

阿月將綠色水晶拎喺手...綽姿拎起藍色水晶...我就拎起黑色水晶...

耶穌伯伯帶住慈祥嘅微笑，打量住我哋三個：「只係複製靈魂...對你哋本身係毫無影響～」

師父冷眼打量住耶穌伯伯：「係唔係真係冇影響㗎？」

阿月爸爸都冷眼打量住耶穌伯伯：「係咯...我得一粒囡㗎咋...你冇講大話㗎嘛？」

我嘅爸爸亦冷眼打量住耶穌伯伯：「係咯...我哋啱啱先認返個仔咋...唔想咁快又分開吖...」

耶穌伯伯帶住慈祥嘅微笑：「我從來都唔講大話嘅～最多都係隱瞞咋嘛～不過今次真係冇隱瞞任何嘢～真係純粹複製靈魂就搞掂～」

阿月莞爾一笑點點頭：「我信公公～」

綽姿都點一點頭：「我都信爺爺...」

耶穌伯伯帶住慈祥嘅微笑打量住阿月同綽姿：「乖～嗱～你哋兩個囡囡都信我喇～」

『但係...點解會係我哋三個？』我哋三個嘅靈魂...

耶穌伯伯帶住慈祥嘅微笑打量住我：「因為...你哋三個嘅靈魂係最適合～」

吓？同冇講有乜分別？

耶穌伯伯帶住慈祥嘅微笑，望住我哋手上三粒原核：「只要用力一捏...」

只要用力一捏...

耶穌伯伯帶住慈祥嘅微笑打量住我：「見到年輕嘅預行者記得幫我恥笑佢三聲～」

『哦...』恥笑年輕嘅預行者...三聲...

耶穌伯伯帶住慈祥微笑點點頭：「呢個結局雖然未必係好...但嚟緊就要睇吓佢哋想唔想歷史重演...跟住死海文書...」

綽姿望住手上粒藍色原核：「今次我一定會...阻止三合...」

耶穌伯伯帶住慈祥嘅微笑打量師父：「哈哈...原來係咁...唔怪得...」

師父冷眼打量住耶穌伯伯：「唔係你以為係乜？」

『死海文書...究竟係乜？』一直都...仲未知道...

「死海文書...」耶穌伯伯諗一諗，「或者係上幾個文明...第一個接觸到三原核嘅人嘅記憶～呢點就連我都唔知～已經有好多人花上好多時間去研究...但最後都係了解唔晒全部～」

上幾個文明...接觸到三原核嘅人...

耶穌伯伯帶住慈祥嘅微笑點點頭：「好喇～快快手手完成埋最後一步...搞掂就一齊開飯喇～」

完成埋最後一步...

我...阿月...綽姿同時用力一捏手上嘅原核...

「我哋一定會再相見～」

我望住對住我...莞爾一笑嘅阿月...慢慢停落嚟...扭曲...扭曲...

不停扭曲...扭曲...整個空間...正被扭曲至深淵一樣...扭曲到深淵一樣黑嘅黑洞之中...吞噬...

吞噬...

...

..

.

..

...

「已久嘅三合...」恐怖萬分期待咁...望住我...阿月同綽姿...

而我面前嘅...係阿月莞爾一笑望實我...

原來...係咁...

我右手拖住阿月...左手扶起綽姿...我哋三個企返起身...

「嚟啦...我等咗呢刻...等咗好多年...嚟啦...嚟啦！」恐怖仲係懵然不知...

『哈哈哈～』我望實恐怖，『你錯喇～並唔係你所諗咁...』

恐怖皺一皺眉：「我錯？並唔係...我所諗...」

我拖住阿月同綽姿...綽姿亦拖住阿月...我哋圍成一個三角形...

綽姿望住我同阿月：「下次我一定會...用盡方法阻止...」

阿月對我莞爾一笑：「我哋一定會再相見～」

『阿月...綽姿...』

我哋三個都點一點頭後...同時講一聲：「三合...」

“吱...吱...”三原核同時各自發出綠光...藍光...黑光...

「嚟喇...嚟喇...」

“吱...吱！吱吱！”三原核開始產生出共嗚...產生出三合作用...

「就係咁喇...就係咁喇...我嘅天兵...」

“吱吱！吱！吱吱！”三合作用開始產生出巨大能量...

「就係咁...唔係...唔係...點...點會...」

“吱吱吱！吱吱！吱吱！”能量越嚟越巨大...越嚟越巨大...產生出巨大嘅能量漩渦...

「點會咁...點會係咁...唔應該係咁...個結局唔應該係咁㗎！」

“吱！吱吱！吱！吱吱吱！”巨大嘅能量漩渦不停擴張...擴張...擴張到接近失控...

「唔會...唔會係咁㗎...我唔會...唔會...嗚呀！！！」

“吱吱！吱！吱吱吱！！！轟隆！！！！！！”

...

..

.

..

...

青龍帶著黑煙由地面捲出來...

所到之處無一不裂開...開出一道長長深坑...

瞬間...深坑升出一道黑牆...一道厚厚的黑牆...

黑牆包圍著整個屯門、元朗、天水圍...與世隔絕...

黑牆升至天際...青龍在天際間飛舞...不到半天...青龍帶著的黑煙遮蓋了大地...

The End？

—————————————————

邊有咁易完吖～

已經喺Facebook Page https://www.facebook.com/whirlingdancer/photos/a.638836572838504/3517130088342457/出咗終極結局！

都追咗咁耐啦～冇理由唔追埋個終極結局㗎～

鍾意嘅朋友，就記得入去撳返個Like喇～

P.S. 拖到最後都仲要拖...