《香港傭兵》: [Day 24－三合成立] PART 43
“咯 咯 咯 咯”跟住喺阿月身後嘅...恐怖...就行到嚟我同綽姿面前...
竟然...竟然唔使我哋再搵...恐怖就挾持住阿月...行到嚟我哋面前...
恐怖回頭望望跪喺地上...攬住一尾一齊進入深層睡眠嘅片翼：「果然...果然有效...」
有...有效...有咩效...
恐怖望返過嚟...望住喺我懷中嘅綽姿：「以片翼體內嘅EVE能量...抵消LILITH嘅能量...果然有效...」
片翼體內嘅EVE能量...抵消LILITH...
恐怖摸一摸左眼眼罩...打量住綽姿：「我唔會再...俾機會你...傷到我...」
「嗄...」綽姿睥住恐怖...抖咗啖大氣...
『嗱你係大佬吖嘛？最大嗰個喇嘛？你唔好講咁多廢話我就完全唔知你噏乜...就咁...你借一借個ADAM俾我...俾我哋返翻去過去...你要稱霸地球又好...做Darth Sidious武統宇宙又好做乜都好我唔理你啦...我哋唔會阻你嘅...OK？』講咁多廢話都係嘥氣...
恐怖困惑咁打量住我：「都已經覺醒過...仲要唔止一層...第三階？第四階？點都冇理由...仲係咁...」
乜唔止一層...乜第三階第四階...都唔知噏乜...
『喂喂...我真係唔知你噏乜...我哋只係想返翻去過去姐...嗱我保證...返到去過去唔會對外公布未來會變成點...反正都冇人信㗎啦～唔會破壞到你嘅大計㗎喎～』邊鬼個會信吖...個個都當我鳩吹㗎啦...未來係改變唔到㗎...
恐怖再諗一諗：「仲係停留喺嗰段時間嘅記憶...睇嚟真係好留戀嗰段時光...」
『喂喂喂...我真係真係唔知你噏乜...但你知我噏乜嘛？借個ADAM嚟用一用...ADAM喺你手中㗎嘛？』嗱你真係唔好扮嘢...
恐怖再諗一諗：「就係因為ADAM嘅記憶太強...唔可以好似LILITH咁可以植入記憶...所以就以呢個方法一步一步覺醒...同時可以引導EVE...點知都仲係...有啲出入...果然係差啲嘢...死海文書唔齊全...就算推斷都係差啲...」
ADAM嘅記憶...太強...唔可以好似LILITH咁...植入記憶...
而企喺恐怖前面嘅阿月...仲係帶住莞爾一笑...望住我...
恐怖再諗一諗：「喺得到三原核之時...我研究咗好耐...」
『哦！三原核真係喺晒你手上！喂咁借ADAM嚟用一用啦！唔好咁孤寒啦！我哋走咗，又唔阻你統治宇宙～一石二鳥～一舉兩得～』Win Win雙贏啦！
恐怖一隻冷眼望住我：「你可唔可以聽我講埋先？」
『哦...好...』又要聽故仔吖？人就係冇耐性㗎啦...
恐怖繼續講：「係曾經...曾經三原核都喺我手...不過之後就俾宋本木個死老鬼搶走ADAM同EVE...」
『吓？唔係你搶走咗ADAM咩？』短白髮男係咁講㗎喎...
恐怖又一隻冷眼望住我：「係我得到三原核後宋本木嚟搶走ADAM同EVE...及後我又將ADAM搶返翻嚟...」
『哦...』講得清楚啲吖嘛...講到1999咁...
恐怖搭一搭住阿月膊頭：「總之喺搶嚟搶去之下...我得到LILITH同ADAM...宋本木就得到EVE...」
『講還講可唔可以唔好搭住阿月...』我指住恐怖隻搭住阿月膊頭嘅鹹豬手...
