《香港傭兵》: [Day 24－三合成立] PART 48
E.R.F.D.S....就係綠光絕對領域嘅真正縮寫？
但呢五個英文字母...又係代表咩呢？
師父輕輕揮動日本刀：「我一早講咗...我喺LILITH粒子含量最高...濃度最高嘅地方...生存咗十幾年...身體嘅變化好大...」
冇錯...師父帶我去LILITH之湖之時就曾經講過...LILITH粒子係會令身體產生變化...
我哋一直都被一層藍色包圍...
而之所以咁藍...就係因為空氣中含有大量藍色嘅LILITH粒子...
我哋一直都被LILITH粒子包圍之下生存...
而師父、師母同綽姿...佢哋一直都喺LILITH粒子含量最高...濃度最高嘅地方生存...身體嘅變化...就更加大...
至於LILITH之湖...就係令成個地獄被LILITH粒子包圍嘅起源...
師父曾經有輕輕提過審判之日嘅事...
師父再輕輕揮動日本刀：「不過我又真係估唔到...除咗喺LILITH粒子包圍下...可以使用以EVE能量作能源驅動嘅Sacred-Armor...仲可以發動E.R.F.D.S....真係唔簡單...」
阿月爸爸伸出雙手...對住師父：「點止E.R.F.D.S....你個好兄弟阿風...千叮萬囑要我俾你見識...呢樣嘢...」
阿月爸爸雙臂中間...好似有...綠色嘅粒子...
越嚟越多...一粒粒...越嚟越多一粒粒綠色粒子喺阿月爸爸雙臂中間出現...聚集...越嚟越多...越嚟越光...
師父睜大對眼：「係...EVE粒子砲？！」
話口未完...
“轟”一聲...帶住電流嘅綠黑色光束就由阿月爸爸雙臂中間發出...向住師父面前射埋去...
師父立即單手持刀一擋...
“吱！！！”帶住電流嘅綠黑色光束被師父手上把日本刀...帶住一層薄薄藍光嘅黑色刀刃擋住...
帶住電流嘅綠黑色光束接觸到帶住一層薄薄藍光嘅黑色刀刃嘅一瞬間...能量被瓦解...消失...
過咗大量五六秒後...
“吱...吱...”阿月爸爸所發出嘅EVE粒子砲完全被師父擋下...
師父揮一揮動日本刀：「竟然...連高能量放射性武器都用得著...已經唔喺裡面...仲要係被LILITH粒子包圍之下...阿風呢個衰仔...」
阿月爸爸Fing一Fing雙手：「可惜喺LILITH粒子包圍之下...就算我嘅同步率達95%...EVE粒子砲嘅威力都只係得1%唔夠...」
師父冷眼打量住阿月爸爸：「連你都已經有95%同步率...」
阿月媽咪望住師父莞爾一笑：「佢有95%就咁驚訝喇？我已經達到99.99%嘅同步率喇～」
師父冷眼打量住阿月媽咪：「你呢隻怪物就唔好講啦...係估唔到條廢柴都有95%同步率...」
阿月爸爸緊握拳頭：「喂！我唔廢㗎喇好唔好！話晒都係我統一...」
師父立即接住講：「都話咗元朗領域係由我打返嚟...」
阿月爸爸接住講：「咁都係姐～」
乜嘢同步率...乜嘢95%...乜嘢99.99%...完全聽唔明...
不過同步率越高...好似就越勁...
阿月爸爸背後嘅刀鞘移動到腰間...同時上半身向前傾...右腳向後踏...左手放喺刀柄上...擺出準備姿勢：「遠程武器始終都用唔著...就只可以靠近戰武器...」
師父亦將刀刃收回喺腰間嘅刀鞘之中...同時上半身向前傾...右腳向後踏...左手放喺刀柄上...擺出準備姿勢：「早就應該係咁...唔好整色整水...浪費能量...」
師父同阿月爸爸再次進入戰鬥狀態...
喺佢哋身上...同時散發住...壓迫嘅氣息...
比起頭先...更大...更令人窒息...
去到另一個境界...比頭先...提升到去另一個境界...
