《香港傭兵》: [Day 24－三合成立] PART 51
聽咗咁耐...雖然唔係好明...之但係...好似好厲害...
有關於...靈魂...
耶穌伯伯再指指自己個頭：「靈魂流經腦部...產生出腦電波...係有機會帶住當時嘅記憶...而帶幾多又帶幾耐...就要睇你個靈魂有幾強...段記憶有幾深刻...」
靈魂有幾強...記憶有幾深刻...
耶穌伯伯繼續講：「而喺人死後...靈魂就會喺空間中飄散...再聚合到唔同嘅載體裡面...當然...每個載體都只會含一定數量嘅靈魂～」
一定數量嘅靈魂...
耶穌伯伯繼續講：「假如呢個載體係生物嘅話...靈魂流經腦部之時...咁就有機會出現返之前嘅記憶～亦即係所謂嘅前世記憶～」
之前嘅記憶...前世記憶...
耶穌伯伯繼續講：「而靈魂亦唔會係單一轉到去另一個載體身上...而係幾股靈魂...一部份...一部份咁聚合...所以有機會出現唔同載體嘅記憶...零零碎碎...有機會仲要唔係人類嘅記憶～貓貓狗狗其他生物甚至植物都唔出奇～因為靈魂有機會附喺萬物之中～」
靈魂有機會附喺萬物之中...
耶穌伯伯點點頭：「亦即係話...一個人可以透過各種形式存活落去～」
一個人...透過各種形式...存活落去...
耶穌伯伯繼續講：「而且唔單止記憶...樣貌同性格都有機會相似...所以點解有啲人個樣同個性格會似貓～話唔定喺佢體內貓嘅靈魂佔嘅比例較多～」
唔單止記憶...樣貌同性格...會因為靈魂佔有比例多少而相似...
耶穌伯伯繼續講：「而靈魂本身係好脆弱...亦難以偵測...所以一直都好難發現...之但係...年輕嘅預行者喺推算死海文書殘卷嘅期間發現...喺人體偵測靈魂嘅方法～」
喺人體...偵測靈魂嘅方法...
耶穌伯伯繼續講：「預行者喺人體進行偵測靈魂研究期間...發現靈魂喺人體佔嘅比例唔會超過某個數量...就好似三原核一樣...」
靈魂佔嘅比例...同三原核一樣...唔會超過某個數...
耶穌伯伯繼續講：「而靈魂同三原核嘅分別...在於就係靈魂可以抽取...」
靈魂可以...抽取...
耶穌伯伯諗一諗：「正確嚟講...當時喺年輕嘅預行者手上...死海文書殘卷之中...暫時只係推算到點樣喺人體抽取靈魂～」
喺人體...抽取靈魂...
耶穌伯伯繼續講：「年輕嘅預行者就開始著手研究由人體抽取靈魂...」
『抽取靈魂...點解佢要...由人體抽取靈魂？』我忍唔住要開口問...
太多嘢唔明...
耶穌伯伯帶住慈祥嘅微笑望住我：「點解要抽取靈魂？頭先講過靈魂係一種能量...佢就係想借用呢種能量...」
借用...呢種能量...靈魂嘅能量？
耶穌伯伯繼續講：「年輕嘅預行者喺研究期間發現，喺自然之下，冇任何載體嘅靈魂含量係可以超過某個水平...之但係...導入就唔同講法～」
自然唔可以超過...但導入就...唔同講法...
耶穌伯伯繼續講：「年輕嘅預行者喺死海文書殘卷裡面推算出靈魂抽取技術之餘...亦推算出靈魂導入技術～」
靈魂抽取技術...靈魂導入技術...
耶穌伯伯繼續講：「呢兩種技術對當時嚟講...可以話係未來科技...」
對當時嚟講...係未來科技...
耶穌伯伯繼續講：「呢兩種技術都要借用ADAM...雖然當時ADAM仲處於封印狀態...相當不穩...但正正就係不穩先產生出黑物質～年輕嘅預行者就係要用上呢啲黑物質去製造器材～」
黑物質...製造器材...