恐怖再一隻冷眼望住我...鬆返開搭住阿月膊頭隻手：「你真係麻煩...」
咩姐...係男人都唔鍾意自己女朋友俾另一個男人搭膊頭㗎喇...（雖然我而家喺阿月面前仲攬住綽姿...）
恐怖繼續講：「LILITH嘅記憶中樞並唔深...可以借由植入偽記憶控制穩定性...之但係...ADAM就真係好唔同...」
『哦...』我點點頭...俾啲反應...
恐怖繼續講：「經過好多次測試...我哋自己又好...喺逆行者手上之時...利用咗西貢獻命又好...ADAM真係好危險...」
『嗯...』繼續俾反應...
恐怖繼續講：「ADAM嘅不穩...所產生嘅副作用...已經足以毀天滅地...」
『嗯...』我又繼續俾反應...
恐怖繼續講：「可能講得有啲誇張...但確實吞噬咗整整一個西貢...」
吞噬整個西貢...
ADAM嘅不穩...產生嘅副產品...黑球...將整個西貢吞噬...
恐怖繼續講：「其實危險又點止得ADAM...三原核...都係咁危險...只係LILITH同EVE比較容易控制...而ADAM...記憶中樞太強...太容易失控...」
『嗯...』繼續俾反應...其實我唔明...
恐怖繼續講：「強行喚醒係冇可能...只會令ADAM不穩失控...結果就好似西貢獻命咁...」
『係你陰佢哋姐...』唔係你教佢哋喚醒ADAM...又點會不穩失控...
「哈～」恐怖帶住冷笑，「又唔好咁講...佢哋唔應該相信敵人...選擇得相信敵人...即係走頭無路...怪得邊個？」
『係係...』你啱你啱...歷史係由勝利者記載㗎嘛...你鍾意講乜都得㗎啦...
恐怖繼續講：「當我再次得到ADAM...我嘗試用將偽記憶植入LILITH嘅方法植入ADAM...發現ADAM嘅記憶中樞太強...好強嘅反抗力場...一直都唔接受外來嘅偽記憶...而且就算唔係強行植入...都會不穩失控而產生副作用...」
『嗯...黑球吖嘛...黑物質吖嘛...』我知啦...
「嗯...」恐怖點點頭，「你都知呢...證明呢個方法真係有效...」
『吓？』咩方法？有咩效？
阿月仲係帶住莞爾一笑望住仲跪喺馬路上...攬住綽姿嘅我...
而恐怖就繼續講：「ADAM嘅副產品黑物質固之然重要...我哋好需要...之但係喺控制範圍以外...不穩定之下產生出嚟就真係危險...控制唔到個範圍...唔知會有幾大...唔知會吞噬幾多幾多...」
要喺控制範圍之內...
恐怖諗一諗...繼續講：「喺強行植入唔到之後...就只好封印住ADAM...」
封印...ADAM...
恐怖繼續講：「被封印嘅ADAM一直處於零階段...處於零階段嘅ADAM係最穩定...相對地...由零開始係最安全...所以我就決定由佢...由零開始...」
由零開始...
恐怖又諗一諗...繼續講：「其實呢啲都係由死海文書推斷出嚟...」
死...死海文書...
恐怖繼續講：「死海文書嘅段章裡面...係有提及過...ADAM嘅覺醒過程...我就推斷...係要由零開始...」
『嗯嗯...』其實我都仲係聽到一頭霧水...
不過是旦啦...佢鍾意講，我咪繼續聽囉...
恐怖繼續講：「喺三原核之間...有好微妙嘅關係...就算係零又好...處於唔同階層又好...佢哋三者...都會互相影響...」
三原核之間...恐怖係想講解...有關三原核...
恐怖繼續講：「我研究咗好耐...發現到當中...ADAM可以帶動EVE...」
ADAM...可以帶動EVE...
恐怖望住阿月：「EVE嘅其中一個特性...就係會產生出能量...好似電能咁...但強大得多...好多好多...而且好似無窮無盡咁...」
EVE嘅能量...綠色嘅能量...
恐怖點點頭：「只可惜...範圍始終都有限...就算成功導入...只要超出範圍...就失效...」
超出範圍...呢一點...短白髮男同仁慈都好似提及過...
