《香港傭兵》: [Day 24－三合成立] PART 47
當阿月爸爸上半身向前傾嘅同時...黑色倒三角金屬面罩亦隨即合上...右腳向後踏嘅同時...背後嘅黑色刀鞘亦由背後移動到去腰間...
阿月爸爸左手放喺刀柄上...擺出準備姿勢...
而家呢個角度...可以睇得清楚啲...刀鞘嘅設計...單睇外觀亦都相當複雜...
一兩層黑色金屬塊上...充滿住黑鋼片夾具嘅刀鞘...配上一個發出耀眼綠光嘅長方格...結合現代戰術感及高科技感...
師父打量住阿月爸爸：「哦？睇嚟有苦練過喎...」
阿月爸爸接住講：「當然...為咗今日...我每日都好努力...」
「嘿...」師父冷冷一笑...
師父同阿月爸爸蓄勢待發...如箭在弦...
而在場嘅各人...都食晒花生咁...等睇表演...
好緊張...究竟會係師父贏...定係阿月爸爸贏呢？
師父...師父...師父嘅能力...無可挑剔...
之但係...面對住著上高科技裝甲嘅阿月爸爸...有冇勝算？
我...我點會咁諗...
師父...師父就只有我先可以打敗...
終有一日...
突然...師父同阿月爸爸向前踏一步...隨即向住對方衝埋去...
好快...超快...只係剎那之間...就已經衝到去對方面前...
師父同阿月爸爸同時左手拔刀...向對方使出居合拔刀一閃...
“嗡！吱！！！”師父同阿月爸爸手上嘅日本刀相格...擦出綠藍色粒子...
細心觀察...當阿月爸爸手上把黑色刀身嘅日本刀...飄出嘅綠色粒子...接觸到師父手上把黑色刀身嘅日本刀...飄出嘅藍色粒子嘅一瞬間...消失...
綠色粒子同藍色粒子同時消失...瞬間消失...
師父同阿月爸爸互相格開...後退兩步...大家都雙手持刀...向對方擺出防禦姿勢...
睇清楚...喺師父手上把黑色刀身...有層薄薄嘅藍光...若隱若現...
而阿月爸爸手上把黑色刀身...亦有一層薄薄嘅綠光...若隱若現...
阿月爸爸立即衝向師父...同時反刀轉身...一斬...
“嗡！吱！”師父立即反手一擋...帶住一層薄薄綠光嘅黑色刀刃與帶住一層薄薄藍光嘅黑色刀刃相格之時...師父雙手舉起刀柄...刀背緊貼手臂...以刃引之形化解阿月爸爸嘅反刀轉身斬...
師父再喺帶住一層薄薄綠光嘅黑色刀刃，沿住手上把帶住一層薄薄藍光嘅黑色刀刃向斜下滑落...師父立即快速揮刀一斬...
“嗡！吱！”阿月爸爸亦同樣以刃引之形化解師父嘅反斬...反斬...
然後...師父同阿月爸爸就不停咁以刃引之形化解對方嘅反斬...再反斬...
“嗡！吱！嗡！吱！嗡！吱！”來來回回...超高速...極快速...刀光劍影...閃過不停...
擦出無數綠藍粒子...喺空氣中相遇...消失...
雖然話阿月爸爸著上高科技裝甲...之但係都真係好勁...
阿月爸爸唔單止反應快...出刀快...就連使出刃引之形呢招都好純熟...
可以好精準咁化解師父嘅反斬...再向師父反斬...
究竟要練幾多年...一日要練幾多十次...幾多百次...幾多千次...先可以練到咁純熟...咁高速...
不過雖然話阿月爸爸嘅刃引之形相當熟練...之但係...喺佢手中....帶住一層薄薄綠光嘅黑色刀刃...綠光好似...越嚟越薄...越嚟越暗...暗到好似...就嚟...就嚟冇晒綠色光芒...
