《香港傭兵》: [Day 24－三合成立] PART 42
片翼踩住大大塊石屎牆身...不停咁喺我頭上揮刀...
“嗡！吱！！！嗡嗡！吱！！！嗡！嗡嗡！吱！！！”
我以黑色刀刃擋擋...轉身再擋擋...反斬兩刀...
越嚟越多...我好似見到片翼身上...有越嚟越多綠色粒子...一閃...消失...
“嗡！吱！！！嗡嗡！嗡！吱！！！”而黑色刀刃與長長嘅紅光刀刃相碰嘅衝擊力亦越嚟越大...
唔得...就快擋唔住...再係咁落去...唔可能同片翼持平...
唔可以...唔可以再硬接...
趁住片翼正要使出迴身抽刀之時...我立即向頭上快速揮兩刀...
“嗡嗡！！！”頭上立即俾我斬出兩條深淵一樣黑嘅空間裂縫...
片翼一個迴身抽刀...斬落空間裂縫...
擋住咗...片翼斬唔開空間裂縫...長長嘅紅光刀刃被空間裂縫擋住咗...
我趁住兩條空間裂縫仲未合返埋之前...立即再左右兩邊揮兩刀...再喺前後揮三刀...又再喺頭上揮幾刀...
“嗡嗡！嗡嗡嗡！嗡！嗡嗡！”我不停咁圍住自己揮刀...揮刀...再揮刀...
一條又一條...長長短短...深淵一樣黑嘅空間裂縫...就圍住身邊出現...
空間裂縫維持嘅時間其實並唔長...但因為我同片翼速度之快...時間就慢到好似停止咁...
而空間裂縫維持嘅時間...都足以擋住片翼嘅一刀...一刀...一刀又一刀嘅攻擊...
“嗡！嗡！嗡嗡！嗡嗡！嗡嗡！”喺空間裂縫合返埋之前...我再揮一刀...再揮刀...再揮兩刀...
我完全預判片翼嘅攻擊...佢手上把長長嘅紅光刀刃就被深淵一樣黑嘅空間裂縫擋住...格住...完全冇機會攻擊到我...
片翼見老鼠拉龜無從入手...就只好轉身一斬...斬開身後大大塊石屎牆身...穿進灰塵之中...
我感覺到片翼嘅氣息穿過灰塵...越嚟越遠...我亦同時跳入灰塵之中...
“嗡嗡！嗡嗡！”我揮動精神刀...將倒塌緊嘅大大塊玻璃碎塊...石屎碎塊斬開...穿出灰塵...
當我由灰塵之中穿出...我就見到片翼背住我...單膝半跪咁跪喺大廈天台...
我立即雙手持刀...由上而下...從天而降咁向住片翼背後使出袈裟斬...
片翼立即轉身...反刀一擋...
“嗡！吱！！！”喺黑色刀刃沿住長長嘅紅光刀刃擦住咁向天台地面一斬...斬出三條刀痕之時...片翼企返起身嘅同時向我揮兩刀...
我一擋...再避...片翼立即半車身向住我個頭大腳一踢...
就喺我個頭被片翼踢中...正要飛開嘅一瞬間...我立即向片翼右臂大刀一揮...
“嗡！吱！！！”黑色刀刃將片翼右臂上嘅絕對領域扭曲...扭曲...扭曲到完全消失...再斬落片翼嘅右臂...
黑色刀刃劃過片翼右臂...我亦成個飛開...凌空三百六十度轉體三周半落地...滑後幾米再擺返個有型姿勢...
遠望住左手手持長長紅光刀刃嘅片翼...右邊手臂...深深一條...深淵一樣黑嘅...刀痕...
然後...過一陣...突然...深淵一樣黑嘅刀痕漸漸露出紅光...越嚟越紅...越嚟越紅...噴出紅色粒子...
大量紅色粒子由片翼右臂嘅紅光傷口噴出...當中仲好似夾雜住...幾粒...綠色...粒子...
斬得入...終於都...突破到片翼嘅絕對領域...入到肉...
片翼右臂嘅紅光傷口...仍然噴出大量紅色粒子...而且仲好以...越嚟越多...越嚟越多綠色粒子...一閃...一閃...消失...
有效...我就係專登俾你踢一腳...換呢一刀...試試斬唔斬得開絕對領域...