突然...師父同阿月爸爸向前踏一步...向住對方衝埋去...
好快...超快...比起頭先...佢哋兩個嘅速度更快...連剎那間都唔到...就已經衝到去對方面前...
師父同阿月爸爸同時左手拔刀...再次向對方使出居合拔刀一閃...
“嗡！吱！嗡嗡！吱！嗡嗡！嗡！吱！”喺帶住一層薄薄綠光嘅黑色刀刃，與帶住一層薄薄藍光嘅黑色刀刃相格嘅一瞬間...立即接住揮刀...
一斬一砍再斬再砍反斬再接迴身斬...
一刀接一刀...師父同阿月爸爸刀刀都又快又狠又準...
短短幾秒...或更短嘅瞬間之中...喺招接招之間...睇得出佢哋兩個嘅招數都係同出一轍...
師父嘅刀法純熟就唔使多講...就連阿月爸爸都...究竟係喺邊度...
師父從來都唔願透露...（雖然我跟咗師父都唔係好耐...）
只係曾經透露過有個地方...既痛恨...且思念...
而我哋SPIRIT都係由嗰個地方出嚟...
我哋...SPIRIT...
“嗡嗡！吱！嗡！吱！嗡嗡嗡！吱！”喺原地對斬咗好幾十刀...再轉住咁對斬咗好幾十刀...
地面都被刀氣劃出幾十條刀痕...
然後...阿月爸爸手上把日本刀刀刃上...綠光越嚟越暗...越嚟越弱...明顯能量又差唔多耗盡...
“嗡！吱！”阿月爸爸將師父嘅袈裟斬格開之後...隨即將刀刃收入腰間嘅刀鞘之中...
但今次阿月爸爸並冇將收藏喺刀鞘之中嘅刀仔拔出...而係十隻指尖同時發出閃爍綠色嘅光芒...
“嗡嗡！” 阿月爸爸十隻閃爍綠色光芒嘅利爪向師父一爪...再爪...
師父轉身避開...再後退兩步避開：「EVE Saber...」
EVE...Saber？！
阿月爸爸立即緊貼師父揮動雙爪...
“嗡嗡！嗡！嗡嗡嗡！吱！”師父一邊後退...一邊迴避...再以刀刃招架...
好多武器...真係有勁多武器...
又日本刀...又刀仔...仲有十隻指尖發出綠光嘅EVE Saber...
唔單止會發出綠光嘅武器...仲有腿功都好大殺傷力...
除咗近戰武器...仲有遠程嘅EVE粒子砲...
喺防禦方面...仲有E.R.F.D.S....
仲有呢...仲有啲咩未使出呢？
呢套Sacred-Armor...究竟係用嚟...用嚟...
阿月爸爸左爪兩爪...右爪一爪...微弱嘅綠光爪影閃過不停...
雖然阿月爸爸雙爪嘅綠光微弱...但師父並冇掉以輕心...使出渾身解數...嘗試拉返開個距離...
之但係...阿月爸爸嘅埋身肉搏技巧相當熟練...每揮一爪都貼近師父身...
師父邊避邊擋邊招架...邊講：「連EVE Saber都發動到...雖然能量被LILITH粒子壓制住...之但係都有足夠嘅殺傷力...」
阿月爸爸邊向師父揮幾爪...邊講：「冇錯...喺將三領域統一後...終於都可以再次實現無限能源演算...Sacred-Armor可以完全唔使擔心消耗幾多能量...發揮最大功能...之但係...出到嚟...內存嘅能量有限...再加上被存在喺空氣中嘅LILITH粒子瓦解...」
師父一避...再擋...接住講：「做咩要咁在意Sacred-Armor喺呢度嘅功能...唔通...你哋係想借用Sacred-Armor...平定呢度嘅局勢？」
阿月爸爸向師父一爪...再轉身踢兩腳接住連刺兩爪：「冇錯...統一三領域後...唯一嘅目標...就係將地獄變成天堂！」
師父一避開阿月爸爸嘅雙爪擊之後...立即極速橫刀一斬：「天真...」
“嗡！吱！”阿月爸爸雙爪一擋...成個人飛開幾米遠...