恐怖再打量住我：「之不過...ADAM...ADAM有帶動EVE嘅特性...」
恐怖嘅眼神...好有壓迫感...
恐怖帶住陰險嘅微笑打量住我：「喺宋本木搶走EVE同ADAM嘅時候...唔知收埋喺邊...我都只可以估估吓...」
估？估啲乜？
恐怖再打量住阿月：「我早就測試出...EVE嘅導引能量方式...並唔係以圓周波段咁向外散播...所以唔可以以逆行者出現嘅地方同範圍去推算EVE嘅藏身點...」
又講啲我唔明嘅嘢喇...不過明唔明都唔緊要...最緊要都係...
『喂...講還講可唔可以唔好咁望住阿月嚟講...』點樣望？好似個變態怪叔叔望住個小妹妹唔知想點咁...
恐怖一隻冷眼打量住我：「又有問題？」
『喂梗係有問題啦！我係佢男朋友嚟㗎！梗係唔想俾啲變態怪叔叔𥄫自己女朋友㗎啦！』畫公仔唔使畫埋條腸吖化？！
恐怖無奈咁擰擰頭：「唉...你真係好麻煩...」
『係咁麻煩㗎喇～唔想麻煩就唔好整咁多色水～講就講～』最好講快啲添...
「好好...」恐怖無奈咁點點，「總之我係清楚就算知道能量引導覆蓋範圍...都唔可以推算到EVE嘅藏身點...更何況...當時連ADAM都喺佢哋手...」
『嗯嗯...』又要聽啲聽極都唔明嘅故仔...
恐怖繼續講：「喺宋本木搶走ADAM同EVE之前...我就已經測試出ADAM有帶動EVE嘅特性...咁嘅話...要推算出佢哋兩個原核所收藏嘅地方就更加冇可能...」
『嗯嗯...』佢話冇可能就冇可能啦...
恐怖繼續講：「放埋一齊就已經難推測...分開放就更加難...而究竟係放埋一齊定分開我都冇資料...就更加唔好諗推算...宋本木一早就知道...預計好...依住計劃...甚至死海文書嘅方向行...」
『嗯嗯...』講到尾都係收皮啦...
恐怖又打量住我：「但宋本木就應該估唔到...激進嘅西貢獻命有意見...要求接管ADAM...我一收到呢個消息...就知機會嚟喇...」
『嗯嗯...』登～龍～劍～～～
恐怖打量住我懷中嘅綽姿：「我手上已經有已植入偽記憶嘅LILITH...然後就要回收返ADAM...而且我嘅計劃好成功...西貢獻命班人真係好蠢...捉到鹿唔止唔識脫角...仲俾鹿撞死...」
西貢...攻防戰...
恐怖再打量住我：「回收返嚟搞咗一輪...知道唔可以將偽記憶植入ADAM...就只好由零開始...利用已植入偽記憶嘅LILITH...帶動由零開始嘅ADAM...」
利用已植入偽記憶嘅LILITH...帶動由零開始嘅ADAM...
恐怖打量住我同綽姿：「呢種真係好特別嘅關係...LILITH同ADAM...兩者互相牽引...縱使係一直唔穩定嘅ADAM...都可以Keep住係安全水平...然後就只係差...EVE...」
只係差...EVE...
恐怖望咗阿月一眼...然後又打量住我：「EVE除咗可以受ADAM導引外...只要EVE能量對ADAM作出攻擊...就會產生共鳴作用...」
只要EVE能量對ADAM作出攻擊...就會產生共鳴作用...
恐怖再望住綽姿：「而當中...LILITH可以產生出中和作用...」
LILITH...中和作用...
恐怖一直打量住綽姿：「LILITH除咗有瓦解能量嘅特性...仲可以中和EVE能量對ADAM嘅刺激...減輕ADAM嘅不穩定情況...」
LILITH...中和EVE能量對ADAM嘅刺激...減輕ADAM嘅不穩定情況...
LILITH...EVE...ADAM...所謂嘅三原核...係...