係估唔到仲俾我斬得入肉...仲要入得咁深...
片翼側住身...左手手持長長紅光刀刃...企定定...任由右臂嘅紅光傷口繼續噴出大量紅色粒子...喺空氣中飄散...消失...
而我...感覺到片翼身上嘅氣息...好似越嚟越弱...越嚟越弱...身上嘅紅色粒子就跟住佢嘅氣息強弱而閃爍...閃爍...
雖然話片翼嘅氣息越嚟越弱...但我又...又係郁唔到...
好想向片翼作出攻擊...之但係...又係嗰種感覺...好危險...而且喺危險之中...仲夾雜住...熟悉...親切嘅...氣息...
點會咁...喺片翼身上...點會有...仲越嚟越強烈...
片翼踏前一步...向住我衝埋嚟...
“轟隆！”同時...地面上嘅磚塊都被片翼嘅衝擊力衝到向左右兩邊飛開...
片翼轉住身咁衝到埋我面前...向我抽刀一斬...
“嗡！吱！！！”我以黑色刀刃一擋...瞬間被震後兩步...
果然...比起頭先...更震撼...
片翼一直迫住埋我身連環揮刀...
“嗡嗡！吱！！！嗡嗡嗡！吱！！！”我一邊後退一邊以黑色刀刃擋...擋...避開兩刀...再揮兩刀...將空間斬開...斬出兩條空間裂縫...擋住片翼...
片翼一跳...跳過兩條空間裂縫嘅同時...由上而下...從天而降...向我使出袈裟斬...
我一個側手翻避開嘅同時...
“嗡！吱！！！”片翼一斬...長長嘅紅光刀刃將成棟大廈斬開一半...
而喺長長嘅紅光刀影當中...亦夾雜住...夾雜住綠色...一粒粒...綠色粒子...瞬間消失...
“嗡！”片翼再向我橫刀一揮...
我再單手後手翻避開...拉返開個距離...離遠向片翼擺出防禦姿勢之時...
我感覺到...感覺到遠處嘅綽姿...氣息...綽姿嘅氣息...正逐漸減弱...減弱...
綽姿嘅氣息...越嚟越弱...越嚟越弱...
並冇再增強...漸強...
綽姿嘅氣息...停定喺一個位置...一直減弱...就只有減弱...
我回頭望向綽姿氣息嘅方向...喺遠處嘅...馬路中心...
綽姿雙手持刀...身上嘅紅色粒子越嚟越少...越嚟越少...連手上嘅紅光刀刃都越嚟越暗...
而一尾...一尾就同綽姿隔開一兩架巴士嘅距離...向綽姿擺出防禦姿勢...
綽姿身上嘅紅色粒子越嚟越少...紅光越嚟越暗...暗到...冇晒...身上再冇紅色粒子...連同氣息都消失埋...
而家...喺綽姿身上...就只有黑...黑...藍...藍...
突然...綽姿嘅黑色身影上...有一點點...一粒粒...藍色...藍色粒子...
我再睇得清楚啲...睇清楚綽姿身上...有一點點藍...藍色粒子...
一點一點...一點又一點...越嚟越多...喺綽姿身上...全身上上下下...越嚟越多藍色粒子...飄浮...飄浮...
越嚟越多...越嚟越多藍色粒子...由綽姿身上飄出...圍住綽姿...飄浮...飄浮...
仲係感覺唔到綽姿身上有氣息...就好似...耗盡精神能量...進入咗深層睡眠一樣...
至於一尾...一尾身上嘅氣息...亦越嚟越弱...不停減弱...
一尾嘅氣息...好似消失緊...好似...谷唔返起...就好似火焰...正慢慢...慢慢...熄滅...
突然...大量藍色粒子由綽姿爆出...佢手上嘅精神刀柄隨即亮出...藍光刀刃？！
與此同時...一尾嘅氣息急速消失...跪咗喺馬路上...
發...發生咩...咩事...
「一尾！」片翼背脊右方剎那之間閃出一隻綠光天使翼...
片翼身上...身上已經被...綠色粒子包圍...
片翼立即衝向樓邊一跳...
帶住綠光嘅片翼雙手持刀...向住散發住陣陣藍光嘅綽姿飛埋去...