耶穌伯伯點一點頭：「當中仲要借助LILITH...不過LILITH相對比較穩定～所以就唔成問題～」
LILITH相對穩定...
耶穌伯伯繼續講：「而喺靈魂導入期間...發現如果靈魂喺載體裡面超過一定水平...係會產生出驚人嘅變化...呢種變化稱為靈魂化...」
超過一定水平...靈魂化...
耶穌伯伯打量住師父：「靈魂化係一種超自然現象...令人體超越極限...量子化一樣...同LILITH化同一原理...」
LILITH化...頭先師父...
耶穌伯伯擰擰頭：「當然...兩者之間嘅演化過程同效果有好大化別～不過原理係一樣～」
聽唔明...不過...總之就好似頭先師父咁...應該就冇錯...
耶穌伯伯繼續講：「年輕嘅預行者投放咗大量資源去研究靈魂化～而佢亦都發現咗喺女性身上嘅靈魂含量都比較多...而且仲比較穩定～」
女性嘅靈魂...含量比較多...比較穩定...
耶穌伯伯繼續講：「而且越年輕...越細個...能量就越強...越存放得耐～」
越年輕...越細個...越強...越放得耐...
耶穌伯伯繼續講：「就正如先前所講...靈魂本身係好脆弱...所以穩定性...強弱...存放長短係最重要嘅考慮因素...因此...年輕嘅預行者就向年輕嘅少女抽取靈魂...」
向年輕嘅少女...抽取靈魂...
耶穌伯伯繼續講：「另外...唔係人人都可以導入靈魂...當中會有好多危險嘅情況發生～而由於係由少女身上抽取...將靈魂導入返少女身上會相對穩定...同比較強～」
將靈魂導入少女身上相對穩定...同比較強...
耶穌伯伯繼續講：「不過...少女靈魂並滿足唔到年輕嘅預行者...」
少女靈魂...並滿足唔到年輕嘅預行者...
「年輕嘅預行者...」
年輕嘅預行者...
「想打EVE主意...」
想打...EVE主意？！
耶穌伯伯帶住慈祥嘅微笑打量住阿月：「正如頭先所講...EVE係擁有超強且無限嘅能量...年輕嘅預行者就係想利用呢種能量～」
想利用...EVE嘅超強能量...
耶穌伯伯點點頭：「不過...期間有啲問題...」
有啲問題？
耶穌伯伯繼續講：「首先要講返三原核本身...由於原核佔嘅比例已經到達頂點...喺載體體內係再冇任何靈魂...佢哋完全係單靠原核本身作為能量～」
單靠原核本身...作為能量...
耶穌伯伯再點點頭：「LILITH因為有瓦解能量特性...唔方便使用...ADAM有扭曲空間特性...太過危險...再加上...不明嘅不穩定因素...」
『不明嘅不穩定因素？』即係咩吖？
耶穌伯伯皺皺眉...帶住慈祥嘅微笑打量住我：「我都唔清楚～」
『吓？你都唔清楚？』你唔係無所不知㗎咩？
耶穌伯伯帶住慈祥嘅微笑擰擰頭：「我都唔係完全解開死海文書㗎～太複雜喇～」
唔係完全解開...死海文書太複雜...
耶穌伯伯繼續講：「而EVE超強且無限能量嘅特性，比起少女嘅靈魂更有價值～所以年輕嘅預行者就想利用EVE能量～」
利用EVE能量...
耶穌伯伯皺一皺眉：「不過佢遇上咗難題...」
遇上咗難題？
耶穌伯伯繼續講：「就係點樣喺EVE載體抽取能量～」
喺EVE...抽取能量...
耶穌伯伯繼續講：「正如頭先所講...喺三原核載體體內係冇任何靈魂...抽取EVE能量嘅方法同抽取人體靈魂嘅方法完全唔同～」
兩者抽取嘅方法...完全唔同...
耶穌伯伯繼續講：「而喺佢所得到嘅死海文書殘卷之中...又缺少咗抽取EVE能量嘅方法...所以...佢決定要得到其他缺少咗嘅死海文書殘卷～」
要得到...其他缺少咗嘅死海文書殘卷...
