《香港傭兵》: [Day 24－三合成立] PART 50
Sacred-Armor...就係科技...製造出嚟嘅產物...我從來都冇見過...只係曾經喺團長口中聽過...
團長講過...以前呢度係充滿科技嘅地方...
然後有一日...失去能源之後...科技亦隨之失去...
如今科技再次出現...真係能夠將地獄變成天堂嘛？
呢班人...就係拯救世界嘅救世主嘛？
耶穌伯伯帶住慈祥嘅微笑點點頭：「好喇～打完就過嚟聽聽...我嘅研究成果～」
研究...成果？
係唔係又要聽故仔喇？點解我會講又？
我地幾個都行到過去耶穌伯伯面前...
然後...阿月媽媽對住阿月爸爸莞爾一笑：「哥哥叫你做妹夫吖～」
阿月爸爸尷尷尬尬咁摸摸頭～
師父冷眼咁打量住阿月媽媽：「係佢先頂得順你呢個任性嘅細妹㗎姐...」
阿月媽媽立即谷起塊面豬登：「我連囡囡都生埋喇！明顯就係賢妻良母囉好唔好？！」
師父冷眼打量住阿月：「就係好似你咁嘅任性媽媽先生到個任性囡囡...」
的確...阿月呢個女仔...由我喺主營接佢...話佢係跟我哋嗰隊開始...就覺得佢係一個任性嘅女仔...
初初只係覺得佢好似唔識規矩...唔識紀律...好似冇受訓過咁...
之後先知道...原來阿月並唔簡單...
阿月對住師父莞爾一笑：「唔任性又點會俾我搵到舅父你返嚟呢～」
師父冇聲出...
都係嘅...唔係阿月咁任性...又點可以喺地獄當中搵到師父...
仲要勸服師父跟佢上嚟...
耶穌伯伯帶住慈祥嘅微笑點點頭：「好喇～咁就由最開始講起～」
最開始？
耶穌伯伯開始講：「呢個世界有三種最原始嘅物質...」
三種物質...
耶穌伯伯繼續講：「呢三種物質被人發現後...被灌以神話一樣嘅名字...分別為EVE...ADAM...LILITH...」
EVE...ADAM...LILITH...
耶穌伯伯繼續講：「三種物質各有佢自己嘅特性...分別係EVE擁有無限能量，而喺能量當中存在住高智慧。LILITH會使能量瓦解，增強生命源。ADAM係黑物質，可以抽取特殊物質，同時擁有扭曲空間...穿越時空嘅特性...」
好似...好複雜...
不過在場嘅人都好留心咁聽...我都要留心咁繼續聽...
耶穌伯伯繼續講：「世界萬物...亦係由呢三種物質...創造出嚟～所以後來有人稱此三種物質為三原核～而三原核亦潛藏喺整個宇宙唔同嘅角落～」
三原核...潛藏喺整個宇宙...唔同嘅角落...
「不過...最重要嘅都係...含量...」
最重要都係...含量？
耶穌伯伯繼續講：「喺死海文書中記載過一樣好重要...但又一直都冇人解開到嘅一環...就係有關三原核嘅含量～」
師父冷眼打量住耶穌伯伯：「知你叻喇...講重點啦...唔好拖...」
耶穌伯伯送返個冷眼俾師父：「咁要由頭開始講就要講得仔細啲㗎啦～有好多人唔知㗎嘛～乜都唔知都唔緊要～最慘嘅咪就係好似你呢啲一知半解撞晒板囉～」
師父又唔出聲...冇耶穌伯伯咁好氣...
耶穌伯伯就繼續講：「正如頭先所講，三原核潛藏喺整個宇宙唔同嘅角落，唔同嘅“載體”裡面...」
載體...
耶穌伯伯指指身後嘅木屋...地上嘅沙石...野草...大樹：「任何物體...甚至係空氣...總之係喺呢個世界裡面...三原核就有機會潛藏喺當中...」
任何物體...甚至係空氣...