就喺阿月爸爸手中嘅黑色刀刃上...薄薄一層綠光冇得再薄...暗到就快冇晒綠光之時...以刃引之形化解師父嘅反斬後...阿月爸爸立即向後退兩步...同時將刀刃收入腰間嘅刀鞘之中...
師父反刀對向阿月爸爸：「嘿...唔喺入面就冇辦法借助空間之中嘅EVE粒子，為刀刃持續能量...需要以刀鞘為刀刃充能？不過我唔會因為咁而停手...」
話口未完...師父反刀衝向阿月爸爸...
喺迅雷不及掩耳之間...師父已經衝到埋去阿月爸爸面前...轉身抽刀...
阿月爸爸立即喺刀鞘之中反手拔出一把刀仔...
“嗡！吱！”帶住一層薄薄綠光嘅黑色刀仔刀刃，就擋住帶住一層薄薄藍光嘅黑色刀刃...
原來...喺刀鞘之中...仲收藏咗把比匕首更細把嘅黑色刀仔...
阿月爸爸輕輕一推...以刀仔格開師父...
師父後退一步之時...阿月爸爸立即跟上...貼住師父身揮動手上把黑色刀仔...
“嗡嗡！吱！嗡！嗡嗡！吱！”被阿月爸爸手上把黑色刀仔貼住嚟片...插...片片...插片...師父把日本刀比較長身...揮動嘅空間唔多...就只可以勉強擋格...迴避再迴避...
喺日本刀要收喺刀鞘充能之時...識得用刀仔迎戰之餘...仲識得貼近師父...利用刀仔近距離嘅優勢...
師父一定好明白呢點...明白一定要及早拉返開個距離...拉返個中近距離...先發揮到手中嘅日本刀...
但係...而家嘅情況...唔係師父唔想拉開...而係拉唔開...
“嗡！吱！嗡嗡！吱！嗡！吱！嗡嗡！”阿月爸爸嘅攻勢...接二連三...而且攻擊嘅位置相當到位...相當致命...
每當師父想拉開距離之時...阿月爸爸都向住師父嘅要害一刺...一片...迫使師父勉強招架...
而當師父勉強迴避阿月爸爸嘅突刺...由於刀仔嘅攻擊間距極短...阿月爸爸可以立即順勢一片...再次貼近師父...
喺阿月爸爸嘅連環且快速嘅緊貼攻勢之下...師父就只有被帶節奏...
好厲害...阿月爸爸...竟然可以緊迫喺地獄生存多年...有如死神一般嘅師父...就只有勉強招架...
阿月爸爸...都係一個弱肉強食...適者生存之中嘅王者嘛？
“嗡嗡！吱！嗡嗡！吱！嗡！吱！”喺阿月爸爸連環片咗幾刀...師父左閃右避再連擋兩刀之後...
師父趁住有一剎那嘅空檔...用刀柄底部向住阿月爸爸下巴鑿上去...
阿月爸爸立即向後單手翻...及時避開...
師父反刀對準後單手翻嘅阿月爸爸...
當阿月爸爸再單手翻多一周嘅同時...佢將能量快耗盡嘅黑色刀仔收返入刀鞘之中...
而喺師父快要衝到埋阿月爸爸面前之時...阿月爸爸腰間嘅刀鞘移動到背後...
師父反刀轉身一抽嘅同時...阿月爸爸左手從後拔刀...順勢一斬...
“嗡！吱！”阿月爸爸及時擋住師父嘅抽刀斬...
帶住一層薄薄綠光嘅黑色刀刃，與帶住一層薄薄藍光嘅黑色刀刃相格之時...再次擦出綠藍粒子...
綠藍粒子接觸嘅一瞬間...隨即消失得無影無蹤...
而喺阿月爸爸手中嘅黑色刀刃...綠光明顯比之前弱...似係未充夠能量...
阿月爸爸立即向後一彈...後退幾步...