耶穌伯伯繼續講：「年輕嘅預行者係點樣得到缺少咗嘅死海文書殘卷，我都解唔開～總之最後喺佢手上有十部死海文書殘卷～」
『吓？你都唔知佢點得到？』乜真係咁難解開咩？
耶穌伯伯冷眼打量住我：「都話咗死海文書唔係咁易解讀㗎咯...總之你知佢手上有十部死海文書殘卷就得啦...咁多嘢問嘅你...問題寶寶...」
吓...好多嘢問咩？我好似問咗兩條問題咋喎...
耶穌伯伯繼續講：「雖然年輕嘅預行者得到十部死海文書殘卷...可惜嘅係抽取EVE能量嘅關鍵，唔喺呢十部死海文書殘卷之中～」
關鍵唔喺呢十部死海文書殘卷之中...咁又會喺邊呢？
耶穌伯伯繼續講：「冇辦法之下...年輕嘅預行者就只好繼續以手上嗰十部死海文書殘卷作推算～」
繼續以手上有嘅資料...推算...
耶穌伯伯帶住慈祥嘅微笑點點頭：「還好以年輕預行者嘅聰明才智...研究咗一段時間...真係俾佢接近推算出抽取EVE能量嘅方法～」
以年輕預行者嘅聰明才智...
耶穌伯伯繼續講：「不過就喺佢想去嘗試由EVE載體抽取之時...有人嚟搶～」
有人搶...EVE？
耶穌伯伯點點頭...打量住阿月同我：「佢哋唔單止搶走EVE...仲連同ADAM都搶走埋～」
唔單止EVE...連ADAM都...
耶穌伯伯繼續講：「唔知有心定無意啦～總之EVE同ADAM俾人搶走咗～年輕嘅預行者得返LILITH呢個原核～」
年輕嘅預行者...得返LILITH...
耶穌伯伯帶住慈祥嘅微笑打量住綽姿：「由於年輕嘅預行者手上嗰十部死海文書殘卷有控制LILITH嘅方法...所以佢就解除LILITH封印...同時用上少女靈魂...以靈魂化技術幫佢打天下～」
以靈魂化技術...
「喺最後...年輕嘅預行者都成功咁得到已喚醒嘅三原核...不過...」耶穌伯伯帶住慈祥嘅微笑擰擰頭，「佢錯咗～」
佢...錯咗？
耶穌伯伯Keep住慈祥嘅微笑：「年輕預行者嘅聰明...始終都係小聰明～」
小聰明？
耶穌伯伯帶住慈祥嘅微笑打量住師父：「千百年嚟...有無數咁多人都自以為解開晒死海文書嘅迷團...實情都只不過係一知半解～」
師父冷眼打量住耶穌伯伯：「你又想恥笑我吖？」
耶穌伯伯帶住慈祥嘅微笑擰擰頭：「我冇話啲乜吖～我自己都係一知半解咋嘛～」
師父繼續冷眼打量住耶穌伯伯：「大家都係一知半解...但你就最會利用一知半解嘅人...」
耶穌伯伯再帶住慈祥嘅微笑擰擰頭：「又唔好咁講～都係跟住死海文書去演繹姐～」
「哼...」師父冇耶穌伯伯咁好氣...
耶穌伯伯繼續講：「總之...結果唔單止並唔係年輕嘅預行者所想...仲令佢滅亡～」
唔單止唔係佢所想...仲令年輕嘅預行者滅亡...
耶穌伯伯打量住我、阿月同綽姿：「所謂嘅收集三原核...所謂嘅共嗚...所謂嘅三合...所謂嘅改變世界...所謂嘅天使大軍...除咗含量...其實仲要計算埋濃度...」
合量...濃度...
耶穌伯伯繼續講：「年輕嘅預行者只係著重於載體體內原核嘅含量...卻忽略咗濃度...」
卻忽略咗...濃度...
耶穌伯伯繼續講：「根據死海文書所記載...唔同嘅含量加上唔同嘅濃度...係會產生唔同嘅效果...」
產生唔同嘅效果...
「跟住落嚟...先係最重要嘅部份...」
最重要嘅...部份...