耶穌伯伯繼續講：「只係...三原核係極難以偵測...所以你係極難以發現...但難以發現唔代表唔存在～只係你哋發現唔到～」
三原核...只係我哋發現唔到...
耶穌伯伯攤開雙手：「所以包括喺動物身上...喺我哋身上...」
動物身上...我哋身上...
耶穌伯伯繼續講：「好神奇～我可以肯定咁講...成個宇宙所有所有物體...見到又好見唔到都好...佢哋內裡無論係核子原子質子咩子咩能量都好...所包含嘅份量都好似冥冥中自有主宰咁分配好晒～」
冥冥中自有主宰...
耶穌伯伯點一點頭：「我哋人類呢個文明...千千萬萬咁多年...雖然唔係有好多人發現到三原核嘅存在...可以話就只有我...喺死海文書之中參透到～」
師父冷眼打量住耶穌伯伯...
耶穌伯伯帶住慈祥嘅微笑：「我知你又想話我認叻吖嘛～OK繼續～三原核唔單止創造咗呢個宇宙...連同宇宙裡面嘅萬物...佢哋仲潛藏喺萬物當中...而且含量被巧妙咁安排好～」
含量被巧妙咁安排好...
耶穌伯伯繼續講：「巧妙咁分配喺萬物當中...而三原核係有機會轉移到或者聚合到其他物體身上...當然個含量亦唔會超出某個水平...被自然地控制喺某個水平～」
被自然地...控制...
耶穌伯伯繼續講：「喺某個水平之下...宇宙萬物就得以平衡咁運作～宇宙擴張又好～星體轉動又好～超新星爆炸又好～太陽熄滅又好～週期循環又好～衰弱又好～生老病死又好～種種～種種～」
種種...種種...
耶穌伯伯繼續講：「而當中值得注意嘅係...喺生物方面...」
喺生物...方面...
耶穌伯伯指一指住自己...又指一指住在場所有人：「三原核有種好得意嘅特性...就係幾鍾意喺有智慧嘅生物之中聚合...例如我哋人類～」
喺有智慧嘅生物之中聚合...例如我哋人類？
耶穌伯伯帶住慈祥嘅微笑點點頭：「我哋人類雖然唔算係高智慧生物...但總算係有智慧～而三原核就特別鍾意喺有智慧嘅生物之中聚合～而第一個發現呢個世界上有三原核嘅人...亦都留意到呢樣特性～」
第一個發現世界上有三原核嘅人...
耶穌伯伯繼續講：「佢發現雖然世界萬物都潛藏住三原核...但人類係比較多...」
人類係...比較多...
耶穌伯伯繼續講：「而且每個人嘅含量都唔同...同一個人亦唔會潛藏多過一種原核～」
同一個人亦唔會潛藏多過一種原核...
耶穌伯伯擰擰頭：「不過原因係點並唔重要...因為第一個發現嘅人眼中就只有一點...就係搵齊三原核...就能改變世界～」
改變...世界...
耶穌伯伯繼續擰擰頭：「當然...佢都只係知得好少...好少...有好多嘢都唔知...然後佢就決心創立一個組織...去搵呢三原核...但嗰陣時係一個遠古時代...普遍嘅人都只會視作為神物...或者係邪物...所以佢就將呢個組織...定為地下嘅宗教組織...避開當時主流嘅宗教耳目～」
地下嘅宗教組織...避開宗教耳目...
耶穌伯伯繼續講：「呢個地下宗教組織...就係SPIRIT～」
係SPIRIT嘅...起源...
耶穌伯伯繼續講：「SPIRIT一直以地下組織身份...滲入喺唔同宗教...唔同教廷...甚至係宮廷皇宮裡面...做調查工作～」
滲入...調查...