阿月爸爸雙腳一落地就滑行多幾步...十隻指尖上嘅微弱綠光就漸漸消失...
師父單手持刀...側身打量住阿月爸爸：「你哋唔係一直喺地獄搜集情報㗎咩？吓？定係你哋困喺入面困到懵咗吖？」
阿月爸爸雙手震震咁...睇嚟擋頭先師父嗰一刀...唔單止用上唔少能量...仲用上唔少力量...
「你哋喺地獄設嘅組織...」師父指一指我，「我徒弟都係其中一員...」
我？！我...
師父冷眼打量住耶穌伯伯：「SPIRIT...SPIRIT...原用SPIRIT嘅名稱做組織名...都係想引起我嘅注意姐...」
耶穌伯伯扮晒傻咁...
師父打量耶穌伯伯一眼...又打量住阿月爸爸：「喺審判之日之後...你哋就喺地獄組織一個看似同你哋冇關嘅組織...利用喺地獄嘅人...去調查地獄...甚至牽制地獄嘅勢力發展...獵殺天上人...咁唔係應該好清楚而家地獄嘅情況咩？」
阿月爸爸冇出聲...
師父又打量住耶穌伯伯：「呢啲都係你喺死海文書所推算嘅一部份？」
耶穌伯伯帶住慈祥嘅微笑：「你都有推算過死海文書...你應該都清楚～」
師父冷眼打量住耶穌伯伯：「喺審判之日後幾年...我的確仲有鑽研死海文書...正如你內心盤算一樣...我唔甘心...」
耶穌伯伯帶住微笑點點頭...
師父繼續講：「不過...三四年之後...我冇再去理乜嘢死海文書...我決定用身體去感受...親身體會...審判後嘅地獄...」
耶穌伯伯點點頭...
「地獄...每一個地方都留有我嘅腳印...」師父指一指綽姿，「唔單止我...連我個囡都一樣...」
耶穌伯伯帶住慈祥嘅微笑打量住綽姿...
師父以刀尖指住阿月爸爸：「我好清楚...清楚審判後嘅地獄...你哋真係認為靠你哋呢套垃圾就可以另地獄變天堂？」
阿月爸爸鬆鬆雙手：「唔試過又點知呢～」
「所以就話你哋天真！」師父一講完...反刀衝向阿月爸爸...
阿月爸爸由背後嘅刀鞘拔出日本刀...直砍向師父...
“嗡！吱！”師父反刀一擋順勢轉身抽刀斬...
阿月爸爸一擋...再反斬師父兩刀...
師父就與阿月爸爸連環揮刀...一邊斬砍擋避迴身斬再避再反斬...一邊向住左邊嘅山區野草...衝入去...
當佢哋兩人嘅身影都進入長長嘅野草之時...野草同時被斬到飛起晒...斷開晒...
被野草擋住視線...完全睇唔到佢哋交手嘅戰況...就只見到不停有野草飛起...飛起...一堆堆咁飛起...
一路順住野草飛起...一路去到大樹...
“嗡！轟！”成棵大樹瞬間就被斬斷...
唔止一棵...
“嗡！嗡！轟！嗡！轟隆！”就連側邊嗰幾棵都被波及...
幾棵大樹被斬斷後...野草又不停咁飛起...飛起...好似一條路咁一堆堆被斬斷...
然後...就有一個閃住綠光嘅黑色身影...由野草之中閃到去空中...
係阿月爸爸...阿月爸爸喺空中轉身兩周再後空翻跳返落嚟我哋面前...
然後...一個黑色身影亦由野草之中閃到去空中...
係師父...師父喺空中向住阿月爸爸...由上而下...從天而降...再次使出袈裟斬...
今次阿月爸爸準備好以帶住一層薄薄綠光嘅黑色刀刃硬擋...
就喺師父手上把帶住一層薄薄藍光嘅黑色刀刃，快要斬到落帶住一層薄薄綠光嘅黑色刀刃之時...
師父全身...突然化成無數藍色粒子...閃到去阿月爸爸身後...
無數藍色粒子喺阿月爸爸身後...集合返一個實體？！