就喺片翼差唔多飛到去綽姿面前...片翼手中長長嘅紅光刀刃...突然變成綠色...
長長且帶住電光嘅極刺眼綠光刀刃就向住綽姿斬埋去...
綽姿以藍光刀刃一擋...
“嗡！吱！！！”藍光刀刃與極刺眼綠光刀刃相格...擦出大量藍綠粒子...
大量藍綠粒子喺空氣中飄散...
唔單止藍綠粒子...仲有極刺眼嘅強光...仲有...仲有好強大嘅能量...極強大嘅能量...
好強大嘅能量...係咩能量...我唔知...我唔識講...
只係感覺到...感覺到...喺綽姿同片翼之間...藍綠刀刃互碰互擦之間...產生出極大量能量...
“吱！！！”極刺眼嘅強光就喺刀刃與刀刃之間閃過不停...無盡咁大嘅能量不停釋出...
極強大嘅強量相當不穩...向住四周...無定向咁...不停釋出...釋放...
突然...
“轟隆！！！”刀刃與刀刃之間產生出大爆炸...
『嗚...』極刺眼嘅強光閃到我睇唔到嘢...
而且...四周都充斥住極強大嘅不知明能量...干擾咗我嘅感應...感覺唔到佢哋三個嘅氣息...
直至過咗一段時間...極刺眼強光消失...但空間之中充斥住不知明能量之時...
我望到遠處嘅馬路上...片翼同一尾瞓喺馬路上...而再遠啲...綽姿都瞓咗喺馬路上...
我立即衝向樓邊一跳...向住馬路飛落去...
我一飛到落馬路上...立即跑向綽姿...
當我喺一尾同片翼身邊擦過...片翼喺馬路上爬...爬...爬向一尾：「一尾...一尾...」
片翼身上嘅氣息...好弱...好弱...連同佢身上嘅綠色粒子...越嚟越暗...越嚟越少...
片翼爬到去一尾身邊...跪喺一尾身邊...將一尾抱到大髀上：「一...雫...雫...」
一尾好攰咁...帶住微笑...雙眼半開半合咁望住片翼：「估唔到...估唔到今次係我...係我進入深層睡眠...先...」
然後...一尾身上嘅紅色粒子完全消失...氣息亦完全消失...
而喺片翼身上...綠色粒子...亦越嚟越少...越嚟越暗...消失...消失..連同氣息一齊消失...
片翼攬住一尾...雙雙進入深層睡眠...
我就冇再理佢哋兩個咁多...跑到去綽姿身邊...
我一刀插落地面...單膝半跪...扶起綽姿：「綽姿...綽姿...你點吖？」
綽姿冇乜氣力咁...勉強睜開雙眼望住我：「我...嗄...我...嗄...」
綽姿身上...少量嘅藍色粒子一閃...一閃...越嚟越少...越嚟越暗...
而喺綽姿身上嘅氣息...好似冇晒咁...感覺唔到...一啲氣息都感覺唔到...就好似...好似耗盡精神能量一樣...好似就快要進入深層睡眠一樣...
『喂喂喂...你唔好...你唔好瞓吖...唔好而家先嚟進入深層睡眠吖...』你進入深層睡眠嘅話...咁我點算吖？
話就話片翼同一尾都已經失去戰鬥力...進入深層睡眠姐...之但係我哋仲要...搵阿月㗎嘛...
係咯...我哋今次嚟嘅目的係搵阿月...打咗咁耐差啲唔記得添...
「你俾我...嗄...你俾我抖抖先...嗄嗄...俾我抖抖...抖抖先...嗄...」綽姿抖晒大氣...
『喂喂...唔好抖吖...喂喂...你一抖就進入深層睡眠...進入深層睡眠咁我點算？喂喂...喂喂...』我搖兩搖綽姿...
「哈...」綽姿笑一笑，「你而家知你平時突然進入深層睡眠係幾咁麻煩...」
『喂點同吖平時...』就喺呢個時候...我聽到有...
“咯 咯”
腳步聲...
“咯 咯 咯”
喺前面...
“咯 咯 咯 咯”
兩個腳步聲...一前一後...
我望返上前...就望到有兩個黑色嘅身影...
一前...一後...一高...一矮...同樣著住...黑色長袍...
而行喺前面...比較矮嘅...係...帶住莞爾一笑嘅...
『阿月？！』