耶穌伯伯繼續講：「不過其實佢哋都唔係知得好多...應該話直頭係毫無進展～因為並冇任何科技可以幫到佢哋...佢哋只可以喺文獻中推測...」
冇科技幫助...只可以喺文獻推測...
耶穌伯伯繼續講：「直到發起人都死埋～但佢嘅意志冇因為佢嘅死而消失～而且仲有好多信徒...教徒...組織裡面嘅人繼續堅持...繼續追尋～」
信徒…教徒...
耶穌伯伯繼續講：「直至到...一個年輕嘅先行者...將視佢為親兒子嘅預行者殺死...取代咗佢嘅地位...成為新一代預行者嘅同時...亦得到死海文書其中一份殘卷...推算出三原核嘅關鍵～」
死海文書殘卷...三原核關鍵...
耶穌伯伯點點頭：「遍布喺宇宙中嘅各高智慧生物...都有機會喺獨立嘅個體中聚合高水平嘅原核...而且三原核亦會互相吸引...越走越近...」
三原核會互相吸引...越走越近...
耶穌伯伯繼續講：「而當三個高水平嘅原核互相吸引到一個地步...就會產生出共嗚作用...共嗚最終達成三合...產生出天使大軍～」
共嗚...三合...天使大軍...
耶穌伯伯繼續講：「不過最好彩嘅係...我哋人類都有機會聚合到呢個水平～」
我哋人類...
耶穌伯伯繼續講：「年輕嘅預行者喺死海文書殘卷之中推算到...有三個載體達到高水平...分別係兩女一男～」
三個載體...兩女一男...
耶穌伯伯望一望阿月...再望一望綽姿...再望一望我：「而呢三個載體已經互相吸引到差唔多去到同一個地方...而且ADAM同EVE都已經走埋咗一齊...仲成為情侶...」
ADAM同EVE...成為情侶...
耶穌伯伯繼續講：「年輕嘅預行者深明呢個係最好嘅機會...話唔定亦係最後機會...因為佢都唔知道...錯過咗今次...唔知有冇下次...下次係幾時...會唔會喺有生之年都遇唔到下一次...所以佢就開始行動...」
最好機會...最後機會...
「佢本來係打算將三原核帶返去基地再進行研究...可惜嘅係...」耶穌伯伯打量住綽姿，「喺佢接觸到ADAM同EVE之時...LILITH出現阻止...」
LILITH...阻止...
耶穌伯伯繼續打量住綽姿：「唔知點解LILITH會首先喚醒到第五層...擁有一定嘅記憶...阻止年輕嘅預行者奪走ADAM同EVE...雖然LILITH最終都被年輕嘅預行者所擒...之但係LILITH傷害到年輕嘅預行者同時...亦都令ADAM同EVE受到嚴重損毀...」
ADAM同EVE...受到嚴重損毀...
耶穌伯伯點點頭：「縱使年輕嘅預行者得到三原核...但由於ADAM同EVE都受到嚴重損毀...唔可以立即三合...不得不將佢哋三者同時封印...再進行研究...」
將三者封印...進行研究...
耶穌伯伯繼續講：「藉著推算手中嘅死海文書殘卷...對三原核進行研究...年輕嘅預行者意外發現...喺人體內除咗有機會潛藏住一定數量嘅三原核之外...仲有一種能量...呢種能量其實一直都有人留意到...但未得到證實...而呢種能量...普遍都稱之為...靈魂...」
靈魂...係一種能量？
耶穌伯伯帶住微笑擰擰頭：「靈魂...只係無知嘅人類對不明嘅能量一種統稱...」
無知嘅人類...
耶穌伯伯指一指自己個頭：「靈魂其實係一種能量...一種電波...好似電能咁...電流流過電路板...晶片...令電腦會運算...記錄資料...」
靈魂...好似電能...
耶穌伯伯繼續講：「靈魂會喺人嘅身體流動...亦會流經腦部...產生出腦電波...同時亦有機會帶住記憶...」
靈魂...有機會帶住記憶？