師父立即將刀刃收入刀鞘...同時儲力...
阿月爸爸一企穩腳...立即向住師父衝過去...冇俾機會師父儲力...
阿月爸爸差唔多衝到去師父面前之時...雙手持刀...瞬間向師父使出袈裟斬...
時間太短...師父儲唔夠力...但亦都迫住要使出儲力拔刀居合一閃...
“嗡！吱！！！”帶住一層薄薄綠光嘅黑色刀刃，與帶住一層薄薄藍光嘅黑色刀刃相格之時...阿月爸爸立即轉身一踩...踩向師父胸口...
喺師父被踩到向後退兩步嘅同時...阿月爸爸轉住身咁將刀刃收返入背後嘅刀鞘之中...
師父企穩陣腳後...單手持刀...另一隻手掃掃胸口...
竟然...踩得中師父...仲要踩正胸口...
阿月爸爸唔止刀術精湛...連體術都了得...
要知道頭先嗰腳...真係快狠準...
比著係我...一定喺我隻腳未踩到去師父胸口之前...就被師父反刀一斬...將我隻腳斬落嚟...
阿月爸爸真係好強...強到師父都開始認真起嚟...
剛才接二連三激戰連場嘅師父係處於試探嘅階段...
試探一下對手嘅實力...從而分析出應對嘅方法...策略...手段...
師父試探到幾多我就真係唔知...始終師父都係師父...比我敏銳得多...
但有一點可以肯定嘅...就係阿月爸爸為咗喺刀刃充能期間呢個空檔期...練好體術...以體術為刀刃充能爭取時間...
師父已經領教過阿月爸爸嘅刀仔...腿功...而阿月爸爸仲有乜嘢招數...我諗師父一定盤算過...
師父側身企...望住阿月爸爸...快速揮兩刀...
“嗡！嗡！”兩道藍色刀氣就向住阿月爸爸飛埋去...
係以刀刃上嘅LILITH粒子...同存在喺空氣中嘅LILITH粒子產生共嗚...產生出能量...形成具有殺傷力嘅藍光刀氣...
呢招...師父之前已經用過...我都見識過好幾次...
而見識過呢招嘅敵人...都冇機會再見到第二日嘅日出...
兩道藍光刀氣快要飛到埋阿月爸爸面前...
阿月爸爸把日本刀應該仲充緊能...用唔到...就只好一避...再避...
阿月爸爸身手敏捷...輕鬆咁避開兩道藍光刀氣...但就估唔到...師父已經跳到上空中...由上而下...從天而降咁...向阿月爸爸使出袈裟斬...
帶住一層薄薄藍光嘅黑色刀刃快要斬到落阿月爸爸頭上...阿月爸爸只好立即以空手入白刃...雙手夾住師父把黑色刀刃！
竟然...可以...徒手化解師父嘅袈裟斬...
師父嘅攻速之快...就連食人怪物都反應唔切...尤其係從天而降嘅袈裟斬...有如天上嘅雷電直砍落地...
阿月爸爸竟然可以...
師父一扭刀...再一腳踩向阿月爸爸胸口...
就喺師父隻腳...踩到埋阿月爸爸胸口之時...阿月爸爸胸口前...拳頭咁上下大嘅圓形物體前...出現一塊...綠光嘅...絕對領域？！
呢塊閃住綠光嘅絕對領域...就好似盾牌咁...頂住師父嘅踩擊...
之但係...綠光絕對領域...好似...出現裂紋...而且由中間...越嚟越多...
就喺綠光絕對領域上嘅裂紋未伸展到最邊之前...師父一個後空翻落地...以日本刀指住阿月爸爸：「還返腳俾你...」
阿月爸爸摸一摸胸口前...拳頭咁上下大嘅圓形物體：「竟然一腳就差啲踩破E.R.F.D.S....你嘅身體...真係唔簡單...」
E.R.F.D.S.？！